6.13.2015

小檬入院驚魂

上星期中的小檬,有少少鼻水,到星期四有兩聲咳,
於是就安排定婆婆到學校接佢之後去睇吓醫生,
好在舅父返3點半,時間啱啱好。唔使婆婆一個自己湊
點知果晚臨瞓已經發燒,唔知點解而家又唔肯貼退熱貼,
咁算啦,快啲等佢瞓喇。
點知瞓唔到半個鐘就好似發惡夢咁喊醒。。。聽到好多痰聲,
令到佢條氣唔順,呼吸得唔好。
叫佢飲啖水又話唔飲唔飲,平時又話自己最鍾意飲水=_____=

擾攘一番就再瞓過,唔夠半個鐘又喊,抱住佢都係咁喊,
不如食啲退燒藥水先。。。又係發咗癲咁唔食唔食
出盡法寶咩都試過唔唔肯食,繼續喊。。。
大喊又嘈醒妹妹!!!!! 姐姐起身照顧妹妹瞓返
我同婆婆就繼續戰鬥小檬。平靜咗啲都唔肯食,
最後唯有夾住佢打哂交先食到,食完發哂癲咁,
我唯有使出最後武器~Ipad睇you tube先停咗喊
(好在平時冇比而家先有樣絕招喺手!)

成晚我同婆婆都瞓得好差,
舅父知小檬情況差左就朝早入嚟車佢睇醫生
於是第二朝我等婆婆繼續瞓,
我就準備好哂同小檬出門口等舅父嚟車。
出發之前都OK精靈
(爸爸喺大陸未返到嚟, 所有相都係send比爸爸睇住佢情況)

小檬下半晚都瞓得差郁嚟郁去,不過叫做冇喊醒。
差不多九點舅嚟到,我地就去咗睇開嘅家庭醫生

醫生聽吓條氣就話唔喺幾好喎。。再夾手指,
嘩,含氧量偏低喎, 再check都係低, 
建議即刻入院好啲喎!!!!
我同舅父都打個突,仲諗住睇完醫生就返工,
舅父車佢返屋企添,點會諗到醫生話要入院!
見佢唔算好嚴重吖,要入院?!
不過都係聽醫生講, 拿拿臨上返舅父車 
 就去返小檬出世嘅醫院
去院途中
小檬已經開始扭計,挨住我無理精神,
叫佢地瞓一陣又話唔好,瞓低咗又話唔好,
對眼又垂哂,扯哂氣,想瞓又唔係,唔知點咁,好似好唔掂,嚇死我!
比電話佢都話唔使。 之後話肚仔唔舒服,
好cool 住,其實已經冇安全帶,我都開始驚,
又係好似自己生仔咁,叫舅父開快!!
坐返喺到之後頭
就嘔!!!

雖然快手拎到啲紙巾接到啲,
但條䃿/凳/車地氈都有!超級狼狽!
好在嘔完個人好似好返好多,仲識要you tube,呢吓先令我放心啲
到左醫院落車要比返個電話舅父,
又過發顛,我就抱住個發哂顛的佢入醫院,好似電視劇一樣!
護士話今日兒科床位滿咗,未必安排到。
咁睇咗醫生先算啦, 喺分流居然又冇發燒喎。。。
同佢吓便利店買咗條褲仔換,衫就冇事,
一路等都冇咩事咁,喺條氣差少少。

呢日大解放,揸住手機可以穩定佢情緒,比聞氣食藥更有效!!

見咗醫生話佢支氣管發炎,建議入院等醫生護士睇住佢,
因為而家冇床位,於是做咗即時治癒先。
聞氣~
雖然秘密在手,不過一開部機就話唔要!
唔肯帶個mask聞氣!!

我同舅父扮埋係消防員玩救火,蜘蛛俠,怪獸。。咩都試過,
講到口乾買哂啲玩具比佢都話唔帶。。。
唔肯帶mask就算一陣有床位入院都冇用!!!真係齋坐咩~ 
於是就問返醫生,唔入院喇,食住口服藥睇吓幫到幾多先。。。
不過今晚我地就要睇住佢情況,因為通常氣管最差就係夜晚瞓教。

攪完一大論,先話比婆婆知好多人而家先返去,叫佢煮定啲粉,
唔想同佢講去咗醫院,唔想佢擔心,返到屋企先慢慢講。
有份玩具,人都精神啲

返到屋企食完粉,就食藥喇。。。唔肯食

又係用盡辦法都唔肯
跟住唔理溝咗啲果汁再加水,佢好在冇咩發覺,總叫食左。
(呢個方法上網話有兒科醫生教,亦有話唔好,不過我開到好稀,
亦係唯一可以嘅方法,夾住餵佢而識lur吐返出嚟, 我無得揀)

瞓醒就好返好多,正常返!!
尋晚成晚陪佢瞓都條氣都算OK。

總算避過呢場入院驚魂!!!

