9.27.2016

小煮意。大體驗

早前有朋友叫我玩個體驗遊戲
不過果次唔係個個小朋友識,時間又唔就,所以冇去到!

前排同小檬同學仔聚會,同啲媽咪講開都有興趣,於是湊腳參加
15位小朋友就可以包團玩!

茶餐廳
 小煮意。大體驗

一開始,小朋友就坐喺中間先聽經理講解一下
今日嚟茶餐廳嘅目的,要做嘅工作!

小朋友都好留心聽講,返工之前都要見工架
經理會見每個小朋友,逐一傾吓計

要考吓計數啦。。


識唔識會招呼人啦

見完工,成為侍應喇!!



等佢地briefing, 我哋要出去一陣,
我哋成班怪獸家長出場!
真係睇少一陣都唔安落咁。。哈哈。

好快我哋就以顧客身份出現,
我哋揀咗小朋友互相調亂招待家長,
可以俾小朋友另一體驗。

有3個餐,可以選擇

每人一疊茶餐廳落單紙仔,每個客人一份餐
小檬要落單喇。。。

之後寫低,凍O茶。。

凍O茶, 未識寫。。之前我幫佢寫咗。。佢跟住扮寫

我就唔知佢點寫,睇返佢話左上角果個就係!
=______________=
呢啲符號真係佢先識睇


寫好咗之後,經理就幫手登記返啲飲品。

小朋友都好似好記得啲客人飲咩。。
唔係大部分都係凍O茶/O水,
係有位爸爸唔舒服要熱O水(我哋話要熱,真係大整蠱!)

整緊凍飲嘅時間
小朋友就去夾食物整茶餐,
ABC餐都係啲小朋友容易handle嘅食物。

小檬小心奕奕咁夾好雞亦

都唔係好識輕輕放
隻碟斜晒,不過未至於跌



到沙律都OK。

小檬好快就將食物交到客人手上

到飲品喇。。
平時都好小比佢拎咁大杯野。。茶餐廳老闆叫佢慢慢行,

佢真係好似慢鏡咁行。。笑C我哋!!

拎得未夠高,撞到檯邊。。
不過好在都冇倒瀉!

客人食餐期間,小朋友就分兩組,輪流入去參觀廚房!
唔好話小朋友,我都未過去茶餐廳廚房,
呢間茶餐廳有兩個廚房,
呢個廚房好乾淨嘅。。應該唔係成日用,冇人煮野嘅。。

但齊晒啲煮食爐具/雪櫃可以介紹

我哋食完個餐之後,啲小侍應就要嚟收碟。

真係一步一驚心

跟住就係洗碗!

真係失禮小檬平時唔肯掂啲污jo嘅野。。。

初頭唔肯放隻手落去架,不過後來好在都肯洗。。。

洗洗吓仲同啲同學仔玩!

跟住就要抹檯

掃地
啲顧客好曳呀。。專燈伸隻腳出嚟呀,扔啲垃圾落地

拖地
小朋友好開心,好似玩咁!

到最後就喺收錢,我哋顧客拎住個牌就去埋單
有啲曳嘅家長會話唔夠錢,有啲會比多,

而小檬就係收錢時
喺收銀機拎返錢比客人!!=p

多謝$30

唔知道點解突然比返$30客人

攪錯咗!多謝$30

啱喇

thank you

到最後,經理逐位都會講返小小評語,經理就會出糧比小朋友!

 小朋友可以拎住啲錢(假)去買返個餐食!


小檬第一份糧呀


興奮中


小檬換咗三文治同薯條。

食得好快。。好快食完~~

食完之後仲未夠,仲要添食!!!

可能真係肚餓添同有小朋友陪,
睇嚟我真係要多啲嚟呢到喎。

食完之後,
經理再教育小朋友,
希望小朋友明白了解多啲爸爸媽媽平時返工一日嘅辛勞。
每項生活都需要金錢,
所以要好好珍惜金錢,同時間要尊重服務我哋嘅人。

好有教育意義呀!!

原來一路扮經理嘅係一位老師,亦係啲活動攪手。
唔怪得可以帶到小朋友,管得到佢地啦。。

如果唔係要管15個小朋友,都幾勞氣!

玩完先攬吓小檬,因頭先一路我都係客人嚟


玩到癲晒


 夾好期,湊夠十隻腳就先落訂hold住個期,
唔係冇咗個期又煩!之後先搵埋尾數啲腳,
其實都唔難,表兄弟姊妹呀。。好朋友仔呀。。
全部小朋友都識包場可以玩得投入啲!

我哋冒險帶埋妹妹豬嚟,因怕佢扭計會好麻煩,又要扭落地,
不過好在有啲零食,又有本書,都冇咩麻煩野。


 小檬同學仔,好錫佢嘅呢個姐姐仲同佢玩添


呢個真係比小檬一個好好嘅體驗
試吓做野,出糧,用返嚟買野食。
嘗試一吓做打工仔,希望會更加珍惜食物/金錢
一個活動,一家都可以參與!
因為我哋都扮緊另一位小朋友嘅顧客嘅!

19 則留言:

  1. 又幾得意wor,無expect 有茶餐廳可以俾地方咁玩!

    回覆刪除
    回覆
    1. 係呀。。好難得嘅經歷!

      刪除
  2. 好玩呀,小濛媽攪記得預埋我個Anki!

    回覆刪除
    回覆
    1. 好呀,今次同同學仔所以冇問大家。夠15個包場可以再玩架!ANKI而家入廚咁叻,呢個活動對佢冇難度啦!

      刪除
    2. 真係好好玩呀,我又排隊報名 :D

      刪除
  3. 唔好話小濛,ee都唔敢掂d 污糟水!又洗又抹又執!好叻仔!

    回覆刪除
  4. 唔好話小濛,ee都唔敢掂d 污糟水!又洗又抹又執!好叻仔!

    回覆刪除
  5. 原來有啲咁既活動架~ 真係你唔講唔知喎~ 小檬哥哥做得好好呀~ 收工食得多啲, 因為好辛苦? HAHA

    回覆刪除
    回覆
    1. 係呀。。呢個活動真係幾好玩,一個價錢成家有得玩,有得食,有教育意義!
      應該係呱。。。又成班小朋友一齊食高興啲嘛

      刪除
  6. 好好玩WOR,想問下如果想參加可以點報名?

    回覆刪除
    回覆
    1. 好玩呀。。對小朋友係一個好好嘅體驗

      blog最底有個網站,按入去應該有得睇參加詳情,或者去FB 小檬fan page inbox我再比資料你

      刪除
  7. 玩樂中學習,仲有得食,大人細路都開心!

    回覆刪除
    回覆
    1. 係呀。。雖然呢個價錢一個餐唔值,不過真係一家大細都有得玩!都好值啦

      刪除
  8. 好正嘅體驗,下次攪記得預埋人哋^_^

    回覆刪除
    回覆
    1. 我唔知幾時再玩喎。。。你哋想我可以再組團 =D

      刪除
  9. 好正喎,呢個活動我屋企個者家男應該有興趣,再搞記得搵我哋湊夠腳呀

    回覆刪除
    回覆
    1. 好呀。。今次學校已經夠腳,所以冇叫大家,你哋都想玩我都可以再奉陪~

      刪除
  10. 好正嘅體驗呀,真係由落單、整野食、收銀,連洗碗都有份,估唔到!
    檬媽幾時會再去玩呀,我又報名:D

    回覆刪除
    回覆
    1. 係呀。。真係好值得玩,家長又可以做食客。。又有野食。一家大細都有得玩
      哇,個個都等我我好大氣壓力喎

      刪除