探索大自然遊學園X動物農莊2014

老喇，放兩日玩足兩日，真係散哂！ 

真係要玩一日休息一日先得！

星期六去咗呢到~ 
探索大自然遊學園X動物農莊2014
@亞洲國際博覽館

路程對於我地都唔算太遠，一個大U字一直踩就到
不過如果喺市區嚟就真係長途跋涉喇。

好在有朋友有飛比我慳返啲，淨係買姐姐同B be飛，
冇錯B be都要飛=_=
(好在加埋都係＄100)

我地差不多十一點去到, 真係唔多人，
先係親親可愛小動物同海洋世界

馬馬
 先睥住, 唔敢郁


第一次接觸

突然牛牛擰頭望住小檬，即刻淆底

媽媽抱住先可以影


牛牛
呢隻咁假嘅？係，係假嘅。


揸牛奶。其實係水嚟。


餵羊咩咩

記得第一喺小白鷺小檬好驚羊咩咩，
而家夠膽餵佢地，我已經比個叻佢



睇水母



仲有nemo

睇海星


影恐龍




呢隻恐龍係會兩頭郁，會叫, 好逼真。
小檬心諗 "你唔係想行出嚟嘛"


"開心農場派對" 騎pig pig


仲有馬仔


"好玩吹氣賽馬場"

唔夠高玩呢隻吹氣牛，上左去都唔知做咩。。


第一次抱兔仔，好緊張，
不過都夠膽抱，叻叻


睇貓貓（有啲牽強。。哈哈)


草姑

又嚟巧虎喇。。即刻自己霸位

坐喺到睇。幾投入（其實有啲眼瞓）

睇完巧虎跳舞，就上檯同佢合照

抱埋妹妹一齊先

又有Kitty喇~ hi 

吹氣 "爬梯歷險大挑戰"

雖然小檬爬得好似好辛苦


但佢都好似冇諗過放棄唔爬


佢應該好想睇吓個窿有啲咩係裡面


好自豪，仲同我地揮手添


巧虎一起森林屋
小滑梯

影全家幅，要放啲頭飾係頭到，

小檬應該驚整亂啲頭髮，唔肯帶。。。

唯有妹妹頂！

製成品

整熊bear bear

其實將啲棉放入隻熊仔裏面，再加啲裝飾，

小檬冇興趣，仲喺人地地頭畫畫畫。。。

最後做手工，一掂到啲白膠漿就話dirty嘅小檬，

返學唔知點做手工勞作喇

仲喺度巧遇肚B添~ 

已經第二次見到佢地喇。

仲有柑B，不過捉佢唔住影相。

呢到真係好多野玩, 又係室內有冷氣（雖然唔夠）

不過都好過係室外，而家室外真係熱到冇可能玩。

有啲要排隊，有啲唔使, 
晏啲就多人啲，但都唔係排好耐
其實仲有好多種野嘅我地冇玩，
如果玩埋消磨一天一定冇問題。

我地玩吓食吓瞓吓，咁就玩到4點幾走人~ 
已經有姐姐一齊幫手, 返到屋企成身散哂。。。
（記得我第二日仲要去睇熊貓？！原來陪仔女玩嘅媽媽都有後備電架）

1600熊貓遊香港

星期日走咗去睇熊貓。

車已經拍咗喺隔離啲住宅訪客停車場

只係喺行過去都已經熱到溶, 堅係熱！

小檬第一吓，嘩。。好。多。熊。貓。呀~ 

之後就賭神上身

 而家我會由得佢，影唔到就算，

比佢enjoy欣賞吓啲熊貓。

不過點都要有一張到此一遊嘅～

熱到呆咗

唔知講咩先引到佢笑

B be 梳干啲，同佢涼咗一陣子冷氣

 之後舅父同母母就嚟到，

佢地驚呢到冇位, 仲要泊IFC行過嚟，嚟到已經濕哂！ 

小檬同爸爸去咗排抱抱熊貓，
我去搵佢地就啱啱好到

一入去影啊影。。。
小檬盡顯大佬嘅本色

影完先諗唔知比唔比坐，但果一刻實在太趕，

所以冇理到。。。不知者不罪

影咗幾張就話夠鐘喇
仲有15秒，真係快閃！

好在兩隻豬都算合作。
我地互相幫忙好快手就影哂啲組合！

臨走撞到小豆一家
 小豆好怕醜，初頭唔肯影相，
之後氹氹吓就連環快拍影咗幾張～

我地推住B be所以喺後面入同走，難得果到有個天然風位，
真係好正，企咗喺到唔願走。

之後求其喺隔離間餐廳食
齋坐淨飲雙計嘅B be

小檬突然殺我一個迷魂鎖，媽咪暈喇

可能太熱個個都唔係好有胃口

連B be都唔肯飲奶，如果佢識講可能想要個冰奶添！

去完都唔知道可以去邊，走咗去N年都冇去過嘅PP，
原來裝修過，好靚！ 

daddy's sweetheart


3xxx嘅腳動車，唔買都坐吓！


仲有隻八萬八嘅米奇，高過小檬（呢個point其實唔難）
不過唔記得影～

熊bearbear sales

哥哥好好人，同我地講可以影相。

最後一張都係用熊貓
完成此blog

首尾呼應
（我諗我熱到傻咗....)

