第一次整月餅

連放咗4日假，真係成個人散哂！

小檬返咗學之後，都識多咗啲家長朋友，

除咗同班同學有group chat 之外，

同一屋苑一齊坐校車嘅都認識咗兩三個媽咪。

其中有一個K1嘅小妹妹，雖然高一班，
但佢係細B，其實只係大小檬幾個月

同媽咪整月餅, 係都要媽咪叫埋小檬，

女女同媽咪講好鍾意小檬（估唔到咁快!! ）

於是我就應邀上佢地屋企整月餅喇！

小妹妹媽咪已經準備哂啲材料，我地一去到就整得！

佢地好多工具呀，連小朋友圍裙都有，粉團已經整好，

我地首先將粉團量好份量，分好一份份。
我切好，之後交比小檬磅

淨係呢個過程都好漫長，

因為我一路切分好啲粉團，小檬一路將佢幫我搓返埋。。。

好不容易就分好喇


之後就將餡料放入餅皮，

然後包好佢，講就好容易，

但叫個兩歲幾嘅小朋友嚟講，

都係天一半，地一半。

叫佢壓扁啲皮嚟包餡，

佢就係咁搓，當玩泥膠！

包好之後，去壓個月餅出嚟！！ 

完成第一個!!!!!


 最開心就係壓 ~ 

有一個喇~ (呢個算幾靚)

再入埋袋，放雪櫃雪兩個鐘就食得！！

終於完成～！

 

好多謝呢位媽咪，如果唔係我呢位懶媽媽都未必會整月餅！

比我想像重容易，我以為會好複雜，比我未必會主動去整，

而家我上去，齋整就更梳干

完成品賣相唔係咁好，有啲餡就爆哂出嚟有啲又多皮得滯
(唔記得影相)

小檬自家製月餅，有邊個想要呀？？

呢日有小插曲，我地一上到去小檬就坐低玩。

玩玩吓我見小檬用隻手掃吓掃吓手臂，遠睇再見到三點紅色，
心諗咁快比蚊咬到？？？

行埋去原本係小妹妹嘅歲半弟弟咬咗小檬一啖，
成隻手錶印！！

佢媽咪就鬧小弟弟啦，跟住就問小檬有冇這事，

我攬住佢，呢一刻先有啲淚光。。。想喊

我安慰佢唔使喊，不過下次就要同弟弟講唔可以咬，

之後要話比媽媽爸爸老師或者大人聽！

呢件事比我知道原來小檬比人蝦都唔會出聲，

我諗因為係喺人地屋企，好在今次我睇到，

可以教佢如果再遇到佢都要識保護自己！ 

原來自己個仔比人蝦做媽咪都好心痛架！

Blog Blog BB Gathering Summer 2014 @ Playhouse Whampoa

多謝Play House嘅邀請，
我地去咗同班Blogger BB 玩呀!

紅磡黃埔Playhouse
地址：香港九龍紅磡黃埔花園第十一期聚寶坊商場地下G28-31號舖
電話：(852) 2330-3567
營業時間：上午10時至晚上9時
網址： playhouse@whampoa

呢到好大，又好多野玩

姐姐放假，二對二，都癲咗！已經好早起身預出門口，
唔知道點解都係遲！

B be 喺車瞓咗，又未等到停車場，

於是我就摷醒小檬入去先

一入去已經好高漲

全日唯一較為滿意嘅一張

波波池真係小朋友嘅至愛。
仲要sir落嚟個波波池到！


小檬自己一支箭咁不停走嚟走去

開心到佢呢！

呢到好多條唔同種類嘅sir 滑梯呀!!

個個小朋友都玩到見牙唔見口

仲有好多車車

B be都有玩咗一吓

小檬識咗Victory 之後影相都會整，
今次仲教埋妹豬添

小檬: 咁呀。。
妹豬:......

小檬: 咁囉!
妹豬: 你做咩呀？

大合照

初頭仲有爸爸話佢地邊肯坐定定，

點知我接咗B be入嚟之後就見到佢地咁，

so amazing~ 

個個都好乖呀!

