9男女5天大阪自駕遊 Day 3 ~ Mini Birthday Party + 黑門市場

夜浦咗兩晚之後嘅呢一朝，我要早過妹妹豬起身，

因為呢日係妹妹豬生日, 我要比個驚喜佢！！！

其實佈置好簡單，喺屋企已經貼定啲膠，喺酒店一貼就得！

再快手落樓吓買舊細細嘅蛋糕，

妹妹豬之前見過啲公主蛋糕話自己生日要，

於是媽媽都盡量滿足佢。

插個跳舞公主插牌扮係公主蛋糕啦～

剛買嘅麵包超人玩具都用嚟裝飾一吓～
攪掂

妹妹一起身我就同佢講~生日快樂~

佢見到呢度，可能未瞓醒，冇我想像嘅興奮=___=

（幻想從來係好嘅）

仲話點解冇公主蛋糕嘅？？？ 

媽咪個心酸一酸。。。真係冇。。

不過點可能有，已經盡力帶定個牌仔嚟扮，

又買埋個3字蠟燭

媽咪都已經好細心啦!

但小朋友又點會明吖

唔可以空肚食蛋糕，佢坐喺sofa食啲麵包，飲牛奶先。

換咗衫，個人醒啲，心情好似好啲。

夾埋個皇冠夾扮生日帽。又開心咗～

HAPPY BIRTHDAY!! 

本來仲買咗啲旗仔掛飾，不過都係簡單啲，唔帶咁多喇

為咗你開心，媽媽盡晒力喇！

你永遠係爸爸媽媽嘅寶貝

爸爸媽媽千里迢迢都帶舊金嚟送比你架！

佻皮嘅哥哥,令全家都好開心

其他客人都嚟咗喇

呢粒孫女都係婆婆個心肝

舅父母

Alice in the wonderland 手袋仔！

新鮮日本直送thank you!

到表舅父母喇

表舅父....大細路一名

喺麵包超人館自訂嘅背囊中呀！！

自己揀顏色／徽章／襯好先車架

唔怪得果日佢地咁耐都未行到隔離商場啦!!

真係多謝晒

唱生日歌喇

呼呼呼~ 

佢地冷衫嘅pattern 好襯呀

呢個mini party之後就準備出門。

下一站係黑門市場～ 

團友又影張合照先！

唔齊人，另外果兩個團友成日都行得好快！！（小檬同表舅父）

嘩嘩嘩～好多野食呀！

神戶冇食到和牛，呢補返數

舅母負責做財政，唔揸數有樣好，想食咩手指吓就得，

有人比錢，貴都唔覺咁肉痛！

（其實自己都有夾錢，自己呃自己）

唔客氣喇～  

難得合照

 好肥美呀

  

  

小朋友食吓棉花糖

士多啤梨

食完一round，再掃街

炒麵！

除咗之前果兩個係好男人之外，

呢個都係，都好照顧小朋友架！

所以兩個小朋友都好黐佢，我就輕鬆好多，有得影吓相！

婆婆見到啲水果/士多啤梨咁靚，都要買返啲!

雖然婆婆同我們一齊同行，唔使自己用錢，有野想買都可以同我哋講，

不過我都比咗啲錢佢袋住，

見到啲自己鍾意嘅野，

自己有錢自己買，唔使問我哋攞，感覺良好

呢個波子機，真係好搵笨

中間有兩個大窿會跌波子入去

見到啲街景咁靚，等我影返張

大阪我最靚～ wakakaka

下一站AKACHAN～  阿卡將

小朋友又喺車瞓咗，好在架車可以泊則邊，

爸爸同小朋友休息一陣先。

買小朋友日用品真係好開心～

又靚又得意！

喺FB代購見到。。自己終於可以買

防撞角

筷子／碗／杯／水樽。。。所有小朋友日常用品都可以有野買! 

掃到咁上下小朋友已經醒，

爸爸就同佢上玩具部玩住等我

隻麵包超人又畫得幾靚喎

啲積木玩具好靚呀！

估唔到今次我係我睇中要買玩具

 忍手情況下買咗啲！

買咗一大袋，放上車就走人會合舅父哋

轉地點又係購物時間

啲人扮嘅公仔都好似特別有愛心咁

會同小朋友玩

返心齋橋附近百貨公司

小朋友同爸爸，舅父就喺玩具部 

  

  

多謝冇咩人嘅玩具部同爸爸／舅父，媽咪可以安心購物

差不多八點。。百貨公司關門，妹妹都累喇。。

  

dinner喇 ~ 

呢晚冇蒲喇。。   返酒店休息