6.20.2016

小檬視力檢查@兒童護眼中心

小朋友滿四歲之後就可以到健康院進行視力檢查。
小檬終於喺4月做咗,結果係右眼唔合格!

爸爸話佢好多都睇唔到喎。。
唉~我同爸爸都係近視都好大機會有遺傳!
其實政府安排咗去明愛到再check,不過個期長到呢。。
於是就去妹豬媽介紹嘅視光師驗眼~ 
價錢都唔貴$350,眼睛嘅野都係快啲睇吓好


價錢都唔貴,眼睛嘅野都係快啲睇吓好

booking平日七點鐘,我哋應該係最後客人,
一位好熱情嘅姑娘帶小檬入房驗眼。



小檬坐喺驗眼位,我哋兩個就坐則邊。
視光師先俾啲好簡單嘅英文字母小檬睇,叫小檬讀出,
小檬冇反應。。。
我喺則邊再問多佢一次,佢都擰頭,我好緊張咁,
見到咩就讀出嚟啦~唔使驚架。。
我呢個時候以為我都認為佢係緊張唔敢讀,叫佢唔使驚。。
佢都係話唔知,我好似癲婆咁同視光師講話我仔平時讀到成本書㗎。。
點解而家連個英文都唔識!!!!
係喎。。佢可能係睇唔到個字,並唔係佢唔識讀書呢啲字。
我明白喇= ___=" 

跟住一路驗,我個心好似跌咗出嚟咁。

完成就坐吓等結果~
呢到好多玩具俾小朋友玩


小檬好投入,我就好緊張


最後結果就係....


眼底就好清,好健康,
右眼唔合格,天生散光不過未需要帶眼鏡住, 有機會加有機會減!
遠視好少,即大咗近視既機會好大,
十歲之後應該會有近視
正常應該可以俾近視慢慢減,
但如果好似小檬咁就會快啲有近視。

冇咩睇ipad/電話/電視(唔經常睇)
視光司話呢啲應該係(爸爸又係有散光)

雖然見小B同妹豬帶咗眼鏡都仲咁可愛,
不過我都希望唔使咁快要多一樣野要顧。

不過視光司話佢應該喺小學階段已經需要帶眼鏡,
因為香港小朋友除咗唔讀書果啲,
差不多都要帶眼鏡,小檬仲要咁鍾意睇書添~ 暈

另一問題就係小檬下眼睫毛倒生,成日吉到眼,
好在佢淚水分泌夠,足夠滋潤,所以先唔會吉損,
唔怪得佢先日水汪汪啦。
呢日仲有少少發炎,開咗啲藥膏同眼藥水,
不過到呢一刻都未成功滴到一滴眼藥水!!

要解決眼睫毛倒生情況,唯一可以做嘅就係
開眼!!!!開眼??睛一聽完差不多再暈低!
點開呀?界開眼皮, 即係好似明星整容一樣!!
視光師話呢啲手術返而越大個做越好喎,
因為等小朋友大定咗個樣喎! 
(其實都大咗係咪就唔使做架喇?!)
視光師話等遲吓再睇吓點。。。


而家睇親書都提小檬要光線充足,唔好睇咁多電視(其實已經唔多),
就算睇都唔可以行埋去!

跟住就係半年之後再check~
希望都唔好太變四眼仔啦!

最後要讚視光師好專業,好知道點樣氹到小朋友驗眼,
小朋友未得都會好有耐性慢慢嚟。
解答我呢啲無知婦人問題好容易明白答案。
我介紹咗比同學仔媽媽,佢朋友都讚不絕口!!

12 則留言:

  1. 我好朋友個仔仔又係下眼睫毛倒生, 搞到眼仔成日唔舒服(而家先兩歲半咋), 見佢係咁眨眼好似好辛苦咁~ 原來要開眼架....好似好恐怖咁@@

    回覆刪除
    回覆
    1. 係呀。。如果太嚴重真係要,好在小檬都唔算嚴重,希望大啲又唔同咗

      刪除
  2. 要界開隻眼真係好驚喎,希望半年後小檬繼續唔洗做四眼仔喇

    回覆刪除
    回覆
    1. 係呀。。即係啲女明星整容咁,好驚~希望啦。。

      刪除
  3. 估唔到小檬唔ipad唔電視,右眼都有事...我聽日去檢查啦,緊張ing
    不過知道都好,可以提醒小檬要點做,希望半年後檢查可以有好消息

    回覆刪除
    回覆
    1. 應該係天生嘅,希望你都合格啦~~

      刪除
  4. 又係喎,有次見小學放學好多四眼小朋友...希望小檬愈遲愈好啦~

    回覆刪除
    回覆
    1. 而家啲小朋友又多咗鍾意接觸圖書呢。。。。

      刪除
  5. 原來有眼睫毛倒生呢樣野, 唔講真係唔知, 希望遲下有好轉, 唔洗做咩都OK啦...

    我細細個都有散光, 其實我唔知呢D都會遺傳,咁要求神拜佛tarebaby唔好中招.

    回覆刪除
    回覆
    1. 唉。。。我都好想知道有咩辦法幫佢

      刪除
  6. 本身我自已就係大近視,成個家族都要戴眼鏡,我老公成日都話我「如果個仔有近視,一定係你的問題。」佢都不無道理。。。唉

    回覆刪除
    回覆
    1. 冇事嘅,或者冇事呢!

      刪除