婆婆壽宴

婆婆今年大壽，於是安排左幾圍壽宴
等佢同其他親戚朋友食餐飯，高興一番！

中午lunch之後，就叫小朋友瞓一陣，準備出發

免得成日冇得瞓扭計

不過通常小朋友就係你越想佢瞓，佢越唔瞓！！

兩個"瞓"左成個鐘都未瞓到。。
於是決定早啲出去，喺車應該會瞓
果然不出我所料，上車冇幾耐就瞓著！

不過都好快到達目的地，一開車門就醒晒！！

上到去放好物資，貼好個backdrop／放好sitting plan就攪掂！

襯小朋友仲精靈，同婆婆影張合照先

打麻雀嘅親戚朋友真係4點鐘已經到！(麻雀吸引力驚人)
陸陸續續有啲親戚朋友到場。。

    

剛收工的NT。。點解唔帶相機呀？？！！

媽咪我又要忙於招呼人客，冇咩理過兩位小朋友
雖然已經帶咗啲玩具, 不過多謝T EE 買左盒lego俾小檬砌
呢個哥哥三歲我就識佢，睇到佢而家中三，高我成個頭！
估唔到仲餵我仔食飯！

另一方面同酒樓夾吓時間幾時收麻雀，而舅父又整咗時段片。。
又要等侍應安排！
好在有契媽媽／姐姐，同TL哥哥幫手照顧住啲小朋友。


開席前，叫咗啲米粉／飯比兩位小朋友食咗先！
小檬掛住玩，變左爸爸餵佢食！！


妹妹豬又係掛住玩, 好在都有自己食


一般酒席，請帖都係寫五時恭候，八時入席，
不過諗住都係自己人食餐飯，客人有廣州有澳門
我哋通知各親友七點開始，免得食得太晏，搭船搭車...第二天返工返學。

大家都算準時, 各來賓坐好晒之後，通知開席
舅父就播片。。。

係嫂嫂整蛋糕俾婆婆嘅片段！


婆婆最鍾意就係打麻雀，於是嫂嫂就搵朋友幫手，
一齊整個麻雀蛋糕比婆婆。

去片~

婆婆真係好surprise


小檬同妹妹豬都有參與架～


不過就係少少哋，整咗隻朱古力麻雀！


婆婆見到真係笑到見牙唔見眼！

睇完片喇。。小檬負責拎蛋糕俾婆婆

哇。。好驚佢跌呀！ 

其實都唔係重，不過驚佢唔識拎，斜咗就跌！

跟住就真係成為全場朝點喇！！

又冇得切蛋糕，徙左舅母一番心機，

所以我都係喺後面backup！

順利拎比婆婆 (鼓掌!鼓掌!鼓掌!)

孫仔一啖甜晒

祝婆婆福如東海，壽比南山

好滿意嘅全家福

兩隻豬仔好合作，仲要有笑容

唱生日歌～

切蛋糕，梗係為食嘅妹妹豬負責啦

終於可以坐低食飯喇！！
兩個小朋友都食飽，唔使理，淨係坐喺到玩就得！

一個黐契女


一個黐契仔

媽咪唔使同佢地坐，可以free一夜！！

兩個師兄兩個師姐，一個同學！ 
這天又重聚！中學年代之後，師兄師姐唔同屆畢業嘅我哋，
估唔到N年後會聚埋一齊飲我媽壽酒！

咁多年感情，大家都同我一家／婆婆，好似乎家人咁

食吓玩吓笑吓




行來行去同啲親朋戚友傾吓計，影吓相

終於有時間搵返啲仔女


要讚吓呢兩位小朋友，雖然只係瞓左半個鐘都唔夠，
不過成晚表現好好，冇扭計


仲笑容十足


梗係兩個收到禮物，又咁多小朋友一齊玩！

妹妹著住條裙又不停比人讚靚～


仲自己走埋去人比花嬌！


話影大合照冇話扭計唔影 (超級讚)

妹妹仲適當時間自己V手... wakakaa


點解咁乖？？
因為前一晚，媽媽又訓話小檬上次同婆婆影個輯相唔合作，
婆婆平時煮飯佢地食／湊佢地返學習放學咁辛苦，
所以婆婆生日會一定要氹婆婆開心，同佢笑住影相！

當然，同媽咪都要啦

開心嘅時光好快, 食埋個壽包就送客喇～


臨走先記得未送個相架俾婆婆！

不過當晚婆婆咁開心，冇禮物收

睇到呢張相都都冧晒啦!!