唔知係咪真係中暑，返到屋企真係頭痛！

Happy Friday~

好開心呀！

契仔終於叩門成功入到第一志願！！

真係Happy Friday喇！！

我都替佢地好開心，尤其係爸爸媽媽們，真係好大壓力架！！

(真係唔明第一志願又唔收，反而叩門就收返，我仲係未識遊戲規則！)

點都好，又可以去食返餐慶祝喇～

So Happy for You ~ W 

好姐姐(咪講)

一路婆婆加鐘點照顧小檬到攪得掂，所以都冇再請工人姐姐。

到有咗B be後，真係要認真諗吓點安排。
好多朋友叫我地面對現實，要用嘅就要請。

(大家未請過姐姐，都應該明白唔想請姐姐嘅原因)

於是慢幾拍嘅我地終於走去請，過程非常簡單去第二間就請咗。

完全冇上網睇吓係咪黑店。

第一間係大型嘅公司，入到去，咩都唔識嘅我地就坐喺個電腦螢光幕面前睇，

我自己覺得有啲似相睇。。。個staff"好專業"咁玩自己個電話！

我知呢間唔掂，於是撇！

諗起平時行街嘅商場有間，於是又走去睇吓。

你邊到介紹架？？？

 冇？  

吓，咁我地入唔入得嚟架？ 

原來呢間專係做熟客，接referral嘅，所以先咁問我地。

睇咗兩個較合心水眼緣嘅profile同video 
staff 姐姐再幫我地比較佢地嘅優點缺點，
唔使一個鐘就決定

好感恩，我地都好滿意呢個姐姐

(不禁暗暗咁覺得老公揀得好醒，
呢間agent 又好，雖然比一般貴，但佢好好，
以上兩點唔詳細講，想知可以再問我，我冇收$)

當然我地已經知道要調節自己嘅標準，

so far 佢各方面都好好，最緊要係佢錫小朋友，尤其係B be，

可能佢幫手最多, 睇得出佢好錫佢。

佢對婆婆都好好，出入會盡量哂啲野，唔使婆婆拎

就算婆婆拎緊佢都唔會扮睇唔到
當然有缺點，不過都係好小事。

五月時知道姐姐生日我都準備咗個蛋糕同份禮物比姐姐

熄哂燈同佢唱生日歌，比個驚喜佢，佢真係感動到喊。

可能由於佢之前係杜拜到做，工人地位好低微，
又唔比佢地笑，冇哂尊嚴冇哂笑容，

所以咁樣做佢真係會好感動！ 

佢之前一嚟到唔係好識笑，又唔會同我地一齊食飯，
而家笑容多咗好多，不過都係習慣自己一個喺廚房食，可能覺得自在啲，
冇所謂，最緊要佢自在，食得唔自在都好慘

婆婆啲英文已經算叻，起碼同佢溝通到，不過到試過好多笑料，

例如 會同姐姐講 open the 開門,

有次剛蒸好魚，婆婆叫佢倒咗鑊裡面啲水，

點知佢倒返落條魚到。。。哈哈哈。

當然可能會好嬲，不過可以試吓從佢地嘅角度出發，

佢未試過，唔識係唔出奇嘅。。。

當笑話睇之後教返佢，大家都開心啲。

有個外人會唔會唔慣？？ 初頭都會，不過而家會當佢係自己人，

好似啲姨媽姑姐三嬸之類。

而家放工就返屋企，比每日返婆婆度慳咗啲時間，

食完飯，就會一家大細落街散吓步

所以有姐姐嘅生活我算是滿意

之前我啲砂糖兔比啲衫埋住咗，上星期終於執好！

佢今朝幫我執完房，見到佢咁放我啲砂糖兔。

so warm!

原來一個好嘅姐姐真係會融入家中~ 

雞蛋敏感

 記得小檬BB時，試過兩次食雞蛋，最後都係嘔。
果時唔知佢咪唔消化吖。。定咩原因

婆婆假期同啲朋友仔打牌講開蛋對小朋友腦部發展好重要，
於是就再試吓比小檬食。
星期一下晝喺公司，婆婆話小檬好似有少少燒

夜晚返到去又好似冇事

果晚我都唔係好舒服，好早瞓咗，
第二日假期又瞓到成十點，
點知一起身婆婆同爸爸就話我知小檬個身手手腳腳紅色一噠噠！

記得上星期隻眼仔又係過敏，
問過醫生朋友，可以食果啲醫水，好在下晝好返好多
大家都覺得又係蛋出事，上網再找資料原來有啲BB小朋友係會蛋敏感嘅。
喺短時間內分解唔到啲蛋白質，所以就會出一噠噠紅色
佢都有癢架。。。唯有幫佢掃吓掃吓
小檬快啲好返呀

平時嘅蛋糕可能有其他野，含量冇咁高，所以冇事，
下次見到醫生要問清楚先！