 全靠媽媽們唱 twinkle twinkle little da 咋！

啱啱瞓醒嘅B be一嚟到就先為景點喇。。
多謝咁多位EE嘅愛的抱抱！

又撞到妹豬，拖吓手

妹豬欲拒還迎

拖手仔，妹豬好似好怕醜咁。。好可愛～

終於得手! yeah ~ 

坐咗喺到同B be玩車車，時間差不多喇,

有啲blogger就同我講聲bye bye~ 

我地就好似送客咁，影張相留念

由此今次人數有限，主辦單位唔可以邀請哂所有blogger
不過希望可以好快又有得玩啦!!!

兩代湊仔

近日遇到啲關於兩代湊仔嘅事情可以分享吓：

1. 有一日朝早同6個月肥妹豬去健康院打針,

之後就去接哥哥放學就去飲茶先返工

（順便報導一吓佢嘅體重係15.5磅，都係中間線，

其他各樣pass，姑娘仲話佢咁快識爬添）

坐隔離檯係7~8個應該係已經退休又或者唔使做嘅公公婆婆嫲嫲爺爺

（唔係好老大約60幾果啲）

佢地應該討論緊我地呢啲新一代父母點湊仔

（情況就好似我地喺blog講佢地一樣，哈哈！）

婆婆話佢個孫得果歲幾兩歲就話要佢自己揸

（聽唔到揸咩，不過前聞後理應該係水杯）

點揸呀？ 佢個仔話: 呀媽，唔好幫佢拎呀？等佢自己拎！

咁細個點樣自己拎呀？ （聽唔到拎咩）

婆婆最後一句，唉。。我唔理咁多喇！

跟住其他嘅老友記就你一言我一語

bi。。 b i。。ba。。 ba

訓練小朋友獨立有自理能力好似係佢嘅年代未發明，

以我呀媽為例，而家weekday會係我到留宿，

都有時話要返屋企幫我呀哥哥洗吓衫，煮吓飯！！！

我唔想阻止佢錫佢個仔

但係講緊果個係我呀哥，即仲大過我啦，

出嚟做野打工做老闆唔係連自己兩餐一宿你都擔心？

如果係煲啖湯我明，唔想佢食咁多出面味精野我明，

但佢係擔心佢瞓醒冇飯食要返工，

(我哥返shift)

其實婆婆仲當佢係細，我可能好啲，

比佢睇到我係唔使佢擔心（越講越遠）

我都不時要提醒婆婆千奇唔好咁對小檬，

要比佢有適當嘅自理能力！

（好在都仲keep到）

第二件事

到今日小檬好返可以返學（鼓掌）

搭lift落樓有兩個婆婆見到佢就話，

嘩，咁細個就要返學，真係慘！！

小檬而家仲係好細粒，唔似兩歲半

所以可能婆婆們覺得佢好細，

我就同小檬講，話比婆婆知你幾多歲，

小檬好乖話”兩歲半”

之後我就話，唔算細喇（相對啲細B）可能佢細粒咋！

佢地仲喺咁話，咁慘，咁細個要返學!!!!!!!!!

好似講到我地啲家長點解咁慘仲推個小朋友返學！

我忍唔住好平和咁話，其實你地點解話咁細個返學咁慘？

佢不知幾鍾意返學，又有其他小朋友一齊玩，

又有老師講故事，做運動，食茶點。

返學不知幾開心！

（呢個時候梗係撐到行，當然小檬都好鍾意返學，

我都唔係推個仔去受刑嘅媽咪）

我再講，其實唔應該喺個小朋友面前講返學好慘!!!!

佢地會識聽，就會覺得咩返學就係慘架？

（等於我之前話唔好問返學驚唔驚一樣！！）

你唔識唔緊要，唔關我事，

但唔好喺我個小朋友面前講!!!!!!!

