N班~返學體驗日（day4＆5）

上星期好順利嘅三日試學，估唔到今星期。。。

星期一朝早，已經冇迫佢，氹佢氹到口水乾都喺張床到唔肯起身。

唔起身都不突止，好快就爆喊，發咗顛咁喊，

好叻咁換咗片，著咗條褲（係我好叻）

就C都唔肯著件衫，佢話要著返件瞓教衫，巔咗咁喊，

好似驅魔人咁扭來扭去

(有記錄以來嘅第二次，第一次係我生緊B be，爸爸帶佢去N班interview)

要我抱，話爸爸同佢去佢就好似樹熊咁攬住我。

果一刻已經差不多要出門口，我就仲係睡衣黑眼圈未換衫梳洗。

（原本淨係爸爸同佢去，我就返工可以遲少少出門）

終於我就用五分鐘時間攪掂哂同佢一齊出門口。

但係佢都係未肯著件衫，黑鞋著得一隻。。。

未冷靜到，喺架lift到仲喊緊，

成lift人望住佢，我都唔知講咩喇

上到車冷靜咗啲，我就話好凍，

要著返件衫先，佢又巔過。。。

比佢食咗粒糖唔理佢

(冇早餐仲要食糖，可想而知情況幾咁嚴峻) 

情況好少少，

開行冷氣我話唔著衫就凍親要睇醫生食藥水，佢就肯著，

再比佢睇吓鞋仔裡面嘅巴C貼紙，又著埋對鞋

不停提住學校啲開心野

去到學校門口先個唔同哂，

好似搵返初戀~眼神幾咁閃爍。。。

有邊個估到呢個天真爛漫笑容滿面嘅小朋友

喺十分鐘之前係驅魔人上身？？

freetime時候請教老師，如果之後遇到呢個情況，

應該唔應該夾硬同佢著衫?! 我估都應該唔好，唔想佢驚咗

老師話件校服，可以放入書包，返到嚟等老師同佢著。

老師都捉住小檬話要著居住呢件校服先可以玩sir滑梯。

小檬對眼係冇離開過條滑梯嘅

希望之後冇咁嘅情況，如果唔係我真係暈低！！

至於今日。。。就因為大家都遲咗起身趕唔切，

於是放棄, 等正式開學~

（唉。。。估唔到我地大家都衰係眼瞓度
而家試返未到正式返學日日早起身已經好眼瞓，

到正式開學之後睇吓我地點算！！！）

未開始已經覺得好累。。。

我，真係要加油呀！！！

N班~返學體驗日（day2＆3）

今個星期一連三日體驗返學完哂，都算好順利。

Day 1    7:45被摷起身

    Day 2    7點已經自己醒 

Day 3    7:45被摷起身

雖然被摷醒冇扭計，不過未有mood食早餐，
已經趕時間，真係唔可以慢慢等佢食，

都係返45分鐘，唯有比包奶佢揸住飲吓就算，

不過遲啲正式返學就真係要食，唔係實肚餓！（唔知點好，頭痛中）

free time 之後clean up歌播放就自己拍手執野， 

之後就跟住去排隊洗水同V V

（第二日我比佢自己跟老師入去，每人都會去吓V V，

不過我就唔知佢有冇V到，因為眼見都好混亂@ @）

上堂全程冇搵過或者望我一眼，乖乖自己坐，

老師叫起身唱歌仔都有郁，見到佢係開心，
不過又唔會自己笑出嚟, 好似有啲怕醜咁笑。

第二。三日開始試吓著校服，
點知真係趕得滯將條褲前後面調轉咗著。。。

Wahaha ~ 好在唔係好覺～ 

呢兩晚臨瞓問佢同老師小朋友玩好冇，
佢都好開心話好，都同佢講番幼稚嘅情況，
佢都聽得好開心，好有興趣，自己又講埋一份。

到下星期先再試返學。

呢兩日終於可以休息吓喇。。。我！！

日日咁早起身，我實在好眼瞓呀

Zzz Zzz Zzz Zzz Zzz Zzz 

唔知聽朝會唔會要叫返學呢??

