4.05.2016

復活節第二擊@Hea遊澳門 {day 1}

只係安排咗兩日節目,中間兩日未諗到做咩。
放假唔去玩好似唔得咁,突然諗起有恐龍喺澳門
於是近近地決定去澳門
之後先知道原來舅父地都去,咁好啦。。
即刻叫舅父幫手搵埋啲船票。
其實我哋真係太老定,出發之前幾日先決定,
原來船票都好爆,好在舅父又識人,可以安排到!!

酒店房就喺網上訂到
於是就開始我哋嘅兩日一夜hea遊澳門
由於上兩次姐姐坐船都唔係咁舒服,
妹妹而家又大個啲,所以今次只係二對二,
出發同舅父一班船,舅母就同啲朋友遲一班船,
出發時都多個人幫吓手!!

呢兩個小朋友好鍾意黐住舅父玩,梗係舅父咁錫佢地

一上到船,已經準備定晒書,玩具同零食,

唔知點解妹妹豬都要扭一吓,不過好快就安靜落嚟。。。
因為爸爸俾佢睇電話啲相(平時小接觸,所以係殺手柬)
上船冇幾耐,可能搖吓搖吓好瞓,小檬已經瞓著咗! 
妹妹都好快叫爸爸抱上膊頭瞓。

落船兩次隻豬仔都瞓咗。好在有舅父!

過完關大家都醒咗,出到去見到話唔得閒嚟接我嘅叔叔
唔係俾驚喜我,而係佢都係嚟接屋企人朋友。

唔等的士太長龍,唯有搭酒店車再轉酒店車,
都好快到我哋果間酒店。
中午時間未執好房,湊住兩個好難搵好野食,
唯有喺附近食算。


食完時間啱啱好
雖然唔係大酒店,不過都有啲復活節佈置


呢間酒店喺市中心,葡京附近,啲房都算大。

指定動作碌床

休息一陣就出去(其實啱啱到已經好支力,想唔郁)
好好彩,喺酒店門口就有的士。去到廿幾蚊。
一去到就見到呢條超大嘅恐龍!!! 
同兩年之前喺香港科學館嘅都差不多大。

先去買飛。。。一入到去,
除咗恐龍之外,就見到人龍!
好長嘅人龍呀!!!
喺我心目中,人龍比恐龍更得人驚。

冇計,唯有排隊(蠢咗,應該叫喊朋友早兩日幫我哋買訂飛)

爸爸排隊其間,我就同兩個小朋友周圍行吓影吓相先。
一嚟呢隻妹妹豬已經好啲驚。

小檬就例牌扮恐龍叫。



其實都唔係排咗好耐,一入去先睇恐龍館。

場館都幾黑,其實可以光返啲架?!

恐龍都可以係大草原架?!
氣氛令大家啲緊張啲,所以呢個時候小檬話唔睇!
好在,唔睇第一隻啫

行到入去都肯睇~ 合照就好勉強,
當然要解釋一吓其實真實嘅恐龍係咁大嘅。

有啲恐龍會飛嘅

哥哥都有啲驚,妹妹其實已經好大膽
當然,佢應該未識分係真定假,所以驚都好正常。

呢張好似乎食緊妹妹豬個頭呀 =D
佢冇喊已經好叻~~

仲有機械恐龍可以玩

搵恐龍蛋
不過好似要之前登記

睇完之後,就上去玩埋其他野
玩咗一陣已經好支力雖然人比想像中冇咁多

小朋友當然繼續有力啦!!

但我哋都冇咩力。。


終於玩完,肚仔餓,食個tea先!!!
食件恐龍曲奇

休息完
就同爸爸一家影返張到此一遊


呢隻恐龍其實喺個迴旋處到



不過好窩心有個指揮交通嘅哥哥護送我哋過馬路。
仲幫我哋影合照


影到影完落地都繼續影。。。唔想比返個電話我咁
=D 

跟住我哋諗住冇的士,亦冇諗過去睇吓有冇車,
我哋就決定行返酒店!!!

(頭先又話支力嘅?!)行到海邊,
又食吓包包補充一吓體力(15分鐘前先食完cake....)

影兩張日落澳門先

繼續幾廿歲扮少女

行吓走吓影吓。。。好耐都未到酒店。。哈哈哈哈哈
大約行咗半個鐘,就返到酒店!!

休息一吓,開吓恐龍蛋

千其唔好買,好難開架

真係休息得一吓,Uncle P就嚟接我哋。
有澳門朋友帶我哋去啲地道啲嘅葡園菜

menu

我最愛幾牛尾!!!!

同我一樣咁鍾意食牛油麵包嘅小檬,食咗四件 

青口 & 好好味幾馬介休球

海鮮飯

蛋吓面嘅主菜牛扒

Happy Dinner~
小檬媽好幸運,遇都好多錫我嘅朋友,呢個好似我哥哥咁 
妹妹豬頂唔住瞓咗喇

臨走都要上一上呢間玩具店玩15分鐘。。

第一日完,已經支力爆。。。

8 則留言:

  1. 好豐富嘅行程呀,咁都話hea XD

    回覆刪除
    回覆
    1. 成個trip就係睇恐龍咋。。。哈哈

      刪除
  2. 唔hea呀,好好玩~~^^
    雖然支力爆,不過都開心爆 ^0^

    回覆刪除
  3. 科學館都幾岩小朋友去玩呀, 仲有恐龍添~

    我地上次2日1夜, 好鬼累, 怕且老公未必會再同我顛去多轉.

    回覆刪除
    回覆
    1. 小朋友都好鍾意睇恐龍,雖然又話驚,但係又好想睇
      係啦。。唔知點解兩日一夜已經咁累。。。

      刪除
  4. 第一日節目已經咁豐富,完全唔係hea遊囉,有澳門朋友方便好多,又有好嘢食,令人羨慕呀﹗

    回覆刪除
    回覆
    1. 有朋友就食得地道啲,下次你都可以試吓呢間

      刪除