1.11.2017

回到聖誕時~平安夜 + 聖誕老人禮物

平安夜
約左表舅父母去隆濤院飲茶
是日湊仔人手充足,我都可以盡情咁食!

食完出嚟走吓玩吓

  

換咗機,真係會不停影!wahaha

拍吓拖先!



一齊玩吓行吓商場就返屋企,
夜晚冇出去喇~
喺屋企靜靜渡過平安夜!
(順便執吓屋第二有同學仔嚟開party)
小朋友好合作,乖乖瞓教。。。因為柑聖誕老人先會嚟派禮物!

記得小檬同聖誕老人寫嘅信嘛?

預先買好一心以為小檬會同聖誕老人講要啲咩
marvels superheroes 做禮物,
點知好遲先寫信嘅佢
突然純真要個聖誕老人🎅🏻同鹿😨公仔

臨時臨急周圍搵,諗住聖誕節喺條街到搵個聖誕老人公仔唔難吖~
有時就真係唔知道點解咁難搵(又唔想咁貴咁大隻)
終於比我係百貨公司搵到!但太趕買唔到鹿。。。

返到屋企,原來自己棵聖誕樹有隻鹿公仔裝飾!
好在佢唔認得隻鹿仔其實係掛喺聖誕樹果隻!

第二朝,小檬早過我平日返工起身嘅時間,
摷醒我話:媽咪,聖誕老人真係送咗隻聖誕老人公仔同鹿仔俾我呀!
我扮唔知睜大隻眼話:真係㗎?!(好戲!)
呀仔帶我出廳,指住個被風吹到開好大個嘅窗話:
你睇,聖誕老人因為太肥,
開大個窗喺到爬入嚟!(冇錯,推斷得好好!)

睇到呢三個開心到震嘅表情,點辛苦都係值得嘅! 



至於妹妹,佢只係要求MELL CHAN 玩具
我哋再買咗盒印仔放入襪到。




妹妹比較冷靜,因為其實佢未瞓醒,
只係比哥哥興奮聲音嘈醒!!哈哈

4 則留言:

  1. 唔知佢哋信有聖誕老人信到幾時呢?再睇返小檬個樣依然覺得好可愛﹗

    回覆刪除
    回覆
    1. 我估七歲啦。。應該唔信喇

      不過我想佢都keep住呢份可愛童真

      刪除
  2. 小檬真係好開心,好激動呀!哈哈

    回覆刪除