3.06.2017

9男女5天大阪自駕遊

忙完過年。。。都未停過
我好快又忙過~
今次係忙執行李去旅行 !

每年學校都會放幾日假,讓出課室用嚟面試
避開紅假機票酒店都唔使咁貴。
於是呢個學校假期就好似同學仔們嘅旅行假期咁!!

開始籌備嘅時候。。又問吓兩個舅父有冇興趣。。
講吓講吓不如帶埋婆婆去!
都好喎。。都好耐冇同婆婆去旅行,
於是最後變咗9男女5天大阪自駕遊~ 


行程方面,忙碌嘅我交左比舅父同爸爸,
去邊玩咩未到最後都唔係好知!
淨係知道有老有嫩,行程不能太chur!

一個人要執四個人嘅野。。真係暈!
又要帶最少幾多件衫,點襯最多個look,
上身衫帶厚又要帶啲薄, 天氣轉都有得轉。
外套要厚入面加薄外套,唔係日本室內啲暖氣會熱到出汗!
手襪/帽/圍巾。。。各三套已經一大袋(爸爸唔使)
妹妹介左片(其實夜都介埋),但瞓教都係保險啲好所以要帶。
臨瞓果餐奶,可唔可以唔飲?唔飲就唔使帶奶樽!
但如果唔係扭起上嚟都唔知點算
我係旅行盡量帶最少野嘅人...
每日執啲。。。 執咗成個星期終於攪掂~

記得小檬三歲第一次飛嘅時候都係早機,天都未光就要起身
叫醒小檬佢問: 點解去日本要夜晚去嘅?
今次佢都有同妹妹講,去日本要夜晚去嘅!
哈哈哈哈哈

今次出發前一晚,同小朋友briefing一次,聽日瞓瞓吓教就要去日本架喇!
(聽完我自己都笑)
於是沖涼之後換定套運動衫褲,俾佢地著住瞓
可以一抱住就行.等佢地喺車再瞓多一陣,
唔使再換嚟換去!
都好順利十點前瞓晒。。。
差不多五點起身梳洗換好衫,
我哋準備好晒舅父架車喺樓下,
就一人抱住一個上膊頭就行

小檬醒咗,話換返外套自己行,好乖仔!
抱住妹妹落到大堂,妹妹都醒左好乖冇扭計,
上到車兩個都已經醒晒!

去到機場check in小檬先知佢至愛嘅表舅父母都嚟,開心到佢呢~

好順利check in完,攞wifi蛋,入閘,食早餐~
食咗一陣,突然見到個牌寫住final call!!
oh咁快嘅??真係掛著掛住

於是行得快啲嘅就先行去閘口,
兩位呀嫂就陪婆婆行, 婆婆行得好慢,個閘口又係最遠。。。

小檬同舅父第一批到

於是影返張打咭相先!

好快影咗幅自拍就走(兩個舅父先去登記)


上到飛機,好快就坐好。。起飛!
第一次一家四口坐飛機,點都要影張相


呢次係妹妹第一搭飛機,都已經準備定啲玩具/零食,
舅父仲準備定啲卡通片喺ipad,以備不時之需。
不過妹妹豬好快就投入咗落啲卡通到,完全冇理過起飛未!
仲有手上嘅零食!

我都好快瞓著咗。。大家瞓醒食吓野就落飛機!

感激妹妹全程乖乖!
落機!!
等婆婆去廁所期間影吓飛機

妹妹扭計唔肯影

扮車長

攞咗行李,小朋友就被行李圍

妹妹豬識得自己推行李喇

舅父同爸爸哋去辦手續取已經租咗嘅車

攞車check車放B B seat將行李放好車入面都攪咗好耐!
我哋架七人好細,再加埋car seat,行李差啲唔夠裝,
好在仲可以放喺舅父果架車先得。
連相都唔記得影,就上咗架車 

車上面再瞓。。

檬爸都話算容易揸,跟足google map已經得。
不過始終第一次,點都要慢慢小心為上

到著酒店!
我哋4人房,算好大呀!

仲有sofa對住窗口睇風景

酒店禮物,小童拖鞋/綠茶茶包,
仲有竟然係SK3試用裝! 每位女司士一份

攪攪吓都差不多日落,初時以為都可以有個下午行吓。。
實際比預計時間耐啲,不過有老有嫩係咁上吓

婆婆興奮欣賞街景!

又係碌床時間~

點趕都要碌兩吓

廁所好大!!


大家休息咗一陣就集合出去
行一陣就晚餐

待續。。。

6 則留言:

  1. 妹妹介左片(其實夜都介埋) <-- wow, she's good!
    酒店咁好0既,有SK 試用!!

    回覆刪除
  2. 去日本要夜晚去呢句EE聽到都笑咗呀﹗

    回覆刪除
  3. 間酒店好正!不過我上網睇唔平!我唯有睇你blog當住左😂

    回覆刪除
    回覆
    1. 我唔知酒店同機票分開價錢,一家四口,五日四夜酒店連機成個package計17000,都唔算好貴喎。。係嘛?

      刪除