返學後感

返咗學，我地嘅生活有咩改變？ 

最大改變係全家都早咗起身早咗瞓

（二小姐未受影響，姐姐不嬲早起身）

由於都係適應期，所以初頭係返一個鐘開始，逐漸加上去，

佢都可以自己乖乖上校車，返到學校同小朋友一齊返學上堂。

放學婆婆接校車，玩一陣子就食lunch ，而家早咗起身所以會早啲nap。

婆婆接咗佢都會打個電話比我等我安心，

我都會問吓佢今日玩咗咩，食咗咩，佢都會答到，有紋有路。

返到屋企再問要吓佢學校生活，佢都講得好開心，

夜晚我地就執好校服，書包。早啲的佢入去瞓。

暫時都OK，係有一日婆婆同佢著錯褲落樓，

即刻返去換返，早餐要比啲時間氹佢，有時唔知道點解唔肯著校服，

但佢又唔係唔鍾意返學喎。。。

一星期有一樣功課

如認識學校。認識家庭。認識自己

（其實係好簡單嘅剪貼或者圈出物品）

咁細都會要父母同佢一齊做，

見到佢好鍾意返學，好鍾意同小朋友一齊搭學車，

見到佢自己坐校車，見到佢好獨立自己上堂冇喊，

呢一切一切都令我好欣慰！

唔會諗佢學咗啲咩，只要佢開心鍾意返就得

家長星期尾就要簽手冊，知道小朋友喺學校嘅情況。

面對本手冊，好大感受，

結婚生仔，做人妻到媽咪，

而家眨吓眼個仔就返學做家長簽手冊。

雖然幾廿年前，但細個比手冊媽媽簽嘅情況

仲好似瀝歷歷在目，轉眼間就到自己簽。

唔知點解呢一刻先覺得係另一階段嘅開始！ 

B be @6 Months

B be 6 個月喇!!

食

好飄忽。通常隔三至四個鐘。

不過唔肚餓點都唔肯食，好堅持。或者等佢瞓著矇矇吓就肯食。

又係次次食哂啲奶喎。。成日分兩次，好麻煩～

開始食吓米餬喇，其實唔係好鍾意，

因為都係冇咩味。太稀又會bu返出嚟，

生果淨係食過香蕉，不知幾咁鍾意

瞓

通常十一點最後一餐奶之後就瞓，不過好快又醒，

唔知係咪發惡夢，喊吓抱起又好快冇事，不過如是者都一晚兩三次。。。

小檬哥哥以前就一教瞓到大天光，

比起小檬佢確實係難曳啲！！

晏教都OK嘅，都係睇哥哥頭喇，

因為成日會嘈到佢。有時將條毛巾放落床嘅聲音都可以嘈得醒佢，

試問哥哥喺到玩點會唔嘈住佢吖？

活動能力 

5個半月時已經識爬，到而家6個月已經爬得好快去攞玩具。

左右反身都好自如。

呢兩日同佢坐都已經OK，未係好直，不過都算坐得穩。

婆婆應該平時有同佢練習。

扶住我地都可以自己企，都好硬淨，

不過唔會比佢企得耐，驚佢累。

之前都仲係EE RR，而家會自己講野，或者係唱仔，

好大聲。比哥哥大聲。試過喺餐廳叫（小檬未試過）

脾氣一定大個哥哥。好鍾意哥哥同佢玩，

一行埋去就笑到ga ga 聲。

沖涼撐到暈，成個盤比唔夠佢撐！

唔鍾意坐car seat 十次有八次都嘈，要人抱，

唉。。都唔知點帶佢出去威。

比小檬哥哥認人，陌生人抱好快就喊，比較黐身。

喺婆婆屋企搬返張網床返嚟，等佢可以喺入面玩吓。

不過有時都唔肯自己喺到，要人抱

以上各點都係比哥哥曳（殊。。唔好報吋呀）

雖然係咁我都係好愛呀肥妹豬架！

面仔紅紅，係咪好可愛呢？？

其實係媽媽比哥哥扯住去睇玩具，

混亂間媽媽買錯cleaning lotion 以為係body lotion，

姐姐又朦查查幫我查面面，後來姐姐話唔好用呢支喇，

媽媽再睇吓先發現 =p

泰好肉

媽媽同事泰國嘅手信

咀唇厚厚性感啲架

好鍾意哥哥，因為佢肯為我犧牲靚仔形象

哥哥除咗同我玩仲同我梳頭

其實哥哥當我係梳馬馬尾巴毛啲玩具

哥哥仲教我學習

學習喺反斗城可以買啲咩玩具

成日錫我手手 

NT哥哥，我多咗好多表情架

鍾意食腳趾=D

眼仔碌碌爬爬爬

我大個女~ 自己食

食密瓜

其實係lam吓

自己坐喇

晨早拉下筋先

hahaha...

