妹妹豬@15M

15M@29/05

食
食不停，自己食完見哥哥食又再食。。。好似金魚唔知飽～

第二個當豬養，比起哥哥早食好多野，
好似乎糖/芒果/蛋糕/甜品/雪糕。。。不過都係好少份量子（一粒豆）
見到紙包飲品雙眼發光，一唔比就扭。。。。情況好激！

遇到反抵唯有離開現場，避免進一步嘅衝突
食咗麵包就唔係好肯飲奶。。再係咁我唔買奶粉架喇
食啲飯仔食得好好，啲通心粉可以自己畢哂食! 
鍾意飲湯，婆婆梗錫哂

瞓

瞓一日一教，仲要有時瞓得一陣，
同哥哥果時一日兩教，每教兩個鐘，真係差好遠！！
 婆婆同姐姐做野嘅時間都差好遠！

自從解咗個粟米咒之後，夜晚就好少醒。
一次半次會11點幾醒，我又被挾持入房陪瞓。
之前成日醒時期就同佢瞓，佢會安心啲。
而家瞓返自己床仔喇。。臨瞓食奶都係自己揸住瞓床仔食！
唱吓歌拍吓拍吓就瞓著

活動能力
行都算穩陣，不過哥哥唔可以拉住佢，好容易跌。
一踩住啲野就自己上sofa，自己拉凳仔好似哥哥咁坐

認知能力
點樣瞓教？邊到洗poopoo，姐姐係邊到做野？全部識哂。
發音講一個讀一個
話換片片就自己瞓低。

好鍾意去街街，見我地同佢換衫或者我地孭袋就知去街。

尋晚要自己孭背囊添

好貪靚，我用護膚品化妝品時佢一定會黐住我要攞，
 求其比支sample佢就扭開點一點搽上面。

換完衫／紮完辨仔就要入洗手間叫我地抱佢照鏡

試過落街唔肯行，或者唔跟我地方自己行！
好難攪～（其實我諗小檬實在太乖喇！）
行玩具店要扭落地，
呢點我明白嘅。。。有得睇冇得買都想掂吓

"呢個" "果個"一日就"呢個果個" @@

比唔啱佢新水就發爛！！！
我要好好諗吓點先可以糾正佢，我最僧女仔有小姐脾氣！！！！！！！
大家有咩高見？

朝早返工佢會喊要我（小檬哥哥果時話之我=___=）

BB車／網床已經打入迷你倉。好在而家算肯坐car seat 同瞓床仔，
如果唔係又多兩樣BB用品名存實亡

整體嚟講，唔差嘅，
不過可以再好啲!!!