2.29.2016

妹妹豬hiair cut@24M

小檬同妹妹豬一出世就好多頭髮。
小檬短頭髮,頭髮又長得快,真係好快就要剪,唔係成日督到眼仔。
妹妹豬呢,睇返一年前啲頭髮長左好多,
中間只係修過一次整齊啲等佢繼續留長,長頭髮真係可以懶啲。
見就嚟又要去interview,於是又走去搵妹妹姐姐。


好羨慕呀。。妹妹豬咁細個已經長頭髮
我細個時婆婆為咗容易打理,未試過留長頭髮架!!
直到中學自己先留長頭髮

記得小檬大左啲都唔喺咁鍾意俾姐姐剪,不過一出動薯條同i pad就得,
梗係平時冇咩機會接觸ipad嘛
而妹妹豬呢,對上一次媽咪抱住就冇咩扭計,今次大咗啲,
都驚佢會唔肯。不過好在髮型屋對面係麥記,
有咩事都可以即刻買包薯條頂住。

一去到,同妹妹姐姐聯絡吓感情就開始。
初頭諗住抱住佢,但姐姐話自己坐圍圓凳會容易剪啲。
之前小檬好僧著件袍,所以我自己帶定私家畫畫袍,
好在今次妹妹豬好叻唔抗拒

因為我唔記得帶!

開始剪喇。。

估唔到妹妹豬好乖乖咁自己坐定定唔郁

應該已經眼瞓我以為佢實扭計,點知咁乖
妹妹姐姐話佢兩個算喺剪削咁多個之中,算好乖唔郁嘅小朋友

雖然果時小檬都算乖
不過都總會擰轉頭望吓姐姐,妹妹豬就好淡定,
食住粒姐姐俾嘅糖就剪完個頭。  
 


實髮型上冇咩轉變,都係修吓 
小檬都順便修吓啲蔭

其等完哂interview之後,我就會考慮同佢轉髮型,
媽咪細個俾婆婆剪個冬菇頭話容易打理,
我諗係時候一代傳一代。。。 嘻嘻

6 則留言:

  1. 妹妹好叻叻!!

    回覆刪除
    回覆
    1. thanks! 之前唔係好肯俾人掂,而家大個咗就好好多。比我預期中乖

      刪除
  2. 冬菇頭係咪即係木木果種呀?

    回覆刪除
    回覆
    1. 係呀。。我細個果時啲頭髮好厚,真係成個冬菇咁
      不過剪短咗啲蔭又驚好難留返長

      刪除
  3. 好乖呀,係咪真係女仔乖D?!

    回覆刪除