小檬兩歲半喇！！

小檬兩歲半喇！！

好開心呀，因為人地問佢幾大容易講好多
果日教咗佢，改到口話自己兩歲半喇 ~

食同瞓同上個月情況差不多，我諗開始大，都唔會好大變化。

瞓教

要同婆婆, 同爸爸瞓，媽媽變咗16號愛人, 成個月先叫一兩次，

可能平時都會黐住我玩，所以瞓教唔搵我我都唔會唔開心, 

都係暗暗歡喜～

唔知佢係咪見到返學個時間表開始淆，

之前8/9點起身嘅佢, 而家朝早好早起身，

6/7點自己起咗身會走過嚟我地房，自己爬上嚟，”女”落嚟。

食

之前病一病，食完藥冇胃口食野，已經冇咩肉嘅佢仲瘦咗！

好在果排多咗落樓吓玩，放哂電，食多咗野，好返啲，不過都要繼續加油！

食量大咗啲，為咗鼓勵佢食野，零食嘅種類都開始放寬，

好在佢食完零食啲好肯食正餐，唔係都唔會比架

有晚有家朋友上嚟，一齊食未來呀嫂買嘅爆谷，

初時小檬唔肯食，呀豹EE塞落佢個咀，佢見咁多人望住佢，

識唔好意思lur返出嚟，夾硬食咗佢，原來真係大個仔

睇嚟要多搵人上嚟同佢食野喇。

自行如廁

poo poo成功率達99％喇!!!!!!  請鼓掌~ 

自己識叫婆婆poopoo呀。。。之後就坐廁所，

屙完一堆之後都話自己屙咗三舊，仲要全屋人叫勻去睇啲poo poo先安落

（好在B be唔使），之後就係最鍾意嘅沖廁儀式

v v呢。。。都係一路v v一路講，超級唔願意企喺個兜到，

大家都開始冇氣，不如等佢返學先算喇。

活動能力& 小肌肉發展都係咁上下

自理能力

去到C兄屋企，自己除鞋，周圍搵鞋櫃放好。

自己執野，啲書頭頭尾尾要對齊，愛整潔

已經教咗睇車過馬路，而家一到路口就會講" 停低望吓有冇車先"

有日停喺紅綠燈，佢突然同我地講

”紅色唔行得，綠色先行得”

細個果時我一過馬路就教佢，我諗佢已經記得，

而家仲自己表達返出嚟！

trouble 2 ：

冇咩好特別曳（咪講）都算係咁啦，
今日食飯食咗好耐。。。冇啦啦含住啖飯

有時話執玩具就話要玩多一陣。

要開果包餅，開另一包都呃唔到佢, 真係連兩歲半細路都呃唔到

食成餐飯都可以唔扭落地，一齊食飯嘅朋友都讚佢好乖，

媽咪果刻都巧開仙

如果佢一喊，爸爸話最憎人喊，佢就9秒9收聲。
(媽媽點解將trouble 2 演繹成 nice 2 ?)

小檬語錄:

之前咩都係"你" 而家已經識分我
"媽咪呢個係我架" 終於識用個我字
朝早搵我地問婆婆識用'佢地"  佢地"喺邊呀？

好鍾意當我講完野之後問 "媽咪你講咩野？"或者問返爸爸"媽咪講咩野？ "

爸爸車嘅ABC song碟之後係陳奕迅，

小檬問呢個邊個唱架？我答陳奕迅

過兩日，佢又問，媽咪呢個邊個，我話你唔識架，

佢話"唔係，呢個係陳奕迅囉" 仲要加句 "媽咪你都唔記得嘅"=____=

開始識用個多字，之前問佢"幾錢"都係"三錢"，問"幾多"都係"三多"

教咗佢之後識用"好多"
呢兩日仲係咁"唔係喎"真係好好笑

去親poo po婆婆會比電話佢揸住，
成日噤到我張相打比我
同佢講電話真係甜蜜如軟糖~

唔太夠高，論論盡盡，都堅持自己擒上去到頂，
人生路都要如此呀

媽媽返工收到發燒相片，怎會不擔心呢

好返喇，落樓吓拉吓筋先

再做多啲運動～ 騎Rody =p

游水碌

招招積積食吓百力滋

個兜仲大個佢個頭 ＄23 我同媽媽都食唔哂！ 

睇吓加菲貓貓

唔知愛神支箭會射去邊呢?

