Gen Mami's Blog

7.18.2014

N班入學準備~ 姓名貼

開完家長會，小檬有個號碼(我諗係學號啦)

就去整姓名貼喇。

淘寶啲款式多到呢。。。間間賣嘅都好似一樣，

真係唔知點解比較，

我相信價錢都係差不多

於是我好似俄羅斯輪盤咁求其搵一間揀到啱圖案嘅就拍。

揀咗toy story，男仔好似唔多選擇，

佢啲人物多啲變化, 啲卡通人物都冇變樣

貼紙人民幣5 （中號63個）

貼落都幾實

不過唔知用落係咪

熨嘅人民幣14.90 （大號6個。中號35個。小號28個）

熨就未試，應該冇問題呱！

可能我印埋個號碼，唔知點解佢排版排到啲字黐埋一齊，

唔。。。其實唔齊過都得嘅，不過照同佢地啲服務人講吓，

佢地好好話幫我印過，雖然未收到，但都算係咁。

佢地印喺速遞單嘅字眼都好窩心架

當然如果唔使印過就仲好啦！

星級合照

見今日Happy Friday，等大家開心吓～

按N班入學準備~ 備忘錄 + 黑鞋豬髀媽第三個留言及一眾媽媽們要求

附上與陳豪合照一張,

N年前做fashion show dresser 同當時做model嘅佢影嘅，

果時陳豪都未做TBB。

wakaka........實在好好笑！！！！

Model仲有Janet Ma，區楊妙芝，楊崢，玫瑰瑪莉。。。

我比較鍾意part男Model

因為啲accessories呀，衫嘅陪配搭，髮型都簡單啲。

臨出場前又要整下個頭，女Model時間真係好趕！

好多男model都唔係好使理，執好一套衫就自己著。

有啲女Model就要由頭跟到落腳。

仲有呢幾個Model，不過可能未必識喇

通常一日綵排一日做，不過做完兩日就超累。

諗返起都幾開心架！

7.17.2014

N班入學準備~ 備忘錄 + 黑鞋

平時出街執野都驚執漏，遲啲返學都好驚。

屋企仲有姐姐／婆婆／爸爸

所以整咗呢啲備忘錄幫吓大家手，唔使左問右問~

首先係穿校服安排：

邊日著邊套點襯一目了然。

（唯一驚佢地著錯嘅就係條褲，因為好似,

不過我諗都係由我領軍幫佢著，

都係以防萬一我忙緊佢地著都唔會著錯）

跟住就係書包仔裡面嘅物品。

應該都會前一晚執定書包，不過如果之前果晚唔記得，

朝早又遲咗起身趕起上嚟照住執都唔使咁混亂。

print 咗出嚟就貼喺房，對住換實冇錯！

（情況就好似Model行Fashion show咁，一場show幾套Outfit，

啲accessories 多到暈，時間又趕，

會有一個dresser 幫佢地執返一套出嚟幫佢地一齊著！

讀書時就去做過part-time dresser 好多top model 都見到哂真身，

最記得幫過陳豪超好人，叫我唞吓佢自己著～離哂題添.....）

學校電話同校車叔叔嘅電話都準備貼好比婆婆地。

貼喺當眼地方就唔使周圍搵

臨出門再睇一次，佢地唔記得就唔使又入房睇啦～

買咗黑鞋喇，因為小檬腳仔細。最終買咗呢一對

話有內外真皮，纳米科技喎。。＄319好貴，

都有個鞋墊嘅，其實呢對都有大，不過其他牌子仲大，

而家呢對一隻手指位，應該都啱嘅喇

其實個款麻麻，不過黑色返學鞋型唔到去邊架喇～

7.16.2014

芝麻街Flash Card

一歲之後小檬講野都唔差，之前都有同佢玩吓Flash card，

不過大肚之後就好少同佢，懶得坐落地。

前兩日見返呢副flash 咭同佢玩，居然好多都識。。。

我諗都係之前玩嘅時候記得

有啲我都唔記得佢係咩，好似snow咁，都唔知佢想指手定係咩。。。

我都要睇吓先知。

呢啲Flash card一盒＄11@Aeon

真係又平又靚又學到野！

7.15.2014

一張超額完成的照片

星期六晚同咗契仔慶祝！！
契女要喺沙田學芭蕾舞，走咗去沙田食飯。
去完家長會接埋大細豬就去，沙田其實好好行，
咩都有，不過就超多人

玩具斗斗城騎恐龍

妹妹玩得幾開心

第二日要去游水，之前嫲嫲買比小檬cool頸嘅水抱都唔知收咗去邊！
(即係其實收埋留返又搵唔返，第日冇用就走返出嚟, 都唔知收嚟做咩！！)

唯有上荷花睇吓有冇得賣。搬咗之後都未嚟過，好大，

小朋友當遊樂場咁玩。

最終買唔到

不過好在有個好靚嘅backdrop可以影吓相！
大有大走，細有細行，仲加埋個細細，

影到呢張相簡單係超額完成！

希望你們以後嘅成長路都互相扶持啦！

7.14.2014

N班入學準備~ 家長會 + 運動鞋/校服/白襪

當小檬面試同通知收生結果嘅情況仲歷歷在目嘅時候

N班大作戰 ~ 完結

N班大作戰 ~ 8th interview 終極篇

話咁快又話要開學喇~

星期六學校安排咗個家長會講解一吓學校日常運作／上課安排／

如何協助小朋友適應學校生活等等。。。

仲有本手冊拎返屋企睇

其中有一欄問家長, 你能做到嗎?

小朋友第一次返學，好靠父母做好先可以幫小朋友鍾意返學
做父母幫小朋友心理上準備，尤其好黐屋企人嘅小朋友，
好在小檬都算唔黐（個個都跟，哈哈哈）
手冊資料好有用!

小檬 & 小檬媽返學前準備：
我喺之前已經做定呢啲準備架喇~
學校收咗佢之後，我就已經教咗佢自己讀邊間學校，
等佢聽到個名都熟識啲。
行過樓下小學就抱佢睇吓啲哥哥姐姐上運動堂幾開心！
又同佢講第日會有好多老師同佢講故事唱歌仔，好多小朋友一齊玩。
仲有提醒屋企家人朋友千其唔好問佢返學有冇喊，
或者同佢講返學唔使驚！
唔好比佢覺得原來返學等於喊同驚，
應該從正面出發。

呢個家長會比我好大信心間學校會好照顧好關心小朋友，
校長不止一次提及所有事情都會由小朋友角度出發，
家長有任何大小事情都可以同學校溝通。。。
我之前突然間好擔心佢要返學，好少事都擔心會，
好似如果佢入到課室凍咁點呢？
校長話每日做完早操返課室一陣等佢地cool down
老師就會逐個小朋友幫佢著返。
每一點好細微嘅學校老師都會諗到，我即刻放心哂！
之前所擔心嘅應該都冇問題啦!

物品：
白色運動鞋"like" 已經買咗 (冇記錯好似$289 )