舊鄰居小妹妹出嫁了!!

兒時相識嘅舊鄰居小妹妹出嫁了!!

當時相識嘅佢，仲係手抱BB，

成日過嚟我哋屋企玩，果時仲係媽媽身分嘅婆婆同佢沖涼，

玩完到時到候就自己擔BB凳過嚟食飯！兩個媽媽就係長期麻雀腳！

我哋成班小朋友就係走廊玩，屋邨生活真係好熱鬧！！

為咗打麻雀，呢兩位媽媽仲派咗同佢相差十幾年嘅哥哥(我呀哥!)

去接讀緊幼稚園小妹妹放學，

個幼稚園老師仲問咗好多次小妹妹識唔識我哥！！

真係太經典！

如果係而家，呢件事呢兩位家長應該已經比人影低放咗上網公審！

當天嘅小妹妹呢日大日子，咁啱小朋友學校假期，

於是我都請咗假 做陪嫁姊妹

新娘爸爸朱公公（小檬稱呼）拖小妹妹出嚟時突然激動喊，

我都好感動有少少眼淚，真係睇住佢大，睇住佢出嫁！！

好替佢地開心！！

睇住佢大嘅婆婆都有份飲茶，

我哋兩家人就好似變咗親戚咁

接左新娘，送咗出門之後

喺樓下商場修吓手(平時真係冇時間！）

就返屋企休息一吓，

等小朋友瞓醒就準備去飲！

之前妹妹豬見到婆婆有搽指搽指甲油好鍾意，

於是見到又好開心買咗比佢呢日試

（係。。反而係婆婆有搽 =_____= 

好在我都喺搽左指甲油，唔係比佢兩婆孫靚晒）

貪靚嘅妹妹豬真係坐定定比我油

其實只係好淡嘅粉紅色，唔記得影相添！

新娘有好多小朋友親戚，

話全部都做花仔花女行出嚟，

點知後來話小檬同妹豬

小檬兩年前嘅花仔衫，而家仲啱著！！

不過係西裝仔短咗啲, 唔理喇, 著一吓 =p 

褲就買咗條新嘅, 襯埋Jordan型晒！

妹妹果件就啱啱好，因為之前係大咗嘅

冇買新鞋仔喇。。淺紫色都得吖！

頭cool就係當年做比佢去舅父婚禮嘅果個

對比之下就知兩個大個咗好多！

而家嘅妹妹豬就好似之前小檬哥哥咁大

前一日已經不停洗腦同妹妹講行完有禮物，

其實做花仔花女嘅媽媽好大壓力，

因為唔知道佢地係咪真係行到！

小檬就未擔心過，係妹妹豬

。

。

。

。

好在最後都有行到全程!!!!

不過去到最後有啲驚，喊咗出嚟！

不過肯行冇喊已經好叻!!

(又仁慈母上身！)

我小時候都好想可以著靚裙做花女架！

不過冇機會，好在趁佢兩個小時候都有個機會做吓花仔花女！！

等佢哋開心吓（其實佢地媽咪仲開心！！)

夜晚等埋檬爸，我哋都有份飲茶呀！！我係姐姐嚟嘛～ 

見到妹妹終於結婚，真係好開心！！

主人家全部親戚／我哋啲舊鄰居／新娘子啲同事我都認識。。

 舅父舅母婆婆都有嚟，可以幫下手照顧小朋友，

我就周圍傾吓講吓！ 是日飲宴都好夜先完，

好在兩個都乖乖係檯到玩玩具，不過臨尾妹妹豬都開始眼瞓zzz zzzzz

祝白頭到老