同我互睥嘅妹妹

好錫我嘅媽媽

 

差咗爸爸嘅合照，因為佢揸機

文章分享。走自己的路 & 現實得過分

走自己的路

現實得過分

謝謝師兄分享，不時的提醒

作者簡介

李卓穎, 精神科專科醫生，在澳洲生活和受訓多年後回港。

在醫學中偏愛精神科，在精神科中偏愛心理分析治療。

相信現今醫藥科技當道的時代，

深入了解人的潛在意識和人際間的千絲萬縷仍然是有意思的。

小檬大任務~ 買玩具

開始要準備返學，除咗硬件心理要準備之外，

仲要行動上方都要準備吓。

小檬好早已經識行，但係到佢而家佢都習慣拖住我行，

當然喺人多或者過馬路嚟講係好事，

佢細粒，我成日驚佢自己行比人撞到。

不過開始大我都要比佢多啲自己行

（其實已經好遲，可能我都係太保護佢）

到公園或者冇咩人嘅商場我就會比佢自己行，

而家會成日話自己大個仔，要自己行。

返學會接觸好都唔同嘅老師，同學仔，

好在佢不嬲都好外向，唔怕陌生人，

返學可能好多野要自己做，亦想佢再獨立啲，

多啲訓練吓佢, 最簡單就係買野。

媽咪：要係咪想買呢隻錶錶？

係就要自己叫姐姐攞同比錢

小檬：好

小檬：姐姐，我要錶錶呀，woody buzz

sales姐姐 ：邊到呀？

小檬：果到~ 

小檬：哩，呢到呀

sales姐姐：係咪呢隻呀？ 

小檬：係呀

小檬露出勝利笑容

自己比埋錢，攪掂~ 

游水水

呢篇blog打咗三次喇，都未出到，

又唔知道點解save唔到～

上兩星期去咗舊鄰居屋苑游水水。

B be件三點式未啱著，拿拿臨去香工買咗件Minnie，

小檬呢套都係香工，兩件加埋百六蚊。

水著全家福

一去到都估到小檬唔肯落水

唯有喺水則邊玩吓比佢warm up

呀妹呢已經比呀朱公公抱咗去玩，不知幾梳干。

呢班舊鄰居已經識咗廿幾年，雖然好多大人睇住，

做媽咪都會心掛掛成日望住。

人地嘅拉叔好叻茶小朋友游水，

佢好有心理機終於氹到小檬比佢抱住去游，

佢地話茶小朋友游水，要爸爸媽媽唔在場先得，

同場另一妹妹，得6歲已經自己游嚟游去，潛上潛落，都係呀拉叔教。

睇嚟下次我都係上返佢地屋企游乾水，唔好睇，

希望可以教識佢，起碼唔好驚落水先啦。

眼見其他小朋友玩水玩得咁開心，我都好想小檬可以大膽啲！

你睇B be個樣已經超級眼瞓

隻眼細咗三倍

姐姐抱住佢瞓咗一陣，

已經用毛巾抹乾，不過我都驚佢凍親。

小熊B be

都係同佢上去沖涼換衫，跟住自己，好快小檬，爸爸都上嚟。

要安排全家嘅沖涼衫褲乾淨污jo毛巾泳衣，真係暈低咁滯。

晚餐時間

拉叔帶咗我地去食私房菜

好好味呀～

個牛乳蝦好好食,有機會可以試吓，位置洪水橋附近

不過要預先訂定架

淘

之前淘開姓名貼又淘吓啲衫仔

NEXT 原單 rmb60

 喺NEXT online 都見到，覺得幾靚，

不過小檬仲有件馬仔未著，唔想再買

（睇返先記得原來果件馬仔千幾，果次VIP sale 好似半價再七折先買，

都要成七舊水，不過果一刻好似中咗邪咁買，

女人就係咁架喇）

今次見到原單就試吓啦，果然係原單quality好好，

好啱身, 遲啲返學如果返風都有件風褸仔著吓。

仲有啲褲仔比B be，有啲著裙冇連褲仔，就啱哂
rmb6.5@

多謝妹豬媽教路。

見買開又買咗呢套睡衣，SANRIO hello kitty，

不過應該三歲先啱喇！

仲有呢件乾濕褸仔，成日喺Zara見到，不過覺得貴，唔捨得買。

不過唔係淘, 喺公司附近啲上樓舖

日本牌子oshkosh 童裝 HKD150

要等一兩歲先啱著，

呢啲長青款，啱價錢可以買定！

學生相

家長會之後先知道原來要交著校服嘅學生相，

仲要湊小檬嘅婆婆，姐姐同我都要交相。

諗過去快和美，不過真係唔知到時小檬唔肯坐會點。。

終於膽敢問問NT哥哥。

哥哥雖然生病，不過都一口答應，為免佢要食完藥揸車，

於是我地成家人去佢屋企影～