我的好哥哥

寵愛我的爸爸

仲有最錫我嘅媽媽

my happy family =)

卡通人物生日會

尋日去咗小檬舅父同事仔仔嘅生日會

主題係卡通人物。

（舅父啲朋友同事我都識唔少，仲一齊玩添）

收到邀請之後就喺偉大嘅TB搜尋啦。。。

終於比我搵到呢兩件

Toyko Disney嘅原單。quality 好好

RMB66

對翼仲係有pad嘅

成件衫好立體。

成套衫都大咗啲，不過冇其他碼喇，算啦。

B be 呢..我對啲小朋友扮公主有少少抗拒，

可能我唔鍾意女仔咁公主，我好驚佢著咗以為自己真係公主就幣。

所以大咗我都唔會比佢扮（自己都聽住先）

但係仲係BB嘅B be扮公主一定好得意，肥do do 咁。。。

(咩理論呢?)

呢件size啱啱好。襯埋個紅色蝴蝶，perfect～

RMB55

其實已經遲到。。點解仲影相？

因為佢爸爸為咗更加趕，所以喺呢個時候搵唔到車匙。。

要上返屋企拎後備匙

去到party 人地已經切緊蛋糕..... =_='

Happy Birthday To Woody ~

好彩嚟得切大合照同最佳造型選舉 

星夢冠軍咁啱係佢地嘅親戚，

於是就由Fred負責選出最佳造型獎喇。

翠絲都好靚

男仔就係Star war 黑武士勝出

而女仔呢佢就揀咗我家嘅白雪公主～ YEAH~ 

Fred & Fat 

B be 第一次得獎呀～ 

一齊影張相先啦

小Fans

小C9粉絲

佢好好好好好好nice 

不過影完就唔騷擾人喇~

睇返呀肥公主先~ 

Hi ~

 我靚唔靚呀? 

   

好快白雪公主就變咗睡公主喇。。

梗係啦，好多人埋嚟同佢合照呀~ 

開學第二日~ 自己坐校車

開學第二日

今日小檬要自己坐校車，爸爸媽媽唔可以跟車喇，

所以心情好緊張。

都係晨咁早攪掂自己就叫佢，未至於一叫就醒，好在小檬貪玩，

喺佢床邊玩吓笑吓就好易叫醒佢。

又係話唔著呢件衫。。。我又唔知道用咗咩方法氹佢著到。

我都覺得自己好勁，不過唔知挨到幾多次。

之後都好順利出門等校車，臨上車我再講多一次，

今日好多小朋友，所以媽咪唔夠位坐，而家自己搭校車去學校，

婆婆一陣喺到等返你。

呢個時候。。。佢突然攬住我大脾話一齊上（汗）

校車嚟喇，同佢一齊搭車嘅姐姐仔行到嚟，

點知。。竟然喊緊，仲諗住姐姐仔照顧吓佢！！

喊緊姐姐上第一個，我心想推佢遲啲上，唔想佢見到姐姐喊，

不過後面啲小朋友同家長都排緊，

算啦。。。喊咪喊囉！

點知EE抱佢坐好, 佢好冷靜咁自己坐，

有另一個小朋友坐佢隔離，

我諗緊好冇比佢望到我，1516，唔理喇，我好想睇吓佢點，

佢喺窗邊啱啱好望到我，
仲同我揮手，笑

Bye~ 

又記得扶住

望住佢，果一刻真係好感動，眼濕濕，

容許我眼淺，但當媽媽就係咁簡單

想像唔到一個兩歲幾嘅小朋友冇爸爸媽媽陪住

自己一個坐車唔喊，實在係好叻！

咁佢喺車又有冇喊呢？

我們揸車返到學校等佢落車


落車有啲小朋友眼紅紅，

好明顯喊過，一落車小檬一啲事都冇

有啲哥哥姐姐拖住一抽二lung咁行，好似咩事都冇。

入到課室，今日冇得影相喇, 我都係扮隱形

唱歌，玩遊戲，食茶點，

本來食唔哂嘅蛋糕，喺啲老師叫佢食嘅情況吓佢照拍落咀裡面。。哈哈～

今日返一個鐘，放學攞書包，排隊等校車嘅時候又briefing 佢，

一陣婆婆喺落校車到等佢, 佢要自己同埋啲小朋友一齊坐

好順利上咗校車，我拜託另一位一齊落車嘅媽媽幫我睇吓佢。

唔使十分鐘就返到屋企樓吓，都係完全冇喊過！！

我嘅小檬，媽媽really proud of you！！！！

（突然英文mode =D）