4.07.2016

復活節最後一擊~同學仔Gathering

復活假期最後一日同小檬同學仔Gathering。

之前都同PN小朋友玩過兩次,
今次係K1小朋友第一個gathering。

每個family都帶一樣食物嚟,大食會~
我哋整咗炸豬排(其實係叫婆婆整 =p)

其中一個小朋友屋企有呢個bouncy castle, 帶埋嚟 ( 好勁!)
成50磅,好重架。。真係辛苦晒

一開始爸爸們就幫手用風機吹好
未吹好啲小朋友已經喺到玩

於是是日gathering小朋友好簡單
jump。。jump。。jump

移好滑梯上落位,小朋友就著急不及待喇
好大個呀!! 好在我哋個會所樓底又夠高
見到啲小朋友走嚟走去,玩得好開心呀!

小檬啱啱瞓醒,換埋衫先落嚟,
一嚟到,同啲小朋友家長們打個招呼
啲小朋友已經開始跳跳跳嘅時候,
小檬就話唔跳住。。等一陣間先。
(係喎,啱啱喺迪士尼都係唔跳)

家長們忙住整好啲食物,
小檬就話要食豬排,唔跳住。
好。。你肯食野都好
那便廂小朋友跳到好開心,
這邊車廂小檬真係一舊接一舊。

個個小朋友一嚟到就跳上彈床,
家長們見到小檬唔跳都有問點解佢唔跳??
佢都係話一陣間先,而家食豬排
我準備咗張紙仔點吓名,
小檬就幫手睇吓邊個未嚟。

唔知係咪主場嘅關係,小檬見未齊人,
所以好緊張要點齊啲名?
佢唔跳我都唔勉強佢。佢同我講想過隔離playroom玩,
(咁大個私人彈床唔玩)

於是就問吓其他小朋友有冇興趣去隔離玩吓,有得玩,梗係去啦~
黃老師(我)就帶住呢班小朋友行出去喇。。。哈哈
見到佢哋咁天真活潑,真係好開心!
(其實我以前都有諗過做幼稚園教師架)

playroom 又繼續玩超過

妹妹豬啱啱起身落嚟,趁啲哥哥姐姐出咗去,
就同另一B,喺入面玩。

玩咗一陣啲小朋友又返返去bouncy castle
小檬warm up咗之後就肯玩喇~

sir 得好開心添

妹妹豬成日黐住哥哥呢個靚仔同學
難得呢個哥哥都好照顧妹妹豬
上又一齊

sir又一齊

落到嚟仲拖返佢先再去玩。。。too sweet

原來做呀媽見到有人對個女好都好感動好開心架!!!!

開心嘅時光好快就完,大家走之前要幫手放氣!!
雖然有風機幫手,不過各爸爸都出盡力幫手推返啲氣出嚟~

啲小朋友玩到最後一刻都仲緊

大約10分鐘就攪掂(連埋趕啲小朋友行開。。。哈哈)

放晒氣之後話大唔大話細唔細。。。
如果係我屋企要搵地方放都知放邊!!
(仲有部風機喎)

臨走,呢對小朋友又拖住手仔。。。

好溫馨呀!!

復活節假期一連四日。。。全部完~
玩足四日真係散晒!!

14 則留言:

  1. 哇,一睇d相就知個個小朋友都好開心 ^^

    回覆刪除
    回覆
    1. 係呀。。。成班小朋友一齊玩,真係好開心架

      刪除
  2. 復活節4日你地真係日日精彩喎...勁啊~~~

    回覆刪除
  3. "黃老師(我)就帶住呢班小朋友行出去喇。。。哈哈" => 浩浩蕩蕩出發喎!

    有吹氣城堡玩, 小朋友一定好開心~

    回覆刪除
    回覆
    1. 哈哈。。我好享受做老師架
      小朋友最鍾意跳吹氣床

      刪除
  4. 小朋友玩得好開心!
    個家長又會買個brounce house 0既,又重又佔地方。

    回覆刪除
    回覆
    1. 佢話係朋友發送架。。。真係好朋友!!

      刪除
  5. 吹氣城堡,勁吸引。

    回覆刪除
    回覆
    1. 係,不過玩就好,如果有人送俾我諗我會暈低

      刪除
  6. 黃老師,每次出親來玩,我都覺得你好啱做幼稚園老師呢份工㗎,哈哈...

    回覆刪除
    回覆
    1. 不過呢個黃老師淨係識得玩。。哈哈

      刪除
  7. 嘩好勁呀,差啲以為係租個充氣彈床返黎,個家長自己帶,咁屋企應該勁勁大@@
    Btw黃小姐你做好多兼職喎,老師又得,活動統籌又得

    回覆刪除
    回覆
    1. 我又冇八佢屋企係咪好大,不過應該都有位放。。兩舊野加埋都好多地方吓~
      邊係吖。。。我專門攪事咋 =p

      刪除