12.05.2016

學校旅行~前傳< 病>

眨下眼又到第一次兩兄妹一齊學校旅行,
真係期待到不得之了!
不過原來好多野都係自己一廂情願,幻想通常都係好美好嘅.....

先好簡單講吓旅行前呢星期我哋嘅情況,
一個字能夠總結到,就係病!
星期六嘅突然返風橫風橫雨轉天氣,
攪到我立即病病哋超級傷風!
小病是福,睇咗醫生休息咗一日。
到星期三都未有好轉,瞓瞓吓教都可以打克痴流鼻水。。
夜晚再去睇醫生。
食完藥,個人都迷迷迷糊糊,
除咗正常呼吸食飯沖涼返工,
其他有建設成同冇建設性嘅野都冇理過!
到星期三半夜,食完藥,
繼續進入迷離境界嘅我,
突然聽到個仔喊!
瞓緊個心都諗點解好似幻聽咁!!

又突然間聽到婆婆叫女呀。。。女~ 
我就即刻成個彈起!
飛過去睇吓發生咩事,
原來小檬嘔!

快手抱起佢出嚟坐好,安撫大喊嘅佢,飲咗啲水坐咗一陣,
問佢仲有冇咩其他唔舒服!
有冇仲想嘔,又話冇。。。。
於是換衫,清潔,換床單!陪佢坐咗一陣,
講吓其他野,個人又好精神,好精靈喎!!
個人好正常,好乖仔,同頭先嘅惡魔上身嘅佢,完全兩個人!
諗住可能食野頂住唔舒服,嘔咗舒服晒,跟住就入返去瞓!

雖然個人眼瞓,但啲醫真係食到好wing,
碌碌吓先瞓得著,突然間聽到又叫我,
過到去冇事發生原來真係自己凝住。

過咗一陣又係咁,今次就真係叫我,原來小檬又嘔!
嘔咗落婆婆床,小檬好生性,仲同婆婆講對不起!
又一次清潔。。。
小檬又係好精靈,話唔想返入去瞓,
驚又嘔落床,唯有同佢喺客廳瞓!

到第二日,完全冇事,於是繼續返學。
堅持唔肯睇醫生嘅小檬到夜晚返到嚟又嘔,又話肚仔好痛,
好在老公可以安排早啲返香港,於是夜媽媽,同小檬睇急症!


醫生好詳細咁檢查小檬。。。撇除咗盲腸炎/腸疊腸/小腸氣。。。
應該係感冒菌作怪。
 同醫生要求,回答已經可以食藥丸i/o 藥水,
應該係成晚最開心嘅一句說話,
因為再唔使同小檬因為食藥水而軟硬兼司,
大吵大鬧,喊苦喊忽都唔肯食而煩惱!

好喇。。。攪咗成晚又食咗藥,
小檬到第二朝都好累,冇咩精神,
連是日outing 都話唔去想留喺屋企瞓,我就知佢真係唔舒服!

請日假等佢好好休息啦,雖然難得一日outing 都冇得去,
不過人生就係咁,唔係樣樣事都盡如人意!
有啲事情唔到人去控制。。。
而第二日係一年一度學校旅行大日子。。

小檬又點呢?

待續。。

p.s.留意病到得返半條人命嘅媽咪經兩晚折騰之後,
繼續準時返工,緊守崗位!
實情眼瞓辛苦到極點!

8 則留言:

  1. 媽媽就係打不死
    同埋做咗媽媽, 病都變咗好奢侈嘅事
    檬媽加油, 好在你兩個仔女都生性又懂事, 咁都係病中一點甜!

    回覆刪除
  2. 媽媽永遠都係最強,病住都要顧咗仔女先...
    TAKE CARE AR~

    回覆刪除
  3. 我地做阿媽既病左都仲係要堅守岡位~ 
    加油!

    回覆刪除
  4. 聽到都心痛。

    做了媽媽就變左無敵………

    回覆刪除
  5. 小檬嘔咁多次真係好唔舒服呀,你哋兩個宜家好返晒未?呢D天要好好保重呀﹗
    媽媽係無得病㗎,我上星期腸胃炎痾同發燒到得返半條人命,依然要同兩隻小魔怪單打獨鬥,大家一齊加油呀﹗

    回覆刪除
    回覆
    1. 而家算好返喇!小朋友病真係怕怕!
      做ftm 又係冇得病!大家真係要保重身體!

      刪除
  6. 我最怕tarebaby病, 因為佢病親我都會病埋.

    小檬嘔幾次的話, 真係病了... 我早兩日都夜晚嘔左次, 不過嘔完就冇野, 好彩...

    我地今年就係因為tarebaby病左, 冇去到學校既旅行, 真係有D可惜呀, 不過有法啦, 去左可能病多兩錢重.

    回覆刪除
    回覆
    1. 你嘔就非同小可喎,有冇睇下醫生?可能又再做媽咪喎⋯⋯

      有時候人生就係咁,有啲機會活動好唔想錯過,但偏偏就係去唔到,都唔可以話太可惜,真如你說,可能去完仲病,身體要緊,玩幾時都有機會!

      刪除