母親節活動~ family photo shooting @ NT photography

母親節，兩隻豬仔伶住由爸爸晨早走出去買嘅花花俾我


仲有一張小檬前一晚已經拎咗出嚟
話星期日先會俾我嘅母親節咭




好似我呀。。一樣咁靚

媽咪梗係心都甜晒啦！

(其實冇花花我都好開心，爸爸下次唔使買喇！)

有冇發現我呀梅上身？？
因為為咗一陣間嘅活動。。。

其實差不多兩三個月前

已經安排好呢日嘅活動～

 family photo shooting @ NT photography

(佢網站原來好多新相，好靚呀。。真係唔影都睇吓！)

今年婆婆大壽, 都唔知送咩俾佢

（其實真實年齡冇咁大，以前興報細啲搵工做，
anyway，到老咗, 三四年都唔係啲咩）
諗起佢平時都好鍾意影相，於是送輯family photo俾佢，
今次呢個family，唔係淨係我哋一家，連埋婆婆，舅父舅母
希望佢開心吓！

同NT／屋企人夾期果時，大家都冇為意呢日係母親節。。
到四月底先發現係母親節！都好，可以順便一家人和婆婆玩吓

為咗隆重其事，唔想嚇親人，於是搵埋化妝師，務求大家都以靚樣見人！！
衫褲鞋襪一家口都夾過吓，
盡量淺色為主，簡單舒服就得。
喺屋企出發，兩隻豬仔都瞓左。。
估唔到小檬都瞓，
去到吓快就有停車場，妹妹豬就醒小檬仲係瞓緊。
大家先準備好，抱住小檬繼續瞓就出發。

成個四月都落雨，夾到5月都冇想過咁快熱 呼~ 

第一checkpoint到達，唔係草地，係草叢。
眼見好多一隻隻咁，好驚
(好在噴咗莫釘我真係幾得，我哋都冇中招, 妹妹噴舅母果隻就中咗兩粒)

雖然冇太陽曬，不過好焗。

兩個小孩未在狀態，於是婆婆同舅父先影，
到我哋時都未ready，一個啱啱醒，唔鍾意草（啲草好長，好桔）
另一個唔笑，怕NT（唉，熟到爛都突然間咁，真係唔知啲小朋友諗咩）

婆婆最緊張兩粒孫，想同佢兩個影，點知小檬話唔同婆婆影！！
大佬呀。。成家勞師動眾，出錢出力都係想婆婆開心，
婆婆就係想同啲孫仔。我哋影吓靚相，
平時同婆婆friend嘅小檬，唔明點解會無啦啦咁~~ 
擾攘一番之後先肯企喺到影，
叫佢攬住又話唔好！！！

見到咁嘅情況, 爸爸又失控，其實我都有！
我哋好似zootopia啲猛獸咁，
輪流失控。。。到後來啲情況又好啲啲。。
不時吵吵鬧鬧，不過有小朋友大家好快又笑返～

離開草叢好啲，又晏啲，冇咁熱，小檬醒返啲，

舅父哋好有心買左啲bubble俾小朋友，
但其實小朋友只會顧住玩唔會影（婆婆都係要影啲一家人見樣果啲相）
=_____=

影咗差不多三個鐘，玩咗一大輪

終於完成收工喇～

知道我哋係心急人上嘅NT，
梗係送幾張相俾我哋做母親節禮物啦~

好靚呀～ 

呢張未warm up 一個憤怒了，一個變呀愁！！

希望兩隻豬仔其他相有啲笑容啦！

多謝NT
影相又靚，又有耐性，執相又快，
交相又快（呢點要讚多啲先！）

攝影師份工唔易做，
欣賞你嘅堅持，我哋一家會繼續支持你！

ps. 快啲交相！ =p