Lost and Took~

記得細個嘅時候
成日見我哥哥返學返嚟唔見呢樣，唔見果樣
(註:我 細時係無發生呢啲情況嘅)

水壺啦。。雨褸啦，遮啦，外套啦，運動衫啦，
筆盒裡面文具就當然唔小得，
就知道小朋友返學咗之後會唔見好多野

除咗小朋友返學，湊仔都係喎
者湊住小朋友出街，太多零碎嘅物品，
好多時返到屋企都會唔見緊啲

由有咗小檬到妹妹豬嘅
lost list

媽咪太陽眼鏡
小檬漁夫帽

影完呢張相已經唔見咗小檬漁夫帽

玩完呢個小小世界就唔見埋自己太陽眼鏡

水壺

出完街唔見咗
仲要好似只係買咗幾日～～

一隻鞋仔

妹妹去完南丫島唔見個咗一隻鞋仔！
係一隻，另一隻喺腳上面
就係哥哥呢對白色彩虹das


到最近期~雨褸

同表舅母食飯慶祝完生日之前去撻水之後，就唔見咗
仲要喺返嚟之後兩日後婆婆問我哋書包裡面點解冇咗件雨褸

我哋先知!!
姐姐話上到酒樓有收好佢地兩件雨褸，
亦有拎返屋企放入書包，
但點解會突然間唔見咗？
我又問過學校又冇執到
問小檬記唔記得返嚟之後果日有冇件雨衣，但佢點會記得吖～

摷勻間屋都冇。。車又冇。。。
唔通真係喺酒樓？打返去問酒樓話冇。

臨食飯都仲有


我好鍾意呢件雨褸架。。喺日本買，好靚，又冇臭膠味，又唔貴！
真係有少少唔開心，又會怪自己唔再跟多眼！
我傾向跟眼睇住小朋友多啲。。。

好想有一日你唔搵佢，佢自己出現！
（不過到時唔知仲啱唔啱著！？！)

講完唔見，又講吓攞左啲咩返嚟

舅父喺日本買咗固背囊比小檬, 連個價錢牌都拎埋花返嚟!!


有日係屋企又冇啦啦見到個街市買毛巾嘅紙牌！

婆婆同舅父兩母子都係一樣

到我哋喇, 尋日小檬喺背囊仔邏左呢個落單牌返嚟。。。

 wakaka!! 

係咪小檬自己執玩具時唔知放埋入去????
好在唔係啲咩貴重物品，唔係我哋就變小偷！

我聽朋友講過百貨公司減價，
孭住嘅BB拎住咗啲毛巾返到屋企唔記得比錢！

我有一次都拎住啲圖書又顧住拖住兩個差啲唔記得比錢，
行到門口先諗好似差啲野未做！！

所以我都成日提小檬要比咗錢先好離開，
等佢又提吓我，哈哈!! 

2016 Happy Father's Day!!

話咁快又到父親節，已經唔知買啲咩，

諗起可以幫爸爸換個枕頭，於是趁爸爸返大陸做野，

放工稱啲小朋友出去買

點知婆婆同小檬坐小巴出黎時瞓著咗＠＠ 

原本諗住買完先返屋企食麵嘅我，
唯有plan B，坐低食埋野

食完小檬起身
就叫小演員埋位。。。

返到屋企今次小檬好叻仔冇洩漏秘密
等到爸爸星期五返屋企都冇講! 

看回2015洩密:
父親節禮物前傳
父親節快樂！

食完飯趁爸爸送婆婆返屋企, 預到時間

就叫佢兩個準備定喇。。。哈哈。。妹妹有冇耐性呀。。

大約捕左5分鐘先返到

（好在都預準時間，唔係兩個就有排爬喺到！！）

小檬好努力咁畫啲公仔喺個盒上面

父親節一早plan定諗住晨早冇咁熱就去沙灘玩沙。

點知舅父又話可能下午join我哋，
於是就改下午去又拿拿臨走去搵野食！ 

父親節冇book位都有得食～

天氣真係好熱呀~ 真係行兩行就溶咗 ！！！！ 

呢啲天氣食雪糕最好

食埋雪糕就返屋企眠一眠。

點知兩隻小豬太好瞓。。。

於是爸爸就享受咗一個寧靜嘅下午，睇吓佢鍾意幾影碟！

相信佢都好滿意呢個安排

小檬送學校嘅領呔俾爸爸

 爸爸冧晒  

夜晚出去等爸爸食飯

咁啱舅父都放假就一齊食喇 

婆婆同舅父夾住小檬，

我同姐姐夾住妹妹，

爸爸就可以冇牽掛咁食餐飯喇！ 

父親節梗係要比啲小朋友玩吓啦～爸爸節快樂！！ 

感激好爸爸

由沖涼換片餵奶陪瞓講故事玩教育學習接送每一項都會參與！

在忙碌的生活中，依然把我們仨放在你的第一位！

Happy Father's Day!! 

