靚媽攝影團 by NT

NT成日同我講，想教吓啲媽咪影相，

我非常支持，因為我都係想影得好，但唔識影，又懶去學嘅媽咪

有人喺身邊教梗係舉腳贊成啦！

NT話驚冇人參加，我拍心口話冇嘅話

都有我一家四口撐佢場!

作為秘書嘅我，知道佢出咗post都快啲幫手宣傳吓。

靚媽攝影團 by NT

靚媽攝影團

下次唔使啦。。。一出post，簡直係秒殺！

多到有啲要排後選～

冇收錢只需要捐錢做慈善就得, 不過我未捐，我會盡快架喇! 

呢日又遲到，冇錯，我一家已經係遲到嘅代表！

（原因未明，深感抱歉！）

要大家大熱天時喺到等我地，真係唔好意思！

行入去嘅時候，肚B主動拖住小檬，反而係小檬怕羞！！

一開始NT就叫我地影啲相試吓先。。。

我個小檬覺得太熱，冇咩表情。

妹妹都係一面惶恐

自己小朋友都影唔到靚嘅。

好在比我見到個𡃁模～

 我好鍾意呢張，雖然冇咩技術可言=p

換咗個好啲嘅地點，就交功課，

NT開始講吓點解可以影到啲靚相。。

(技巧唔講喇。其實我唔識講。。。哈哈)

各人明白咗之後就再試吓喇。

身為秘書嘅我梗係要有啲behind the scene交差，

唔係等炒魷

小草媽媽

你睇小草先生幾積極!! 

汗流浹背嘅NT

仲有平時影相已經靚嘅肚B媽媽

點少得靚靚Anki媽

小草仔仔好合作

不停來回來比媽媽影

呢位同學好虛心學習呀

肚B都想試吓NT哥哥部相機

小檬走咗去玩sir滑梯，得我同工人姐姐睇住呀妹妹。。

雖然姐姐喺到，但唔知點解好難集中試影！（可能係我藉口）

所以我影唔到啲令自己滿意嘅。。。

不過就見肚B媽。。小草都好似學識咗。

 小草好用心，真係有開始爬低影吓 =p

各人都好努力研究

首席助手~小檬出場

認真工作的男孩吸引吧！

可能見得NT哥哥多，真係有啲得喎!!

小檬作品1~ Behind the photo

小檬作品2~ Behind the photo

小檬作品3~小草家學習中

小檬作品4~肚B特別集

其實鬆郁朦唔得嘅仲多。。wakaka~ 

休息時間，我準備咗啲蛋糕仔比小朋友們

跟住睇吓我啲作品。。一個字太差喇！

太爆喇。。。如果唔係會好溫馨

小檬都識氹女仔喎

呢張如果唔係太爆都好靚！！

 （我啲相咁差未畢業先可以搞第二團我再報名！

睇吓其他媽咪影小檬同妹妹豬嘅作品！

by 小草媽

by Anki 媽

by 肚B媽

NT仲送咗幾張相比我地。。。大C真係大C

最後嚟一張大合照就完滿結束

靚媽攝影團1 

雖然時間已經係5點幾，已經唔係最熱時間，

我地平時比影出做model已經話累話辛苦，而家都自己落場影，

hea吓hea吓影都成身汗，難為NT哥哥平時仲要咩住部咁重嘅相機，

汗流浹背咁，擒高爬低咁捕捉最好嘅一剎那，

除咗技術之外，比起果啲喺studio嘅一式一樣套餐，

佢賺嘅真係血汗錢！

識咗NT兩年，而我地一家都同佢成為好朋友，同佢好似屋企人咁，

不過我從來冇叫佢教我影，因為呢啲係佢嘅資產，靠佢揾食。

冇諗過佢真係好人到主動話要教我地!!

NT相又靚，又有heart，唔計較，我一家會繼續支持你

by 小檬

你~ 距離成功真係不遠矣！！

到時成名1週刊訪問你

記住提吓我地呀!!