6.24.2015

父親節禮物前傳

媽媽冇諗啲咩特別嘅父親節禮物,見爸爸個鬚刨好似都舊,
啲刀應該都換吓,索性趁父親節買個新嘅比佢。

於是提早啲安排
趁爸爸返大陸,就叫婆婆預早同小檬出嚟商場
同小檬一齊出去買。。
(妹妹就係屋企指揮,冇出到!)

食完野,就action~


我覺得好成功呀!!!!
 佢都做到自己去買嘅效果。。
雖然有啲位佢唔敢自己同sales哥哥應對(而家會唔好意思)

買完禮物搭車時就要教育

媽咪: 你記住唔好同爸爸講我地嚟買禮物比佢喎。。
小檬:  點解呀? 
媽咪: 因為呢個係一個秘密,秘密呢就唔可以話比人知架。
小檬: 哦。


講左一次之後,返到屋企就唔提,希望過一日就唔記得呢件事

第二晚晚上,爸爸返咗嚟,接我放工時,
我一上車, 見到個 "飛抱抱" 盒,
心諗點解爸爸又買咗個鬚刨???
原來佢買個電動牙刷比我試吓用(因為之前啲牙唔好)
同一牌子個盒大細差不多,我都睇錯,
如果咁拎上屋企小檬一定以為係鬚刨,
而爸爸一定叫我拆黎睇同叉電,到時實穿煲!
於是我一拎到返去就自己入房拆哂個盒話要叉電先,
順利瞞過小檬同爸爸!
心諗好在我醒目先可以避過穿煲!

跟住小檬去WeeWee,佢而家會自己洗手,
有時會自己攪掂,不過如果有大人得閒都盡量睇住佢,
驚佢跣親,於是我就叫爸爸睇住佢洗手喇。。。
小檬見到洗手盤隔離爸爸個鬚刨,
就同爸爸講:

 "我地買咗個新呢啲比你呀!!!"

我聽到心知不妙。。。如果爸爸問就話唔知佢講咩。。。

點知小檬出嚟就話:
 " 媽咪,爸爸個秘密呢??快啲比個秘密爸爸啦!!!" 

wakaka~ wakaka ~

講到咁
我唔覺得爸爸會唔知囉!!!
所以,其實父親節之前
爸爸已經知道將會收到呢個禮物架喇~

13 則留言:

  1. ha ha.... 小朋友守唔到秘密~ 咁爸爸知道後, 開唔開心呢?

    回覆刪除
    回覆
    1. 都開心。。。見到佢地兩個就開心啦

      刪除
  2. E~~~瞞唔過爸爸
    不過我相信爸爸一樣好受落,haha

    回覆刪除
    回覆
    1. 小朋友好難瞞到秘密

      刪除
  3. 哈哈,小檬好搞笑,不過我相信爸爸一樣咁開心!

    回覆刪除
    回覆
    1. 係呀。。。見到兩隻豬仔就開心

      刪除
  4. 回覆
    1. 係呀。。好攪笑 =D

      刪除
  5. 小朋友好可愛~秘密係一件物品~!

    回覆刪除
    回覆
    1. 係呀。。。可能我一開始講得唔好。。不過有啲好抽象嘅野真係好難解釋比佢知。

      刪除
  6. 哈哈,咁小檬又有保守秘密,冇講明買左鬚刨喎 XD

    回覆刪除