作為媽咪,都唔忍心見到小朋友病自己又做唔到啲咩! 
喺舅父車嘅時候,真係好擔心,嚇C我!!
真係多得舅父陪我,如果唔係我一個人一定更加徬徨!! 
架車買過哂啲地氈嘅清潔費入我數!!! (好在冇味!!=p)

25 則留言:

  1. 嘩,真係驚wor.... 而家好返未呀?好彩有舅父,如果唔係呢咁hea....

    回覆刪除
    回覆
    1. 係呀。。有個家人喺身邊都安心啲
      其實果晚返到屋企都好返好多喇,喺車到我最驚,不過可能自己驚自己 =p

      刪除
  2. 嘩,真係驚wor.... 而家好返未呀?好彩有舅父,如果唔係呢咁hea....

    回覆刪除
  3. 咁橋檬爸返左大陸,好彩有舅父響度咋!唔洗入院都好,小檬一定好唔慣呀,佢宜家係咪好番晒啦?

    回覆刪除
    回覆
    1. 係呀又喺大陸 =___= 好在舅父返shift又咁啱未使返咋。
      入院唔好話佢吖,大人都辛苦,不過如果佢條氣依然唔順,都冇辦法,醫生睇住先安心,好在返屋企食吓藥都已經好好多!夜晚都生猛哂

      刪除
  4. 無啦啦話要入院真係嚇死, 好少見到小檬嘅喊相, 咁宜家好番晒未呀?

    回覆刪除
    回覆
    1. 其實情況又未至於好差,聞氣係最好,所以建議入院! 條氣唔順,通常夜晚差啲,醫生都係做定啲穩一陣野,其實果晚都已經好返好多喇!

      刪除
  5. 嚇都嚇 c.... 好彩最後無事,而緊急時刻有舅父婆婆都可以幫媽媽手!

    回覆刪除
    回覆
    1. 喺車到見到佢想瞓又唔瞓,又唔知點咁我都好驚,不過都係自己嚇自己。。
      有事身邊有親人照應差好遠。。我都冇即時講比婆婆知,費是佢擔心!等佢喺屋企同姐姐睇妹妹

      刪除
  6. 真係嚇鬼死人~ 好彩小檬大DD都溝通到講到邊度唔舒服...舅父真係好好!

    回覆刪除
    回覆
    1. 我記得木木有獅獅吼症,我都又問小檬係咪架。醫生話唔係喎。。雖然溝通到,不過都好似變左第二個人咁。。好扭計
      舅父好好,好錫小檬同我,我好多大事佢都有陪我。。(係時候諗諗喇。。等木木都可以有個照應)

      刪除
  7. 嚇鬼死人!!!
    小朋友病最慘係大人......>.<

    回覆刪除
    回覆
    1. 真係嚇C我。眼見佢都唔係好差啫。。點會諗到要入院!不過醫生都係以安全起見
      佢扭到好似變咗第二個人咁。。。唉。。已經冇咩好瞓。。。超辛苦

      刪除
  8. 真係嚇死人呀, 不過~係屋企好好多, 有多d人幫手!!!!同小朋友舒服好多~
    希望小懞快快好返~

    回覆刪除
    回覆
    1. 係呀。。。嚇C我。屋企人幫手真係好重要
      而家好返哂喇,thank!!

      刪除
  9. 真係好驚wor, 希望小檬快d好返啦~ 舅父真係好好!

    回覆刪除
    回覆
    1. 小朋友病大人真係又驚又辛苦
      舅父好好,好錫小檬同我,我好多大事佢都有陪我。。(係時候諗諗喇。。等小寶都可以有個照應)

      刪除
  10. 小檬冇事真係放心晒!

    回覆刪除
    回覆
    1. 係呀。。。放心哂

      刪除
  11. 好彩小檬食咗藥無乜事, 要快 d 好返呀~

    回覆刪除
    回覆
    1. 係呀。。。唔係果晚就煩喇!!不過果晚我地都陪佢瞓,睇實佢

      刪除
  12. 好彩有舅父,一個人湊住個病咗嘅小朋友,仲話要入院真係會好狼狽,小朋友病實會扭計D,好彩食咗藥有好轉,要快D好返呀﹗

    回覆刪除
    回覆
    1. 係呀。。。有個人係身邊差好遠!而家食哂藥好返8899喇

      刪除
  13. 小朋友病真係自己仲辛苦過佢。 好彩無事!

    回覆刪除
    回覆
    1. 係呀。。大人真係仲辛苦

      刪除