小檬剪髮~大成功！

小檬頭髮長得好快，今個星期先得閒同佢去姐姐到 

去之前我同佢講話今日去姐姐到食薯條，同睇Ipad，佢就話好（聽住先） 

去到商場扶手電梯又認得，已經話驚驚！ 

我話而家我地去食食薯條，同睇Ipad，唔使驚！ 

買完薯條喺門口企咗一陣先有位坐，姐姐都話唔好一入嚟就即刻剪，

等佢覺得唔係入嚟唔係淨係剪頭髮。

於是，坐低就著咗帶嚟嘅ikea美勞圍裙，開住Ipad，食住薯條！

 到姐姐嚟到佢認得就開始嗌，不過我好快引開佢注意力，

同佢講話睇mickey啦！

（同周星星睇喊片分散注意力一樣！）

再用薯條點茄汁，佢好鍾意食茄汁，有時淨係lam咗啲茄汁就算，有時就成條食。

已經不停同佢掃, 不過都係成面頭髮碎，

好在都冇叫過，係喺隻手就叫咗兩聲，佢都好唔鍾意污jo

就係呢兩樣攻勢，今次就全程任剪，取得大成功！！

姐姐都好開心，唔使次次都做衰人，整喊佢，

梗係啦，平時冇咁好招待架

基本上今次係第二次食薯條，上一次都係為咗剪頭髮 

次次姐姐都唔收我地錢，不過我都識做，

入返啲零用錢比姐姐隻鴨仔錢 

剪完後，我問佢邊個係豬仔頭，

佢好叻咁指住自己。。哈哈