新春年初二 ~ 小檬魚缸

年初二

到了舅公舅婆屋企拜年，

與焯焯表哥合照

表哥仔好高， 雖然只係三歲，但睇落有三四歲身高，

不過佢爸爸媽媽又唔係好高咋喎～ 

之後返婆婆屋企等表舅父嚟！

見親佢地實有禮物，

呢份係生日禮物~ 

嘩~ 係一個 。。。。。。魚缸呀！！！！！

話明係魚缸，就真係要入水！！

仲有三條電動魚，條尾會擺嚟擺去魚

初時就睇吓睇吓

好快就同佢地打成一片，用手撈魚！！

啲水整到成地濕哂～ 

連件拜年衫鞋仔都都未除得切，已經急不及待咁玩，

終於玩到成身成地濕哂！！

佢仲自己潑啲水落塊面到，

自己笑到傻咗

真係玩得好開心！！

我真係好鍾意佢地買啲我地根本唔會買嘅玩具比小檬！ 

比我地實會驚整濕晒啲地方，好麻煩，

可能表舅父都算喺外國長大，

所以會比以佢地開心為大前提～

不過等表舅父有小朋友之後，

我都會禮尚往來～ 哈哈哈

之後我地就撇低咗小檬去睇金支，

賀歲片輕輕鬆鬆咁笑吓咁啦！

我地四個臨走小檬仲喊到豬頭咁，

梗係啦，啱啱玩到咁高興你地就走哂！