小檬K1家長日 （下學期）

又到K1下學期的家長日，已經第4次家長日，

已經唔太緊張

今次喺聽吓老師對上咗差不多一年K1小檬嘅評語

了解一吓小檬喺學校嘅情況

首先係班主任。

普通話很普通嘅我，一般對答還可以，

不過到一啲詞語，唔識就真係唔識，

好似開口夾著俐咁，越唔講就越差！

好在如果我講廣東話老師都會明白我，

不過人哋講普通話我就硬係好似應該講返普通先得，

唔係好似冇咩禮貌咁

(不過老師應該情願我講廣東話)

老師給小檬的評語都好正面，好合乎K1小朋友嘅進度。

情緒比較感性，好完美主義，

有事可能會較易喊（吓，唔通似我？）

以我所知之前試過為咗一件事而偷偷喊

（事後問返佢，佢話冇喊，係流眼淚=___=)

老師鼓勵佢喺喊之前要同老師講，

老師講解之後都接受，多咗同老師表達。

普通話識聽識講，起碼日常學校嘅對答都冇問題，已經習慣用句子溝通。

是個有禮貌，自理能力良好，好學，

上堂時很專注，愛閱讀嘅小朋友

英文老師評語：excellent progress

(今次聽到已經冇上學期咁激動)

專注力很強，很sociable，mature，理解能力好高，

好多新遊戲佢都好快明白，

有時會叫佢示範俾其他小朋友睇，be a role model，

老師睇過佢啲閱讀video，話佢好叻，好outstanding。

不過佢成日覺得自己要做一個good boy，

但佢始終都係小朋友，都會有曳嘅時候，

如果被老師見到, 老師一個眼神都會好緊張，好驚。

呢間學校唔會有測驗考試，只會有評估，

之前已經知道結果，媽咪都好滿意。

聽完兩位老師嘅評語，

就覺得小檬就係我細細個讀書時

品學兼優嘅果啲同學仔

由細到大，自己都係中中等等，冇諗過自己個仔係呢種品學兼優型。

我亦唔會太開心得咁快，

小檬仲細，仲有漫漫長路，

而家課程容易，梗係可以好好（我幼稚園都係考第一架！）

不過做媽咪聽到呢啲咁好嘅評語，

唔開心就呃你嘅～ hehe

媽咪都要繼續鼓勵小檬唔可以驕傲，要謙虛學習，

亦要教導小檬學習接受失敗。

小檬都要繼續加油呀～

小檬K1家長日（上學期）