10.06.2016

妹妹豬 Happy School Life

妹妹豬返咗學一個月有多,
一個字:好鍾意返學!! 

有一日,爸爸要到學校湊小檬走唔搭校車,比妹妹聽到,
佢好緊張話: 唔制呀。。我要坐校車呀!!我要返學呀!

另一方面,學校幫咗佢好成功咁介咗片!
慳返尿片錢之餘,又唔使成日買,唔使帶出街方便好多

每日都好願意換校服返學,之前都有同姐姐夾吓整咩頭,
呢幾日見姐姐同佢紮得都OK都比佢自由發揮!

今年N班冇功課做,其實即係我哋冇功課做,
雖然係之前小檬嘅係好簡單嘅貼圖,但都花時間心機。。
今年唔使就更加輕鬆,跟住啲認字咭/遊戲都未同佢到~

老師都有打電話同我跟進一吓妹妹情況,初時會坐得唔夠定,兩頭望。
食茶點有時會唔晒(佢唔太鍾意食麵包!)
後來好啲喇,上堂會主動舉手答問題,Miss比貼紙其他小朋友,
佢都會主動大膽同老師講話: 我都有坐好,我都要貼紙。
估唔到喎。。佢係會爭取自己的東西!

上星期又收到老師電話,差不多放學,
老師問邊個小朋友想出去表演,佢好主動舉手出去,
佢話要唱歌,揀咗首 "快些起床"
老師話佢唱得又大聲又好聽,
仲獎咗個大貼紙比佢添!
返嚟見到手冊寫咗評語讚佢呀!!
 見到真係好開心~

尋日又收到英文老師電話報告近況,話妹妹豬都跟到啲英文指令,
都會主動同老師打招呼!
不過有時上堂就唔係咁留心,唔集中。兩頭擰,手仔好多野攪。
估唔到個女冇個仔咁定
不過整體都算好好,
起碼都唔會喊住唔返學(因為有啲小朋友仲係會掛住屋企喊)

睇到呢幅妹妹豬嘅校園生活相,應該感受得到佢嘅 Happy School Life!

16 則留言:

  1. 妹妹豬好叻, 咁短時間就適應晒
    睇佢笑容就知佢超ENJOY 返學啦
    一個字: 勁爆叻女

    回覆刪除
    回覆
    1. 都算叻喇。。除左預計唔到嘅第一日

      刪除
  2. 妹妹好叻呀! 諗返起自己細個返學, 日喊夜喊...

    回覆刪除
    回覆
    1. 多謝姨姨 個個小朋友性格唔同。。你而家唔喊咪得囉。。哈哈

      刪除
  3. 妹妹豬好叻呀!自廌再出去對住全班唱歌,好厲害!

    回覆刪除
    回覆
    1. 我都唔驚訝佢會自己舉手,仲要唱到咁大聲

      刪除
  4. 好叻女呀,見到個笑樣就知好開心 ^^

    回覆刪除
    回覆
    1. 係呀。。佢真係開心到暈!

      刪除
  5. 妹妹好叻女呀﹗咁快就適應校園生活﹗

    回覆刪除
  6. 妹妹豬好叻女呀,咁快就愛上校園生活,證明笡校同老師都好好!媽咪安樂晒啦 ^^

    回覆刪除
    回覆
    1. 係呀。。學校同老師都好錫小朋友,加上有哥哥喺到,更加適應

      刪除
  7. 妹妹豬已經愛上返學啦~ 實在可喜可賀~

    tarebaby間中都會話掛住我, 有一兩滴眼淚咁上校車嫁, 不過我尤得佢啦, 佢自己會學識處理情緒.

    回覆刪除
    回覆
    1. 女仔喺o爹啲架喇。。。尤其係媽媽湊又會再o爹啲

      刪除