DIY Little Christmas Card

最後一個project，只係媽咪自娛之作，

又或者係慳家之作！

小檬今年學寫字，進展都算良好，

於是到咗聖誕節當然想寫吓聖誕咭

唔知點解，可能人大咗，覺得買聖誕咭其實好唔環保～

（雖然我明好多野都係！）

不過我又明白有啲心意係需要寫出來，

朋友仔/錫我哋嘅親戚朋友收到實物都好重要！

於是就自己整張小咭仔，

叫小檬同妹妹豬幫手整吓！

首先喺啲整相apps到整啲靚嘅圖案出嚟，加埋佢地啲名！

諗住兩個小朋友有唔同朋友仔，於是一人一張

本來想加埋張相，但轉咗新機，唔知係唔係個apps唔支援到新機，

連之前啲圖案都出唔到。。。九萬幾樣野要做，於是算！

（其實係唔算都唔得）

印咗出嚟就裁剪好

小檬印印印！

佢都算識印唔會左捽右捽！

大部分都可以變先個鹿頭。

印好就用黑色筆加眼睛／耳仔，紅色粗筆做咀仔！

登凳~ 

小檬好努力去畫架！

未完成架。。之前整咗個印仔，於是喺後面返個人仔

最後寫埋名就得

妹妹豬都好叻！！算吸到嘅，不過要幫吓手

(學校盆栽／聖誕小食／聖誕咭仔都捉住佢地幫手一齊整，

參與多少都好吖！等佢地知道要享受成果，先要付出！)

  妹妹手指仔細隻啲啲

小檬都認得晒所有同學仔啲名，自己返去學校派都冇問題。

妹妹豬呢。。。有兩個同班同學仔一齊坐校車，

於是叫小檬幫妹妹派！

學校啲老師都係叫小檬返到學校幫佢派

到最後都唔知道有冇全部成功派到！

wahhaaa唔理喇。。。當得啦

唔能夠整咁多寄出比大家，就喺呢到送俾大家啦！

預祝大家聖誕快樂～