婆婆大壽~準備&鳴謝篇

婆婆大壽
由於有部分親戚會由廣州及澳門嚟。。
於是搵酒席時都盡量市區為主。
雖然係幾圍，事前都做晒功課冇求其
揀幾間行吓個場，格吓價錢，睇吓婆婆鍾意邊到，
開個家庭會議之後
就最終決定訂i square陶源酒家，5圍可以間到個小廳，
有落地玻璃，日夜景。

  
同結婚差不多，都要有guest list，
其實每年婆婆生日都會同啲親戚朋友食飯，不過今年就請更加多。
所以，guest list 都係係之前嘅再加上。
除咗親戚，婆婆自己啲朋友，
我同哥哥嘅朋友都融入我屋企，好似自己人一樣。同婆婆都好熟絡！
所以我同我哥哥嘅朋友都會邀請。

為咗安排好啲，雖然人少少，到整返個sitting plan，
方便大家知道點坐。呢啲手作野就由我做


其實都應該冇人睇架喇。。不過都整靚啲啦～

小檬同妹妹豬都幫吓手啦

最煩惱嘅就係安排坐位。。。唔知點解。。
到最後一分鐘都會有改變。
唔係婚禮由我哋兩個話事，
仲要問下婆婆。。舅父意見。
好在大家都係好隨和嘅人，
正路安排已經冇問題！ 


婆婆生日，點都要同啲親戚朋友影吓相。
於是叫檬爸朋友整咗個backdrop。。我哋又係好遲先行動
朋友又咁啱開始忙wedding 佈置。
不過, 好在都夠時間整好。
（其實婆婆並未到七十一嘅。。以前報大數可以做工）

多謝Ron咁靚嘅backdrop
@Cherish Wedding Decoration

最後就要多謝我嘅好朋友，舊同學，KK叔叔!!
又充當大會攝影師！！

雖然未執得切相比我，不過都已經好靚！！

婆婆叫你得閒上嚟食飯呀！！

終於又攪掂一壇！我可以抖吓喇!!!