又賣旗喇。。
有咗上一年嘅賣旗經驗，今次輕鬆啲喇！
逢係學校活動小檬都會積極啲起身，順利出到學校附近賣旗！
小檬隻眼好得意，有時細到得條線，可能前一晚飲咗水？
撞到好多同學仔，可以幫手影張相
約好咗嘅同學仔一齊行去另一邊賣，冇咁多人！
(前係蛇仔媽同細細)
小檬今年自己主動行埋去喇！！
早晨，可唔可以幫我買支旗？
見到位外籍人士, 小檬都冇猶豫行埋去問
good morning，can you help me to buy a flag sticker?
之前冇預計要講英文，自己都識翻譯
外籍叔叔都即刻入錢！
Thank you!!
小檬好叻呀！！(慈母)
咁啱撞到爸爸同妹妹嘅？？
梗係唔係啦，爸爸又返屋企車妹妹出嚟支持哥哥架
（妹妹爛瞓遲起身！）
今次個旗袋冇條繩，小檬要拎旗袋比人入錢
又要貼旗，比較狼狽！
不過我想佢自己一手一腳，所以好必要時先幫佢
賣多咗一陣去交旗袋喇！
下一次應該係兩兄妹一齊賣喇！
O個日真係勁多小朋友賣旗, 咁岩我地要帶tareworker返學校上興趣班, 入完錢幾個小朋友都送旗比我老公, 結果佢貼左幾個O係身~
回覆刪除呢日真係堅多
刪除我幫襯吓自己班小朋友，都係成身都係！
小檬好乖, 好有心機賣...
回覆刪除果日阿囡都有出動賣旗呀... 賣旗既人多呢...阿囡賣左陣就話要走啦...=.="
係喎。。。呢日真係堅多！唔好計自己學校／仲有好多其他幼稚園。。。連好大個嘅民排隊哥哥都有。。。比啲可愛嘅小朋友搶晒啲生意
刪除識自己翻譯，小檬勁呀
回覆刪除好在都好簡單。。。佢應該勝任嘅
刪除