中秋+追月

放完假喇！

中秋有半天假，食完Lunch，行咗陣街就早d去食早中秋飯，去到小檬仲瞓緊，

咁啱㗎車條漏漏哋氣，老公喺停車場整埋先，

我就抱小檬去先，雖然短短路程小檬都唔係重，但抱完都好似好吃力！

食完飯就喺圓方上面嘅公園玩一陣，果到好熱鬧，

好多小朋友，又有好多踩單車之類，所以都係行咗一陣就走人！

果日月光真係好圓，仲教咗小檬今晚係睇Moon添！ 

追月夜

約咗班朋友到屋企附近嘅沙灘追月

契仔女一家先到我家集合，小檬好鍾意見到哥哥同姐姐，

叫佢同Wayne Wayne 哥哥影相，佢就攬住佢唔放

攬到佢個頭扁哂

之後大家到酒樓食飯，好快食飽嘅小檬又要扭落地地，

帶被佢嘅玩具已經唔玩，好在有個叉電器，可以頂到走。

 食完飯就去行去沙灘，只係需要十分鐘，好方便，

重開之後都未嚟過，原來係超靚景！ 

好友+靚景~真高興！

 

(有冇留意我帶埋張凳仔嚟坐，舒服啲！)

我教咗小檬今晚嚟睇Moon，佢就識指上天。 

我咩蠟燭都冇買，諗住小檬都未可以玩，

好在朋友們有準備

小檬都係第一次同啲火咁近距離

成班好似發現新大陸咁。

我攞咗對蟲蟲鞋比小檬諗住喺沙灘方便啲，

點知佢唔鍾意啲沙黐住佢隻腳，佢話好dirty

我冇諗過佢係潔癖成咁，隻手禁住起身又唔鍾意啲沙，

喺咁e e e e e 聲，真係冇佢辦法，唯有又著返對鞋先肯落地玩！

賞月梗唔少得生果月餅。。。 

全家福

玩到咁上下，

水開始漲，我地都撤退返屋企喇。 

Trevor 哥哥好鍾意小檬，話要拖住佢行

上返屋企食朋友送嘅雪糕月餅。

我就有得睇，冇得食啦 

臨走小檬又同妹妹姐姐影吓相。 

人哋唔望就擰人個頭望鏡頭

臨走Trevor哥哥走左過嚟錫咗我個肚一啖，哈哈，

佢真係好可愛，好鍾意BB。

開開心心又一晚！