又迪~尼呀

@21/09 舅父朋友就離職迪士尼，於是有幸趁最後機會享受免費迪士尼一日遊。

12時先到，因要就朋友上班時間，所以我們入到去第一時間係。。。shopping！！ 

點解咁心急？因為朋友買嘢可以用staff px 六五折， 趁她未回工作崗位就要先買。 

今次入嚟都諗住係hea吓買吓野，而家仲要有折，

即刻進入女士最興奮嘅狀態，立即大肆搜掠！

又唔可以慢慢喎。。人地等住我地。 

於是喺唔係好理智嘅情況吓買咗幾樣野。（其實買咁少都好理智架喇。。。哈） 

跟住就去醫肚。食左一陣，好快小檬就要地地，於是老公就帶小檬出去行行。 

返嚟居然拎住呢個氣球。。。。。 

大家知道唔知道佢價值幾錢？ 

我地話咁貴都買？？？？？

佢話小檬見到喺咁叫minnie，個賣汽球姐姐又同小檬玩（其實唔知同邊個玩呢）

所以就買比佢。 

小檬仲未識lur住要買野，睇一陣話Byebye都冇問題嘅。。。

相信今次爸爸咁貴都買係因為佢想快啲返嚟食野。。。。哈哈哈

（等我下次去廣東道又喺咁叫channel呀。。。 pride 呀。。睇吓可以唔可以lur到啲野返嚟先）

 拖拖手拍拖去 

食完都係點幾，開始有啲雨，拿拿臨喺城堡面前影吓

點知突然bomb 一聲，嚇到小檬即刻攬住我話驚驚，唔好話佢，我都嚇一跳，我要為係試煙花，點知同我影緊相嘅家人一齊話閃電呀。。。。

原來呢日有雷暴警告，好在又未落出雨。

繼續前行，呢日唔多人，我諗係係因為有雷暴警告，啲機動遊戲又唔開，

夜晚又有花花銀行攪包場玩南瓜節。所以啲大陸團又少咗。 

行到去反斗奇兵間shop出面就落大雨。好在我地早一步，小檬又趁呢個時候瞓咗，我都去坐低食野休息一吓，等佢眠一眠。

等舅父地玩space mountain行吓影吓相

玩下造金幣

喐〜

用八達通真係唔覺比咗錢，好危險！

揀邊個呢？

整好喇！

e e e e e 笑緊喎！

玩咗winnie the pooh 車車，小檬一坐都係驚驚，入到去有野睇就冇事 ；

行到去大街又見到米奇pancake，於是又坐低食吓。 

最後去咗學畫米奇，小檬應該係最細嘅學生，坐又唔夠高

 

企又危險。 

本來諗住捉住佢隻手畫，但佢只係亂畫 

結果就係我學

小檬: 畫完未？都唔多似喎

 隻老鼠點呀？ 會唔會似咗貓呀？ 

臨走出面又落雨，於是又叫朋友露面攞折，又再買！ 

是日收穫 

爸爸同我都有份

仲有個巴C飛玩具喺婆婆屋企

大住肚行迪士尼都唔算辛苦，一來個肚未好大，二來唔多人，三來都成日坐下,不過如果唔係免費我都唔會自己入嚟！

返到嚟Minnie就霸咗黎坐！

Ps舅父冇計我買野嘅錢，真係又食又拎！嘻嘻！ 記得估吓minnie幾錢呀？