小檬@4Y4M

咁啱今日26號，寫吓小檬先！

小檬@4Y4M

食

叻仔咗好多，食多好多，放學食吓麵包，飲包奶，

夜晚都仲可以食到一大碗飯。

自己進食有進步
爸爸落咗個order，如果有人餵佢，就會鬧邊個，

我/婆婆一拎起匙羹小檬就叫唔好，唔想我哋比人話! 
愛護屋企人

當然有時出街掛住玩，進度都會差少少，唔太差我哋都算

我自己都有餵一兩啖，佢都好緊張話

你會俾爸爸鬧喇~

為鼓勵佢，終於買咗個磅同買咗度高尺！（鼓掌）
一高咗就好開心，好在佢都會在乎，有啲動力鼓勵佢食多啲。

 有進步肯飲返湯，不過只飲番茄薯仔魚湯，都好吖！

有時用其他野利誘佢都會肯飲其他湯兩三啖。

蔬菜水果水水依然好鍾意。

食雪糕／零食等等食兩啖就會話唔食，話係冇益食物
（學校有教分別有益食物／冇益食物）

不過我哋就要跟手尾～

活動能力

學校大肌肉訓練，有玩吓單腳跳，平衡木。。
去公園亦大膽咗，自己玩到消防員條柱sir落嚟。

自理能力

差不多都自己做晒，著衫（扣鈕嘅）著褲（會好努力綁帶）
自己行去we we/poo poo， 
我都開始放心自己坐喺sofa佢自己刷牙，唧牙膏，
不過佢最後都會要求我補刷。

瞓

已經冇瞓到半夜大喊。
不過，就算講完故事臨瞓前都話要去大房瞓一吓（我哋唔瞓都得）
跟住一係爸爸抱佢返自己床，一係我等佢瞓一陣叫佢，
佢就會乖乖朦朦朧朧咁行返去自己床瞓。

都有試過瞓到半叫（應該發夢）
不過都好快攪掂返瞓。

情感發展
前一排多咗一有唔如意嘅事就爆喊發洩，
已經唔係BB，咁大個都咁樣，
令到我同爸爸都好炆憎，都一齊發顛!
學老師建議，叫佢有咩都要喊之前講出嚟。

小朋友小小佻皮梗有，太乖我都驚。
不過小檬都算係乖, 都係一講就聽嘅。

小檬都會關心別人
婆婆話腳痛，都會叫婆婆你小心啲呀~慢慢行呀~
媽咪整到，會問媽咪有冇事呀~
媽咪扮喊或者扁咀，小檬就會行埋嚟攬住叫"媽咪"（憂怨mode)

總括一句
小檬依然係媽咪眼中聰明乖巧嘅小檬~