N班~返學體驗日

今朝晨咁早就起身，好在尋晚已經執好哂野，

因為B be同姐姐都要一齊出埋去，所以時間又要預多啲。

小檬尋晚都未喺好早瞓，好在七點幾比我地摷醒佢都冇咩發脾4。

順利準時到學校，入到去，free play 時間，小檬周圍玩。。。

我初頭陪住佢玩，等佢熟悉左環境之後我就企喺則邊等佢自己玩.

 因為要趁呢個機會比佢自己獨立喺呢到玩，

小朋友之間嘅推推跌跌我都冇理，我相信好快佢地都要自己解決。

佢玩玩吓都會返嚟搵吓我，又好快走返出去。。。

老師喺呢個時候都走嚟同啲小朋友混熟。個個都叫佢Mr Happy! 

夠鐘要排隊喇，小檬都好乖自己排，洗完手之後就入課室。

課室情況，比我想像中平靜，只係有一位小朋友喊，

一位唔係好肯坐定，一個自己走出位，

其他都算係乖乖咁坐喺到。小檬係其中一個。

小朋友圍圈坐，父母就企喺後面，老師開始同小朋友玩遊戲。

有個傳波波遊戲，到小檬手上，佢都有講自己個名，不過就好細聲。

之後唱吓歌，玩吓遊戲大約15分鐘好快過。

返完學，小檬都好開心, 算係一個好嘅開始！ =)

不過到真係返學冇媽咪喺身邊嘅第一日，我估佢都會搵我

之後係~ 喊 ...嗚嗚嗚嗚嗚 

小檬~第一次睇戲

小檬喺屋企都有睇吓卡通片，最鍾意就係反斗奇兵，

唔想佢習慣睇，只係偶然嘅星期六日先有得睇，

佢都可以坐定定睇，不過有時都會走咗去玩吓東玩吓西。

見有暑假卡通片比小朋友睇，於是都諗住帶佢試吓，最多就睇一半走人，

初頭都有諗過睇迪士尼嘅飛機，好在多得明燈田鼠媽指引，

我地揀咗多啦A夢（要配合劇情改口！）

在此謝過田鼠媽

買咗票，影張相留念先

第一次睇戲

多啦A夢:新大雄的大魔境-柏高與5人之探險隊》

買咗兩張大人票，我們兩個都唔大隻，兒童倚可以放喺我地兩個中間，

不過佢坐咗都唔係好夠高睇哂全個銀幕，

於是我都係抱住佢坐側邊，睇得仲清楚！

喺屋企息咗燈都冇問題，不過嚟到戲院驚佢驚。。。

全場都係小朋友而佢把聲好細，不過驚佢太興奮不停講野會嘈住人。。。

驚佢唔肯坐咁耐會叫走。。。

不過以上擔心都係多餘，我地順利睇哂全套戲！

佢好安靜留心睇戲，偶然望吓其他哥哥笑，

都有問吓我呢個人咩嚟之類嘅問題，

好在答一句就冇追問，自己乖乖睇，由於呢套係大冒險，

所以都有好多驚險情節，佢都睇得好投入，

揸緊我隻手一齊緊張。

又有小朋友熟悉啲動物，會叫動物啲名

1小時49分鐘冇悶場嘅戲好快過，

到尾後大團圓唱歌佢仲一齊拍手添~ 

咁開心我梗係一齊啦～ =D

返到屋企就不停講睇多啦A夢同隻白色狗狗

好開心第一嘅睇戲經驗都算好好！

肥妹豬~

B be 出世之後好多花名~

包包，妹妹豬，妹豬，小豬，
肥妹，肥妹豬。。

前兩日婆婆已經同我講，哥哥成日同肥妹豬兩個玩得好開心

先晚臨瞓，肥妹豬瞓咗喺地墊，小檬就同肥妹豬玩，

呢隻肥妹豬同小檬哥哥玩，

笑到卡卡聲~ 

希望之後都係咁啦~ 

分離小測試

除咗小學同學一家同我地同一座之外，

原來又有另一師兄都係呢座。

世界真係細。佢和女友喺FB見到B be就要同佢玩吓，

上星期我地夜晚食完飯去咗佢地屋企玩。好方便，搭程lift就到。

果晚B be可能去陌生地方見到陌生人，

唔使五分鐘就大喊要走人，

哥哥一貫作風，有得玩有得食，冇有怕！

尋晚，師兄師姐(女友又係師姐)買咗禮物比佢地，嚟咗同我地玩。

今次主場，B be表現好好多。

小檬一直都未試過去人地屋企而我地唔喺到，

玩咗一陣，我就提議不如放小檬去佢地屋企，

見咁近，接返都容易啲

睇吓冇我地喺身邊就爆喊。

出門口之前都同小檬講，去哥哥姐姐屋企玩好冇？

 我地唔去架，佢都話好。。。。

點知一出門口見我地唔係一齊就即刻爆叫喊，

話要媽咪婆婆妹妹姐姐全部一齊去!!!!!!!!