小檬視力檢查@兒童護眼中心

小朋友滿四歲之後就可以到健康院進行視力檢查。

小檬終於喺4月做咗，結果係右眼唔合格！

爸爸話佢好多都睇唔到喎。。

唉～我同爸爸都係近視都好大機會有遺傳！

其實政府安排咗去明愛到再check，不過個期長到呢。。

於是就去妹豬媽介紹嘅視光師驗眼~ 

價錢都唔貴$350，眼睛嘅野都係快啲睇吓好

兒童護眼中心理

價錢都唔貴，眼睛嘅野都係快啲睇吓好

booking平日七點鐘，我哋應該係最後客人，

一位好熱情嘅姑娘帶小檬入房驗眼。

小檬坐喺驗眼位，我哋兩個就坐則邊。

視光師先俾啲好簡單嘅英文字母小檬睇，叫小檬讀出，

小檬冇反應。。。

我喺則邊再問多佢一次，佢都擰頭，我好緊張咁，

見到咩就讀出嚟啦～唔使驚架。。

我呢個時候以為我都認為佢係緊張唔敢讀，叫佢唔使驚。。

佢都係話唔知，我好似癲婆咁同視光師講話我仔平時讀到成本書㗎。。

點解而家連個英文都唔識！！！！

係喎。。佢可能係睇唔到個字，並唔係佢唔識讀書呢啲字。
我明白喇= ___=" 

跟住一路驗，我個心好似跌咗出嚟咁。

完成就坐吓等結果~
呢到好多玩具俾小朋友玩


小檬好投入，我就好緊張

最後結果就係....

眼底就好清，好健康，
右眼唔合格，天生散光不過未需要帶眼鏡住, 有機會加有機會減！

遠視好少，即大咗近視既機會好大，

十歲之後應該會有近視

正常應該可以俾近視慢慢減，

但如果好似小檬咁就會快啲有近視。

冇咩睇ipad／電話／電視（唔經常睇）

視光司話呢啲應該係（爸爸又係有散光）

雖然見小B同妹豬帶咗眼鏡都仲咁可愛，

不過我都希望唔使咁快要多一樣野要顧。

不過視光司話佢應該喺小學階段已經需要帶眼鏡，

因為香港小朋友除咗唔讀書果啲，

差不多都要帶眼鏡，小檬仲要咁鍾意睇書添～ 暈

另一問題就係小檬下眼睫毛倒生，成日吉到眼，

好在佢淚水分泌夠，足夠滋潤，所以先唔會吉損，

唔怪得佢先日水汪汪啦。

呢日仲有少少發炎，開咗啲藥膏同眼藥水，

不過到呢一刻都未成功滴到一滴眼藥水！！

要解決眼睫毛倒生情況，唯一可以做嘅就係

開眼！！！！開眼？？睛一聽完差不多再暈低！

點開呀？界開眼皮, 即係好似明星整容一樣！！

視光師話呢啲手術返而越大個做越好喎，

因為等小朋友大定咗個樣喎！ 

（其實都大咗係咪就唔使做架喇？！）

視光師話等遲吓再睇吓點。。。

而家睇親書都提小檬要光線充足，唔好睇咁多電視（其實已經唔多），

就算睇都唔可以行埋去！

跟住就係半年之後再check~
希望都唔好太變四眼仔啦！

最後要讚視光師好專業，好知道點樣氹到小朋友驗眼，
小朋友未得都會好有耐性慢慢嚟。
解答我呢啲無知婦人問題好容易明白答案。
我介紹咗比同學仔媽媽，佢朋友都讚不絕口！！

小檬 Last PTH Show & Tell @K1

小檬K1開始的嘅Show and tell 物品分享已經差不多到尾聲

我哋試過帶嘅物品：
woody~
第一次用一樣小檬比較熟悉，又可以講吓woody嘅顏色，形容一吓

迪士買嘅家庭照~
介紹一下有爸爸媽媽妹妹

對講機~
等佢可喺堂上即時玩，同小朋友有啲互動

聖誕活動相片~
講吓我哋聖誕節嘅活動，收禮物，佈置聖誕樹，

香港公園觀鳥相片~
上網又搵到呢隻鳥嘅資料去介紹比啲小朋友。
小檬兒時嘅相架~

教睇鐘嘅圖書~可以叫小朋友睇吓幾多點

巧虎~

當然仲有最基本嘅玩具～火車/串字遊戲....

