6.01.2016

小檬K1學校運動日

一年一度學校運動日@21/04/2016

原先運動日喺三月份,不過天雨影響,結果要延期。
學校即刻搵老師到體育館等開門再安排book另一日。
家長學校們都好擔心再擇日嘅運動日是可以如期舉行??
睇天氣預測,成個星期都落雨
唯獨運動日稍為天晴
不過都擔心天氣不似預期。。

幸好天公造美,感恩運動日天氣很好,還有點熱!!
小檬分校今年是以紫色衫為主,
大部分家長都會配合
為隆重其事,媽咪安排咗母女裝上陣,
不過冇預計溫度由三月份嘅十幾度變成
四月嘅廿四,五度先著(熱!)
都係著一晝,頂住就算,唔再買

今年舅父咁啱放假又可以同我們一齊玩/影相,
還遇到一位同學媽媽原來是舊同事,世界真細小!

爸爸早上要當義工家長,
於是又勞煩舅父去接全家
再來順路到公司接只請半天假嘅我到運動場!

未開始,先影吓相先~

又一年喇。。。舊年仲好BB

今年件衫都短喇

跟住同小檬搵老師報到,我哋就上看台等運動會開始。
每個分校唔同顏色,成個看台色彩繽紛
上面呢張相就係舅父影喺草地影

呢個就係舅父~咁熱,真係辛苦晒

舅父影完看台就直擊等候出場嘅小朋友們

舅父梗係影多啲小檬

都影咗好多自己班同學仔嘅close up
等媽咪可以俾同學仔

小朋友一班一班步操出場喇~

小檬出場喇。。。

做完體操, 熱到溶咗

學校為小朋友安排好獎牌

人人有份

開始各個親子遊戲喇
妹妹都熱溶了

成班小朋友未出發先興奮~

好多同學仔見到小檬都好開心,捉住佢一齊玩,有個仲唧唧佢,
佢冇咩反應, 不過啲女仔就好鍾意同佢玩。。
(之前聖誕表演都試過係咁=___=  後來發現佢應該係怕羞)


玩遊戲時間仲撞到豬髀媽添~(可惜豬髀唔肯影)
仲有見到little k...可惜唔記得影相=p

玩完第一個遊戲之後就排第二個
小檬叫我同佢一齊玩,於是就排隊

一開始仲好開心yeah晒,
好快媽咪就因為避開隔離小朋友隻腳,
自己左腳kick右腳,成個趴低!!!!!!!

小檬跌嘅時候一個反身轉咗兩個圈,
成個人定咗5秒 (就係第三幅相)
5秒定鏡之後即刻起身,
拿拿聲完成個遊戲~~

點解跌都影哂相?因為檬爸諗住錄我哋玩影遊戲嘅情況,點知變咗錄我哋跌低=_=
仲見到我跌都繼續影唔走過嚟......

跟住義工家長問我有冇事,好明顯小檬冇咩事所以先淨係問我!
我話擦損咗,不過應該都冇事嘅。。(其實我感覺到膝蓋擦損晒)
跟住檬爸都聽到我答,可能覺得我真係冇事就問

跟住玩咩遊戲呀?????

=______________________=

男人有時就係咁唔細心
我話我膝蓋損晒。。去搵first aids先
跟住就一個人自己行去。。。(慘慘豬)

包紮好之後,就搵返小檬哋繼續遊戲,玩接力~



撞返喺場地影相嘅舅父,小檬幾o爹

玩多幾個遊戲之後運動會就結束

呢個運動會都令我幾難忘,因為自從中五喺運動會跌過之後,
就到今次喺咁多人面前跌
(唉 我都係冇咩運動細胞)

而最唔好嘅就係自己跌之後反應唔切,
跌嘅時候拖住小檬,累佢一齊跌埋。
應該放開小檬手仔, 可能佢就唔使跌

不過又好開心見到佢今次跌倒之後嘅反應
雖然跌低咗,都唔會喊
我都有讚小檬,佢冇喊好勇敢,
冇整親都可能會驚而喊)
亦讚佢做得好好,就算跌親
好有運動精神繼續完成賽事!

見到小檬咁叻仔,怎能叫媽咪不感動呢?

10 則留言:

  1. 原來你跌親呀>.<
    好在唔係好大件事, 我有次抱住Little K 都差D仆到, 果次勁驚>.<
    小檬好勇敢呀:D
    原來果次係我地第一次見面, HAHAHHA

    回覆刪除
    回覆
    1. 係呀。。第一見唔敢捉你合照。。。我怕羞呀。。哈哈哈
      小檬真係好勇敢,頭也不回,唔理呀媽gut吓gut吓,都要繼續跑。。。

      刪除
  2. 小檬媽咪好有體育精神, 就算跌親都繼續玩,讚!

    回覆刪除
    回覆
    1. 其實都好小事,膝頭磨晒薑~我都繼續跑到嘅 hahaha

      刪除
  3. GEN 媽最有體育精神, 做好榜樣比屋企小朋友睇~

    有時男人就係咁唔細心嫁啦, 但咁又唔代表佢唔著緊你喎, 係反應慢D 又高估我地既能力咁law~

    回覆刪除
    回覆
    1. 小檬繼續跑先架。。我咪繼續跑囉~
      um。。。我諗佢太單純諗住我真係冇事。。。冇諗過我客氣答人。。唔想人擔心。
      仲要事後繼續問玩咩。。。得我自己慘慘豬行去包紮 嗚嗚。。。

      刪除
  4. 不嬲都覺得檬爸好溫柔又浪漫(見你地放閃就知XD),不過今次就淨少少細心啦,但係唔緊要啦,我相信檬媽心目中,依啲都係佢可愛之處 :P
    聯校嘅活動可以遇到其他Blog媽,好開心啫 >v<

    回覆刪除
    回覆
    1. 唉。。。有時男人就係咁。
      係呀。。。見到啲blog媽真係好開心。。嚟緊應該多幾位添呀

      刪除
  5. 兩個男子都係無理你,就知你平時肯定係superwoman,佢地先以為你無咩事!
    (講下笑=P)

    回覆刪除
    回覆
    1. 睇嚟我都要適當時候扮吓弱者先得

      刪除