端午節~第一次睇龍舟

今年端午節妹妹已經識行識走識講，哥哥一睇到龍舟廣告就話要去睇，

妹妹唔執輸，又講埋一份，

於是婆婆日日聽到兩個乖孫不停咁叫佢帶佢地去。。。

婆婆同舅母講完之後，就話點辛苦都話帶佢地去

婆婆舅母都咁講

做父母嘅。。梗係捨命陪伴！

小檬又係晨早已經自己彈起身，話去睇龍舟，

成個星期都話落雨，好在當日朝早都叫冇雨，於是可以順利出發

如果唔係我諗都幾難氹返小檬。

接埋婆婆之後就出發屯門睇。。。

妹妹豬起得晏啲，於是淨係飲咗包奶（佢又麻麻地麵包）

喺途中居然嘔！！

本來等舅母坐兩個小朋友中間，

諗住喺後座嘆吓世界嘅我

結果又要泊架車喺路邊巴士站同舅母換返位，

拿拿淋同妹妹換衫，抱住佢地安慰佢

妹妹豬未試過嘔，好在都唔係好嚴重，

好似er啲奶出黎咁。

真係唔可以空肚食早餐，可能要有啲野到肚先得！

見佢都冇咩野，就繼續行程。

我哋一行6人全部都係第一次睇龍舟！

爸爸先放低我哋去泊車，我哋先去搵吓位睇

原來公眾席要預先攞飛，

唉。。我哋不嬲都咁好計劃，點會知道要攞飛吖！！

於是就搵位攝吓睇就算

終於見到主角龍舟～

唔講以為睇警察叔叔

以為去咗睇救護車

天氣冇落雨不突止，仲好曬！

好在我哋都早有準備，風扇仔加傘！

真係遙望吓隻龍舟。

咁啱啲哥哥沖身，於是借咗隻漿俾佢地影吓相～

龍舟健兒

檬爸就周圍搵位泊車，佢話搵唔到位喎。。。叫我哋睇住先！

(其實可能想縮沙)

嘗試搵個再靚啲嘅位

見妹妹豬已經有啲唔舒服，唔敢叫佢粗勞，

於是就抱住佢行。。行行行。。。

行到橋頭我差不多暈低，

小檬好叻仔，拖住舅母自己行

行咗差不多10分鐘，熱到兩隻豬仔

冇影自己咋，我得返半條人命

到左呢條橋睇 真係遠到呢⋯⋯

一到就要攞個望遠鏡俾佢！！

個望遠鏡係爸爸背囊。。。

係喎。檬爸呢？

行到我暈低先話搵到位黎緊！

望遠鏡終於拎到手喇！

佢好似觀鳥咁

咁啱咪娜姨姨尋晚送咗頂帽連太陽眼鏡比妹妹豬

即用

見到龍舟，小朋友好興奮, 

周圍搵啲藍色／紅色衫嘅健兒！

都有為佢地打氣，不過就真係遠咗啲

天色開始昏暗，我哋睇咗兩場賽事就開始走喇，

行到車就已經落出雨，雖然時間短啲，

不過都叫做同啲小朋友睇咗龍舟丫

由兩歲BB到幾廿歲婆婆都係第一次睇龍舟～

有咗小朋友真係會做啲自己唔會做嘅野！！！