尋日係普通話物品分享最後一次，
已經諗唔到帶咩返去，見最後一次，
決定自己整~ 

係公司執件唔要嘅紙皮，再貼上色紙就攪掂個底板

揀好要嘅相, 打好晒啲字/插圖喺啲整相apps之後print出嚟，
底托硬咭紙，剪貼就攪掂。最麻煩就係預啲相,字體出黎嘅尺寸大細，
好在一take過冇錯！

"關於我" 小檬 

 all about me中文版
等老師同學仔都可以認識一吓小檬。

人型小檬


怕冇次序，小檬會漏咗，於是加咗啲數字等佢跟住講

(星期六補影返相，唔知道咩敏感, 面腫腫！！)

我的名字


我今年4歲


我的學校


我的家

(加個太陽)

我最喜歡顏色

加個太陽加咗個箭咀

我最喜愛的活動畫圖畫／去公園玩。


看圖書


我最喜愛的食物: 壽司／雪糕

 yummy ~my favorite! 

右上角加左個 Happy~

資料整得靚係冇用嘅。。。要睇吓講成點

練咗幾次，算係咁啦！

睇返而家啲小朋友真係越來越叻，

我記得自己都好似係中五先要喺學校對住啲同學仔present，又怕羞！

而家小檬小小年紀已經有經驗，將來面對其他人都唔會怯場，

呢點對於以後係好有幫助嘅!!

小檬 3rd English Show & Tell @K1

小檬 1st English Show & Tell @ K1

小檬刷牙洗面

而家啲小朋友一出世就比家長訓練自理能力

自行入睡

自己揸奶樽

自行如廁

自行進食

自己著衫褲鞋襪。。

我都唔例外

尤其有姐姐喺屋企我好怕兩個變少爺小姐，

我嘅規定好嚴謹？又唔係，盡吓人事啦。

又要屋企人配合下，每日堅持要佢地做，話吓鼓勵吓又幫下。。

現階段都算係咁, 講下小檬先啦

自行入睡～

一半半，好多時係媽咪話陪小檬瞓，too sweet， 唔想停

自行如廁～

已經識好耐，

poopoo當然冇問題，weewee呢，

有時夜晚要去都識起身自己去，

但有一晚失手，

可能太累，臨天光。。。

好在有床墊

自行進食～

好有進步，自從爸爸話邊個餵話邊個之後，都好願意自己食。

自己著衫褲鞋襪～

開胸衫識穿著，連過頭笠都開始識。

刷牙洗面～

有日睇住佢刷，, 突然想錄低佢

雖然扭毛巾唔太乾，不過都好叻仔好主動！

望住個仔由BB到而家識刷牙洗面。。 覺得佢大個仔喇。

時間真係覺得好快好快！！

The Bear’s School Café by IZUMI CURRY

上一次帶小檬去薯蛋頭先生太太餐廳嘅時候，係媽媽出走系列
妹妹仲係好細，淨係帶小檬出去

7.06.2015  Mr. Potato Head Cafe

知道The Bear's School 會到呢間餐廳，媽咪都幾鍾意呢隻bear bear

因佢啲精品顏色好靚，好童話，連公司本筆記簿都係用佢。

知道佢大駕光臨，今次點都要同妹妹一齊嚟朝聖！

The Bear’s School Café by IZUMI CURRY

THE BEARS SCHOOL CAFE

apm 一田超市內

差不多12點到, 唔使等位，即入！！ 

好靚呀～ 


成間餐廳都係Jackie bear






當然唔少得可以抱住Jackie bear影相啦～


招牌動作~eeeeee

食物方面


叫咗
奄列吉列豬扒咖哩飯  $129

(小檬食中間啲飯, ok喎!)

香蕉班戟　$59

日式便當盒　$99  


朱古力凍飲


餐紙都好靚架

   
可以拎住大人杯飲橙汁，好enjoy

髮夾靚唔靚呀？

  
環境食物都靚，真係食得特別開心

食完諗住買吓精品，點知要去超級市場俾錢，條龍長到唔知喺邊，
啲精品都唔係咁特別，冇買！

比起薯蛋頭先生太太，食物花款好難做到bear bear樣。

食完隔離姨姨話俾我哋知可以攞杯墊，
於是侍應哥哥就攞咗比我哋。

隨住妹妹豬已經大個女，唔再係BB，

相信媽媽出走系列都幾難再有update

不過以後嘅兩隻小豬周圍遊就一定有繼續有!!