9男女5天大阪自駕遊 Day 2~ 神戶動物王國

由於媽媽去咗浦，要問返前一晚瞓教情況，

婆婆同爸爸幫小朋友沖晒涼之後，

婆婆就返自己房休息，爸爸單拖同佢哋瞓，

小檬冇難度好快就瞓咗，聽聞妹妹就有話要食奶奶，

又話要返屋企自己床仔瞓（滴汗）

好在好快就被睡魔召喚瞓咗。

第二朝，起身都算順利，好快就換好衫，落大堂集合！

行咗去隔離商場, 日本街景好靚

見到扭蛋好難唔扭

食個快早餐就出發

落神戶應該唔太難，但有個位司機大佬轉錯咗之後

就要慢慢搵返正確嘅路。。

呀司機都開始有啲燥。。我都好努力幫吓手睇，

好在最後最後都搵返啱條路，應該用多左10至15分鐘。

終於到達動物園!
停車場泊好車之後，空曠比較大風同凍，

帶返哂手襪帽頸巾之後就買飛入動物園。

神戶動物王國

到此一遊～

第一個雀鳥區域，小檬好興奮

不停拎住個地圖睇。。。

雖然我好欣賞佢咁鍾意睇地圖，

不過又唔想搭晒飛機千里迢迢咁嚟到淨係睇地圖!

妹妹豬一開始好驚，咩都話驚～ 

驚~

好快見到小熊貓

好得意呀～

都算好近距離見到

望鏡呀，叻叻

再行就有啲似雀鳥劇場果啲鷹表演，太多人就冇坐低喇。

妹妹突然又肯影

睇真啲又驚。。。哈哈哈

行到中間有好多鴨仔，可以買啲糧食餵佢地

一開始妹妹都唔係咁敢餵。。。

好快都肯玩喇。。

小檬就訝起隻腳有啲驚咁餵

後來就好啲喇

耳廓狐

好惡呀!

再入有個可以接觸小動物嘅區域，

可以摸兔仔，小檬突然潔癖上身，話好臭，唔肯入

(其實根本都唔臭，係佢自己諗住會臭）

婆婆坐低休息一吓，

我哋就可以放低啲外套，手襪帽頸巾，輕鬆玩一陣

唔入又入嘅小檬

呢隻兔仔好得意呀

呢個小檬都好得意呀 =p 

  

多人湊就輕鬆一吓二人世界

好可愛嘅兔仔 

其實呢個時候，應該已經要走，因為book咗食和牛，

不過仲未玩哂，小朋友又有啲肚餓，
我覺得睇動物緊要過食, 好在團友們都贊成

於是決定plan B，唔食和牛，留喺zoo lunch 

（快手出過電郵取消booking，其實都應該太遲通知人，不過好過唔做）

以為會唔好食又出奇地OK喎，冇期望真係會好啲

lunch 完就繼續！

 啲小動物／烏龜自己周圍走

好近遊客

又可以買糧餵雀。見到佢個咁硬嘅咀，初時我都好拗，不過頂硬上啦。。

其實佢已經習慣哂，好乖，食完就自己走開。

小檬都開始大膽肯摸吓

可愛水豚

好難得呢個區區域唔太多工作人員在場，

但大朋友小朋友都好乖，唔會打啲小動物

(唔敢想像如果喺我國會點）

點解唔見妹妹?? 因為妹妹豬呢個時候已經瞓咗。。。   

 再行出去，又要著返厚衫。。

羊駝呀

 好可愛呀。。佢個樣傻吓傻吓咁

好在妹妹都抓緊尾巴，趕得切睇最後呢部分

袋鼠 

 扭蛋買糧，一次過滿足兩個欲望

鹿仔真係好溫馴  

妹妹豬踏出第一步，最近距離嘅接觸呀！！

媽咪喺後面嘅興奮

 妹妹豬smik笑得幾開心～

因為有個日本小朋友想同佢一齊影相。。

最後就係餵駱駝喇

其實咁多動物淨喺佢最臭。。但小檬就餵得好開心～ 

  

買咗啲小禮物手信就去下一站。。。。