我辛辛苦苦嘅洗腦打底灌輸學校正面信息行動

加小檬獨立成熟嘅分析能力（其實未有，哈）

雖然唔會比你地呢啲無關痛癢嘅人一句就翻倒，

但你試吓咁樣教自己個孫吖？？

睇吓第日可以有幾鍾意返學？？？

火火火火火~ 

學病??!!

估唔到咁快

由第一日返學到而家，差不多兩個星期，

前日突然間有鼻涕，果時仲好奇怪幾時凍親？！

尋日朝早就發埋燒添，唔返得學啦。食咗啲藥水，好似好返啲。

諗住今日可以返學。

點知尋晚半夜又燒返，鼻涕仲塞住鼻瞓唔到，

漏夜再食多次藥水！

（同一時間嘈醒咗隻肥豬妹，又要我善後。。。我好眼瞓呀）

今日都冇返學呀！

我突然間先諗會唔會係返學惹到呢？？

果時啲人話返N班係學病，到大啲學野就唔咁容易病，

我仲諗呀檬都算好少病，抵抗力應該唔差，點知都中！

好彩有RB叔叔嘅玩具辦，先可以鎮得住食完藥水嘅發巔！！

小檬你要快啲好返呀！！

增強抵抗力都好緊要，

有咩可以做吓呢？運動／魚肝油／vitamin C。。。

仲有冇呢？

小檬 @31M

小檬31M喇！！

瞓教

始終開始咗返學早起身，都會早咗瞓

nap time每日12點幾已經眼瞓

食

有啲新口味嘅食物都肯試嘅，算有進步架喇

自行如廁

poo poo成功率達100%喇!!!!!! 

有時婆婆理緊呀妹未得閒佢就自己放好個墊上去poo poo添！

v v呢。。。零，老師話佢肯企喺個兜前面，不過冇去到。

老師話唔使心急，慢慢嚟！

一於交比學校喇。。交咗學費用架嘛

活動能力

上落樓梯 no problem！

喺屋企跳跳跳

跑步快咗

小肌肉發展: 

識victory 喇！！

筷子都OK算識用，不過未係全部得

自理能力： 

自己執野, 有少少倒退，有時唔肯執。。。要人幫佢一齊

自己著鞋，可能喺學校係自己著，

返到屋企就搵我地幫吓。。。點解呢？

trouble 2 

果日唔夠瞓嘅情況已經夠哂trouble喇。

一唔想食就點都唔肯食，好麻煩！ 

雖然佢好錫妹妹，但係妹妹而家識爬有時會拎到佢啲玩具，

佢都會話唔好，唔比妹妹玩，

我地又要再解釋要分享。。分享。。。同分享

說話能力

好多比較抽象而唔係物品，靠佢自己領略嘅名詞已經識

頭先。。好似。。尋日。。一陣。。因為呢。。仲好。。咁架？

仔。。女。。老公。。老婆。。孫

小檬語錄

小檬媽亂砌塊puzzle

小檬見到：唔係咁樣呀。。

小檬媽：係點呢？

小檬：媽咪你都唔識嘅 =_=

小檬媽：你睇呢度整親。。好痛（拉起褲腳比佢睇）

小檬：掃吓掃吓（我地教佢如果痕或者痛，唔好攪佢，可以掃吓佢）

小檬媽：咁我點先的可以好返呀？

小檬：冚住佢就冇事啦！

(又係喎)

偶像毛毛

偶像2號 大眼仔

偶像3號 5 x eyes 哥哥

邊個隻眼大啲？

小檬第一對Martin 多謝表舅父

呢對鞋仲背負著另一樣使命!

comping soon...

巴C忍唔住偷吻白雪公主肥妹

巴C準備飛天中

一個飲悶酒都咁開心?

畫顏色，可以控制到畫一格仔

返學自拍給爸爸

Runming檬

返學自己飲水

晨早放電

最鍾意嘅Puzzle

第一日返學冇扭計太令人開心，

舅父都買份禮物比佢（又係puzzle）

就嚟大隻過我嘅妹妹

陪我第一日返學嘅爸爸媽媽

仲有我嘅媽咪