6.04.2015

小檬成長報告@ 3Y4M

26/05@3Y4M

進步咗好多~ 好多野都肯試吓!! 
留意係試吓,唔代表係食。
不過如果啱佢口味, 都可以話增加一個肯食嘅機會
(你睇呢一吓媽媽都覺得係開心嘅!)
蝦/墨魚餅/叉燒.新增嘅食物
 舅母喺韓國返嚟,比咗啲紫菜佢試,
一試愛上,於是就帶佢去試食壽司食紫菜卷!
據報都食咗好多!(我果晚見客冇得去)

食常餐啲通心粉差不多可以食哂一碟,超愛火腿。
鍾意食靚嘅牛肉,有日喺屋企對面打邊爐
居然自己未停過食牛肉同烏冬!
有時會要求想食某種食物,好似pizza,
難得佢對食有要求,我地都會滿足佢。
不過曳起上嚟,可以一碗粉食兩啖就話飽!
(其實酒樓嘅牛河係唔好食!)
好食果啲就食哂!
佢要求底下,試過比好淡嘅茶佢試吓。
其他有味飲品都好鍾意,不過佢自己話自己超級鍾意飲水
(講完真係飲哂成支水咁滯!好似賣廣告咁)
湯就一時時。。。零食好鍾意,不過唔會比得多,
有時一兩吓咳就話我咳唔食糖喇。。。但轉頭又話食少少。



都係夜晚同我pillow talk 每日回顧,
順便講埋果日有咩做得乖同唔乖,事後檢討!!
又會講返開心嘅事情等瞓都甜啲。有時講完,就同我講我大個仔,
可以自己瞓!! 但明明係佢叫我入房嘅=___+

自理能力
好多野都自己做,成日話自己大個仔。
扣扭拉鏈都算純熟,自己著衫著褲,影衫都冇問題(唔代表美觀!)
有時可以直下手執野同妹妹出街

窩心事件
好識關心人
舅母婆婆落咗車,啱啱落雨,佢會話,佢地會唔會淋到架?
而家落雨喎婆婆有好幾日唔喺到過夜,
佢會叫我開定床比婆婆,唔係婆婆冇得瞓。

爸爸淋住雨去攞車,同爸爸講,
睇住呀。。爸爸,唔好淋濕個頭呀!!
媽媽整親,會問有冇事呀??我錫返你吖!
有時唔小心整跌野,佢自己會話"冇事冇事, 好少事 !"

曳曳事件
上兩星期,發咗兩次脾氣,已經唔記得為咩?!
不過果一刻好似乎癲咗咁喊。
我會繼續堅持唔會讓步,再慢慢講。。。
重復咗幾次之後,突然間就正常返,同我講sorry。

有一次就食完飯,應該可以離開餐廳,但佢最後果啖未吞,
諗住等佢吞咗先行,點知吞咗10分鐘都未吞到。我又唔想比水佢沖落肚。
之後唯有走,跟住一路都未吞到,喺商場見到玩具仲想入,
我話你吞咗先可以入,結果又喺門口僵持左10分鐘都吞唔到。
我地話走,冇得入佢就爆喊!!
一路爆喊, 一路行到停車場電梯, 突然話要WeeWee,
返到嚟就已經吞咗,又好似變咗第二個人咁!

一見到我面部表情唔鍾意,會問我咩事。
不過有時都會話唔好唔好。。我地唔讓步都會喊。
不過總算唔多係咁

喺會所試過有小朋友推佢,我見到,不過冇話果個小朋友。
小檬即刻返嚟同我講,我話而家太多人。
可能會有啲唔乖小朋友喺到,問佢仲喺咪到玩?
佢就話唔玩,去第二到。
佢係啲有事係會走嘅小朋友

搭lift街坊望住佢笑,佢會唔好意思,之後笑住叫媽咪
開始怕醜。鼓勵吓會同人打招呼
見到親戚朋友會自己主動叫人

活動能力
學咗TKD我先知佢好多動作都識做,同做到。
好似sit up(不過唔太正宗!)
雖然學校未開始揸筆,
不過學畫畫老師會教揸筆,都算正確!

整體嚟講都算好好
keep it up!

沒有留言:

張貼留言