9.23.2016

妹妹豬31M~

妹妹豬31M喇~

哇。。真係唔經唔覺!
好耐冇寫。。。比返學打亂晒

喺屋企,大部分時間話 : " 我大個女,我自己食得喇! "
不過都有時都會食食吓走嚟走去,
尤其到尾聲。。都見都婆婆/姐姐追住餵(冇眼睇)
情況未至於太差都算
生果/菜菜咩都食。。而家連前排話唔食嘅肉,忽然間又鍾意,
尤其係婆婆整嘅豬扒/雞亦
零食方面當然好鍾意。。。唔識停,冇哥哥咁節制!(唔比較)
以前唔未比啲食物分一半比佢,要大舊/全部,
而家好啲喇,都接受到分開食 =p

放學返嚟,掛住玩,可以唔使瞓,不過夜晚就早啲瞓。
如果nap咗就十點十一點。

自理能力
差不多所有做到嘅都要自己做
(除鞋之後, 會好整齊咁放返鞋架)

活動能力
可以雙腳跳喇!!去公園自己擒來擒去都得
最近大膽比我目睹佢喺大床拗腰想自己落細床。。。
好似跳高選手咁。。。嚇到我差不多暈低!!!

情感發展
脾氣比哥哥抿諍(唔比較!)
有咩唔鍾意就發爛!!!(尤其眼瞓時~)
但完話佢,比小小時間佢冷靜,佢又會好明事理咁sorry媽咪。。。
問佢知唔知做咩唔啱,佢又講到 @@

說話能力
講野好叻喇。。同哥哥水準差不多。
每日喺學校發生咩事,有冇小朋友喊/食咩茶點/
玩咗咩遊戲返到嚟屋企都講得返。(小檬哥哥差不多到K1先講到少少!)

有日臨瞓同佢傾完計,佢就指揮我哋。。。

特別事: 介片成功!(鼓掌!!鼓掌!! 鼓掌)

返學之前喺屋企試緊唔著片,
不過都未係好識幾時有得去。。瀨咗!
返左學見其他小朋友坐喺到去到,
我陪返學時見證佢係學校廁所仔去到。。好開心!

返學兩星期都有著片,不過都係乾嘅。
老師喺手冊到讚妹妹豬應承咗唔去落片片真係做到,
我就伶住本手冊話老師讚佢,佢好開心!

有日去街,仲著住片,佢行行吓話要去vee,
於是我又抱住佢跑去搵廁所。。
差不多斷氣嘅我話: " 不如去落片片啦。。。媽咪唔得喇。" 

點知妹妹話: "唔得架。。。本書話我叻架" 
(佢想講手冊讚佢)所以要去廁所vee!

 媽媽真係衰,個女咁努力唔肯去落片片,就叫佢去落片片
當你抱住隻廿幾磅不停講快啲啦。。好急呀嘅肥豬
跑咗好耐就嚟虛脫都未搵到廁所。。
果一刻你應該會有同我一樣嘅諗法)

一聽到呀女咁有決心介片,慈母歸位
斷氣都要繼續跑。。終於搵到廁所成功!!!

呢件事,睇得出佢對自己要求都好高.好鍾意老師讚

老師打比我話佢條片片到係乾嘅, 可以試吓唔著片片返學。。
本來有啲拗嘅我,想繼續幫佢著,點知佢自己話唔使著,大個女!!
好啦。於是比佢試吓!
到而家已經好成功冇著片片返學。
真正介咗片片喇!!!!

小檬哥哥
前一排好曳。。或者叫比較唔乖。
好容易用喊嚟表達不滿!
我都被佢嘅不滿攪到有啲不滿。。。
唔知係咪放假放得耐?
試過講道理,試過話,亦試過虎口婆心咁講一輪肺腑之言。

唔知係咪突然開竅,好似婆婆生日話要氹婆婆開心,
真係可以一叫就放低手上玩緊嘅lego走黎影相仲奉送笑容!

呢排又變返我個乖仔!


返學方面,學習進度都OK,每日寫字都可以半小時內完成!

食方面都係keep住有進步,婆婆話一大碗~
新食物都有嘗試吓

生活照

呢排鍾意將自己所有玩具留喺床仔玩。。。

一出廳,佢就好似天橋底果啲咁,
三抽兩lung行出廳,仲要加個呀四喺後面幫佢手

" 喂??我想book buffet 呀"

 妹妹豬返學,Mell Chan 都要換返套校服

嘆tea中 

小檬哥哥學校outing去完牙科陽光笑容小樂園,
返屋企問我攞鏡即刻開工

繼續I like reading

笑容滿面嘅小兄妹 =D


中秋半天假,可以接放學喇!!

 大爺小B嚟探我哋,梗係落去公園玩啦!
男子組

女子組 

 呢個我架。。。唔好攞我呀
 兄妹裝~

 返學唔喊,又有禮物!!多謝舅父舅母

 放電~!


又點少得開心自拍呢?

4 則留言:

  1. 妹妹豬講野好叻叻呀,ET仔仲係未識講返自己衰係邊!

    回覆刪除
  2. 妹妹豬對自己要求高好呀, 叻女, 會堅持自己想做既事, 姨姨要向你好好學習!!!

    回覆刪除
    回覆
    1. 我都係。。我冇堅持跑。。哈哈

      刪除