N班入學準備~ 家長會 + 運動鞋/校服/白襪

當小檬面試同通知收生結果嘅情況仲歷歷在目嘅時候

N班大作戰 ~ 完結

N班大作戰 ~ 8th interview 終極篇

話咁快又話要開學喇~

星期六學校安排咗個家長會講解一吓學校日常運作／上課安排／

如何協助小朋友適應學校生活等等。。。

仲有本手冊拎返屋企睇

 

其中有一欄問家長, 你能做到嗎?

小朋友第一次返學，好靠父母做好先可以幫小朋友鍾意返學
做父母幫小朋友心理上準備，尤其好黐屋企人嘅小朋友，
好在小檬都算唔黐（個個都跟，哈哈哈）
手冊資料好有用!

小檬 & 小檬媽返學前準備：
我喺之前已經做定呢啲準備架喇~ 
學校收咗佢之後，我就已經教咗佢自己讀邊間學校，
等佢聽到個名都熟識啲。
行過樓下小學就抱佢睇吓啲哥哥姐姐上運動堂幾開心！
又同佢講第日會有好多老師同佢講故事唱歌仔，好多小朋友一齊玩。
仲有提醒屋企家人朋友千其唔好問佢返學有冇喊，
或者同佢講返學唔使驚！
唔好比佢覺得原來返學等於喊同驚，
應該從正面出發。

呢個家長會比我好大信心間學校會好照顧好關心小朋友，
校長不止一次提及所有事情都會由小朋友角度出發，
家長有任何大小事情都可以同學校溝通。。。
我之前突然間好擔心佢要返學，好少事都擔心會，
好似如果佢入到課室凍咁點呢？
校長話每日做完早操返課室一陣等佢地cool down
老師就會逐個小朋友幫佢著返。
每一點好細微嘅學校老師都會諗到，我即刻放心哂！
之前所擔心嘅應該都冇問題啦!

物品：
白色運動鞋"like" 已經買咗 (冇記錯好似$289 )

白襪仔~ 花園街（冇記錯好似＄7對） VS  一田 ($19對 )

 呢對花園街, 試吓好唔好先
再買多兩對一田對比吓

已經執好一個櫃桶全部係返學嘅用品。

  遲啲都要同婆婆姐姐briefing一吓，寫低哂啲校服時間

大個仔嘅小檬校服碌率先睇

仲有啲杯仔，毛巾仔要搵返出嚟，
而家有埋邊班學號就去啱啱整咗姓名貼。

八月頭就有幾日可以陪小朋友返學玩吓，
可以當係一個適應期，
之後八月中就正式返學喇！

嚟緊兩個星期就係調整大家作息時間,  
又要返去我幾廿年前嘅早睡早起喇，
我相信呢點對我嚟講係最難嘅~