6.15.2016

小檬刷牙洗面

而家啲小朋友一出世就比家長訓練自理能力

自行入睡
自己揸奶樽
自行如廁
自行進食
自己著衫褲鞋襪。。
我都唔例外

尤其有姐姐喺屋企我好怕兩個變少爺小姐,
我嘅規定好嚴謹?又唔係,盡吓人事啦。
又要屋企人配合下,每日堅持要佢地做,話吓鼓勵吓又幫下。。

現階段都算係咁, 講下小檬先啦

自行入睡~
一半半,好多時係媽咪話陪小檬瞓,too sweet, 唔想停

自行如廁~
已經識好耐,
poopoo當然冇問題,weewee呢,
有時夜晚要去都識起身自己去,
但有一晚失手,
可能太累,臨天光。。。
好在有床墊

自行進食~
好有進步,自從爸爸話邊個餵話邊個之後,都好願意自己食。

自己著衫褲鞋襪~
開胸衫識穿著,連過頭笠都開始識。

刷牙洗面~
有日睇住佢,, 突然想錄低佢

雖然扭毛巾唔太乾,不過都好叻仔好主動!

望住個仔由BB到而家識刷牙洗面。。 覺得佢大個仔喇。
時間真係覺得好快好快!!

2 則留言:

  1. 一諗起佢哋咁快完K1升K2,越來越叻咩連駁咀都識,就更覺時間過得快

    回覆刪除
  2. 好同意呀,有姐姐真係唔想縱到小朋友冇自理能力(我仲加個99添@@),依啲真係好靠父母去做!
    刷牙我仲未敢畀肚B刷,佢好hea,我要補刷先得XD

    回覆刪除