9.15.2016

學校提燈會~中秋節快樂!!!

一年容易又中秋! 
今年被颱風吹一吹,
原本中秋正日係學校嘅提燈會,以為被颱風吹到要取消,
於是學校決定提前一日舉行

原本放半日可以去接玩完提燈會著中國服兩兄妹的慈母
美夢幻滅了!!!!

不過都總好過打風佢地冇得玩!
點知。。。
今日風平浪靜又可以正常返學。。天意弄人!=____=

第一年為妹妹豬添置夏天華服,
真係唔知買咩好。。終於揀到呢件
粉紅色lace有晒甜美嘅元素

之前新買太大,而家好在已經啱,前幾日試著唔肯著對襪架。
我覺得呢個look係要襯對花邊襪仔先得。。
應該仲有條手巾仔,伶住個網撲蝶。。哈哈)

返學之前一晚終於肯著~
個頭好明顯要整整佢

登凳~ 預備返學喇!!
呢啲華服,點都要襯過春麗頭
好在姐姐都攪得掂
(因為有時妹妹豬唔肯坐定定,或者又呢又路話唔著呢件果件)

終於成功落樓!!
呀嫲嫲買嘅燈籠似乎太大喇~
妹妹豬又唔肯放低佢先影相

(爸爸偷影)

好似完全冇講過小檬,因為小檬只係著返舊嘅功夫,冇咩特別
(媽咪開始1skip小檬哥哥。。。)

小檬知道咩係功夫喇。。。要擺過型嘅姿勢~

原本行甜美路線嘅妹妹豬

都有樣學樣,突然間變得有殺氣

有線眼send返返到學校落車相比我,
真係唔該晒
線眼仲話小檬哥哥一路有拖住妹妹隻手,好照顧佢
我諗佢地喺學校一定玩好開心!!

希望今晚天氣良好,大家可以玩得開心啲!
祝大家中秋節快樂!!


11 則留言:

  1. 妹妹豬個LOOK 好得呀~ 有股殺氣, 好搞笑~

    回覆刪除
    回覆
    1. 哥哥做咩佢又跟住做。。破壞晒甜美look!

      刪除
  2. 妹妹豬個春麗look實在Q到爆(心心眼)

    回覆刪除
    回覆
    1. 你都可以同佢地試吓!!

      刪除
  3. 一個可愛一個型~ LIKE

    回覆刪除
    回覆
    1. 多謝EE,終於有人記得小檬!!
      (差啲連媽咪都唔記得喇!)

      刪除
  4. 妹妹豬個look 好得,但個燈籠真係太大啦,哈哈

    回覆刪除
    回覆
    1. 我一時冇諗到佢會遮住晒,如果唔係我唔會比佢地買咁大個

      刪除
  5. 妹妹豬個look超掂呀﹗睇到我心心眼﹗

    回覆刪除
    回覆
    1. 你好快可以同妹妹扮

      刪除
  6. 妹妹豬超可愛!!
    點解D旗袍仔咁得意架!

    回覆刪除