小檬茶聚＠K1下學期

有日爸爸湊小檬返學，夜晚小檬同我講 

"今日爸爸湊我返學呀，媽咪你都可以架！！"

媽咪個心真係實在一吓。。其實媽咪都好想可以湊你返學

自從轉咗下午班之後，我都已經冇咩機會湊佢返學，

除非啲活動日子，啲生日放假都可以湊吓放學。

尋日係下學期學校茶聚時間，

就諗住安排吓湊小檬返學。。。不過爸爸又唔係香港=___=

於是睇吓舅父得唔得閒，好在舅父返晏，呢段時間OK。

（有時之前果晚放得夜都唔好意思叫佢早起身架！）

叫舅父中午去我屋企接小檬去學校，

我再喺公司出發，喺學校附近會合

Perfect!!

點知舅父仲話嚟接埋我，唔使我lunch時間周圍搵的士

梗係好啦。。更加Perfect! 

真感動！！

有人接媽咪，真係太好喇。。

有個小朋友興奮中！

感恩有個好錫我哋嘅舅父！！ 

媽媽愛錫仔女都算天經地義，

難得舅父都咁錫小檬同我

感恩有個愛錫我哋嘅舅父！！

有時真係會為冇得湊而唔開心（雖然只係送上校車）

不過有時都叫自己唔好focus喺一點而唔開心，

成個畫面都係美好嘅

除咗返工我已經全部時間陪住佢地，好多時間都一齊！

小朋友成長媽咪都要開始放手。。

唔可以永遠躲係喺媽咪身邊。。。

我開始語無倫次！！哈哈

雖然落左車只係短短一段路，不過我哋好珍惜分秒

重質唔重量（自我安慰中）

兩母子一齊嘅時光，永遠都咁開心！

又整蠱做怪~ =p

雖然呢次安排好無聊，特登車小檬出嚟，

為左我湊佢行入去嘅一段路

不過媽咪能夠做的，可以做的

都會為你做！