開始要準備返學，除咗硬件心理要準備之外，
仲要行動上方都要準備吓。
小檬好早已經識行，但係到佢而家佢都習慣拖住我行，
當然喺人多或者過馬路嚟講係好事，
佢細粒，我成日驚佢自己行比人撞到。
不過開始大我都要比佢多啲自己行
（其實已經好遲，可能我都係太保護佢）
到公園或者冇咩人嘅商場我就會比佢自己行，
而家會成日話自己大個仔，要自己行。
返學會接觸好都唔同嘅老師，同學仔，
好在佢不嬲都好外向，唔怕陌生人，
返學可能好多野要自己做，亦想佢再獨立啲，
多啲訓練吓佢, 最簡單就係買野。
媽咪：要係咪想買呢隻錶錶？
係就要自己叫姐姐攞同比錢
小檬：好
小檬：姐姐，我要錶錶呀，woody buzz
sales姐姐 ：邊到呀？
小檬：果到~
小檬：哩，呢到呀
sales姐姐：係咪呢隻呀？
小檬：係呀
小檬露出勝利笑容
自己比埋錢，攪掂~
小檬真係好醒目, 知道要買咩又知要咩款, 唔會左諗右諗~
回覆刪除之前已經揀定架喇。
刪除一去想買puzzle，但屋企太多（佢超愛puzzle，其實puzzle幾好有得玩訓練手指又可以動腦筋）
勸佢買第樣，終於揀咗錶錶
下次我帶佢去睇相機先
回覆刪除一條龍服務，記得包埋比錢！
刪除照舊攞媽媽張卡 'doot'
刪除小檬好smart! 小檬媽你好有心機~~記得之前你同小檬喺屋企玩買薯條, 因為去M記嗰時M姐姐都聽唔到佢把聲...估唔到咁快而家又識叫姐姐幫手(仲要有對話)又識俾$~~真係大個仔la~~~:D
回覆刪除係呀。。小朋友進步得好快架。遲啲幫我落街買餸喇 =p
刪除小檬叻仔～
回覆刪除多謝靚姐姐
刪除小檬好醒目呀，同埋佢唔會話要買多幾樣!
回覆刪除買一樣佢都已經好滿足，真乖~
呢樣野佢好乖，就算唔買，都唔會扭，會乖乖走
刪除