唔想傳染我地，仲要帶住口罩開工，真係辛苦哂！

先影小檬，因為佢果張一定要得，其他二打六唔得都冇所謂。

影咗兩三張已經唔得要走人，勉強都揀到嘅，

不過想要再好啲，於是再試, 已經全部違反哂平時嘅規則，

賣哂大包用電話呀，ipad 呀，去麥當勞呀，買玩具，

咩都招數都出齊去氹佢坐好，佢都唔就範。

算，先影婆婆，姐姐同我，冇難度啦，之後B be，

同未識坐嘅BB影都幾難，佢好緊張，已經托住佢條腰，

不過佢都好驚，冇表情，唔喊都偷笑，仲話想佢笑。

到返小檬，再嚟多round，引到佢笑喇，

不過全部唔正面。放棄。

橫掂影開，影埋恤衫，點知都係唔得

再影已經發脾4，走咗去。。。

算啦，反正都未必有用

睇相喇

小檬

B be

NG ~ 

其實好鍾意呢4張

點解咁憂怨？

B be個樣幾緊張

塊面好快大過張相喇

至於媽咪果張都OK好嘅，不過就冇謂獻醜喇

很感激，在生命中遇到的大部分人也對我好好。

這位萍水相逢的攝影C哥哥也對我一家也超級好。

可能是緣份啦～感激遇見你。

做長輩嘅我臨走梗係收埋封利是等佢搵吓啦～

B be @ 5Months

B be 5個月喇~ 

食

朝早起身，應該好肚餓，唔知道點解佢冇咩意欲想食，

喺到玩玩吓，佢可能係黎明啲fans唔鍾意空肚食早餐！

其實唔止第一餐奶，已經隔4個鐘應該夠時間肚餓食嘅都唔係好食，

初時就用條俐玩吓玩吓，如果我地再進攻（塞落佢個口）

佢就用手推開個奶樽，之後就梗係發脾4啦。。好煩，

如果我地湊就唔理佢，佢肚餓就自然食，但係太耐都唔忍心，又會試吓餵，

唔知係咪厭奶呢？定係想減肥？佢食之前點都要角力一吓，

所以，帶佢出街最麻煩就係食奶!

瞓

夜晚食完最後一餐奶就瞓，唔知點解有時都要扭吓，好曳，

通常姐姐或者婆婆出馬就好快攪掂，我同爸爸就係次選。我都唔係咁介意，

最緊要快啲乖乖瞓就得。

唔係吋，之前真係唔知咩係扭眼瞓，小檬真係冇咩試過，

而家呀妹就還返比我, 如果眼瞓要坐car seat 就喊得仲利害！

之前都好好地一教瞓到大天光，呢兩晚就一兩點自己起咗身，

喺到食手，之前就喊。

尋晚我好叻，氹返佢瞓不過都已經攪咗成個鐘。。

媽咪好眼瞓呀zzzzzzz

朝早起身會自己講野，講好耐，我地盡量以靜制動，

等佢講夠先抱佢（其實我地想瞓多一陣）

姐姐如果聽到佢嘈就會入嚟抱佢，

有時就瞓到九點幾十點。

之前成日陪咗小檬，攪到啱啱開始認人嘅B be好似唔係好識我，

即刻快啲攪返好啲關係，有得抱就抱，盡量喺佢在前出現，

不停咁講野，經過一番努力，終於一見到我都會笑喇！請鼓掌

鍾意人抱，有時坐得耐BB車就要人抱吓，喺屋企都幾好，

自己坐吓highchair，有人睇住就落地墊玩，

已經撐兩步，成個好似時咁打圈

訖起pat pat就想向前

同佢玩都玩到卡卡聲, 唔知係咪肥呢，

大部分時間個樣都係好似隻懵豬咁。。哈哈。

成日比啲攝影C話佢得一號表情，

其實佢已經好努力，

開始有no 2同no 3架喇。

希望到時啲攝影師會滿意啦。

檬豬眼嘅BB

錫到佢燶嘅婆婆

姐姐同佢玩得好開心

媽媽嘅好朋友Melody，而家介紹咗比我識　　

媽咪話有時性感一吓都可以

 想爬

啲頭髮攣攣，似爸爸媽媽（媽咪細個頭髮攣㗎）

媽咪最愛我同自拍，話會自動顯瘦

我其實都有啲小姐脾氣，

不過媽咪話就係個個錫哂先唔比我做溫室小花,

亦唔鍾意叫我做小公主

多謝Daddy同事啲Carter辦，媽咪又慳返啲

婆婆得姐姐得閒就會同我落樓吓散步，

好多婆婆EE嚟撩我，話我黑黑實實喎（真係比佢地激C）

(唔知道點解佢隻腳真係黑過個面，成日比人問係咪去游水)

媽咪加咗帶，驚我跌落嚟

雖然我比哥哥cool，但係有時都笑得好開心㗎

同哥哥傾計

Daddy's Little Girl

Mami Sweetheart

my happy family