學校假期~澳門遊 Day 2

第二日，大家都好乖乖咁起身，順利出門

搭電梯唔使兩分鐘就到！所以準時到達

小檬難掩興奮！

安排好檯之後就快手攞野食，

唔係節目開始又掛住玩冇得食！

小檬未開始已經繪影繪聲咁話比個妹知

一陣有啲咩黑媽媽嘅怪物龍跳出嚟，有啲咩凶猛老虎獅子唱歌，

有啲咩大隻公仔攬住我哋。。。

攪到個妹驚，話要瞓教（即係呢埋）

真係唔該晒！

好在真係出嚟嘅時間又冇咩事喎。。

仲同啲公仔揮手添！

表演完之後就可以上台集郵

大會問有邊個小朋友想上台同功夫熊貓上台打功夫，

小檬初時半推半就，仲話唔好唔好，

不過比職員邀請上到台又好似另一個人咁

食完個早餐，兩個小朋友超級興奮

臨走check out又撞到又影一餐。。。

見仲有5分鐘就出嚟，等候期間先有乖乖望鏡相

酒店房送咗隻公仔，妹妹豬見到好開心拎埋去

一樣架

相信再唔走，影到天黑都繼續影！

跟住就萬里長征，其實只係行去斜對面嘅酒店，

冇諗過11月中都熱到咁，行左5分鐘唔夠已經熱爆～！

行過影張到此一行（由小檬做代表！）

到喇


收費＄200兩個鐘任玩，

是日星期一差不多冇人。

所以啲遊戲設施都唔使排任玩。

有啲身高限制


寫清楚規定


呢個大型鋼架，我入咗都好難行得到。

捐吓捐吓sir返條長S滑樓落返嚟，哇快到呢！！！
我都忍唔住叫咗出嚟

小檬玩到唔捨得離開呢個鋼架
（我諗係因為佢唔係成日有得玩，喺香港我冇帶佢去呢啲playroom，
除咗唔使金錢嘅時候！！哈哈）

終於勸到佢玩吓其他～車車

不過佢好明顯冇咩揸車天份！成日撞壆

妹妹豬呢本來冇得玩架，因為只可以小朋友自己揸

不過有個姐姐好好，肯同佢一齊楂，就可以玩！
妹妹豬都玩咗好多次！

呢個遊戲我同檬爸都有份玩


有啲似迪迪妮嘅巴C光年嘅射擊。
我同爸爸就覺得幾好玩，
不過妹妹豬就唔太欣賞，可能都係驚！！

小檬都OK，冇問題
（出黎仲識同我講呢個遊戲同迪迪尼果個有咩唔同。。好有見解)

玩到3點幾，都係時候食啲野。
canteen有啲特別食物，蛋糕pizza
不過仲有杯麵賣 =___=

order咗呢個比小檬 

小檬第一次玩跳樓機。大膽咗喎。。

之前見到都唔敢玩，不過果時仲係細。

攀石

以為佢會好叻嘅，平時喺公園就爬到好高
點知第一次比佢知道跌落嚟有條彈彈橡根彈吓彈吓之後，

爬到咁上下就自己放手腳，
享受彈吓彈吓嘅過程！真係比佢激C！

其他啲遊戲設施
波波池嘆卡通

最後影埋卡通人物就走！！

差不多要走喇。。唔想太夜返到屋企。

於是安排搭五點幾船返香港！

房租大約$1550 包以下
「体验梦工场」毛绒玩具一只
兩位早餐 （諗住要買多一位，但唔知點解酒店送多一位！）
＄300 餐饮购物券

送咗差不多800幾蚊野 weekday房租真係抵好多!! 

兩日活動唔算好緊迫，
不過返嚟都已經累爆！！