（好似皇帝出巡咁）

結果我就陪佢落去，入到屋企，坐低之後哥哥就攞雪糕比佢

我就話我唔記得帶鎖匙，要返去攞

眼裡只見到雪糕嘅小檬就話好，我再話好快返，佢又話好，

語氣已經好似話"得喇得喇你去啦唔好咁長氣。。。"

（唉冇心干）

偷影

雖然話搭程lift就到，但為免行嚟行去，

我哩咗入呀狗狗波子果竇到，再關埋廚房門，扮走咗。

好在有電話喺手，唔係我就悶C。

我好似啲工人姐姐咁坐喺張凳仔到，感吓手機，

聽到佢地喺出面玩到嘻嘻哈哈

自己就一個喺到焗汗。。。情況好妻涼。

連波子到要走出廳唔陪我。。。嗚嗚

(我都知道自己一個喺廚房好慘，所以平時工人姐姐做完野

我都會叫佢坐出嚟一齊同啲小朋友玩，或者睇吓忠奸人。)

冇熟人，同只見得兩次面嘅哥哥姐姐一齊，究竟得唔得呢？ 

會唔會搵我呢？

有跟開小檬嘅朋友應該知佢喺親善大使，友誼先生，

所以係冇問題嘅, 一次d都冇搵過我!!

差不多半個鐘，我就嚟頂唔住熱C

於是我坐返出嚟大門走廊

見佢地都玩得好開心

姐姐好有心機同小朋友玩

小檬喺塊鏡到見到我，

好在仲會走過嚟叫我媽咪～ 

臨走小檬咩返袋仔（扮書包）

叫姐姐扮老師，要小檬同老師bye bye

雖然到時返學情況好唔同，

不過總算係小檬一個小小嘅試驗吖。

下星期再試過，不過我點都要返番上屋企，

唔再焗汗！

Chef Mickey

兩歲半～咁啱星期六就諗住同佢去玩吓。

outdoor 太熱喇，我地唔溶，B be都溶。

最初係disney 酒店tea，但就表舅父地時間，

最後走咗去Chef Mickey 食buffet

分兩個時段

5:30 ~7:30

8:00 ~10:00

揀咗第一時段, 第二個太夜喇~

網上download coupon 可減＄80

 =$438-$80=$358 per head 

不過時間都係短得滯

我諗大部分去的都係有小朋友，所以去到餐廳

已經set 好哂啲小朋友high chair同食具。

我其實唔太好buffet，啲甜品就啱哂啲小朋友，

差不多樣樣都有mickey或者minnie樣。

其他食物都OK啦。（我嘅standard =D)

最好玩嘅就係自己斟雪糕。已經冇手影相

淨係得幾張

wiht GiGi MoMo

錫到燶哂

B be都食飽，肚仔叮起

扮自己坐

mickey會喺咁上下時間出嚟，

每檯可以出去同佢影相。

小檬見到佢好興奮呀～

Mickey 我透唔到氣呀~

從呢幾張相中，我有理由相信佢係由女仔扮嘅。

小檬都想走喇，佢都唔肯放手。。。。

 B be就好惶恐喇

唔使兩秒就爆喊。

餐廳攝影師影嘅全家福影得算好好

喺啲魔鬼慫恿之下又買咗喇！

返到屋企食吓蛋糕，本來都冇諗住買，但見個西瓜蛋糕好靚，

想試吓，點知賣哂，唯有試miffy 兔，都OK，好清唔太甜～

一坐低影吓相就臣條俐lam吓

繼而咬一啖

Yummy~

自己拍手唱歌

見到個仔開心就最滿足！

下次就係三歲先食蛋糕慶祝喇~