6.19.2015

妹妹豬@16M

Happy 16 Months~
 

歲幾BB嘅進步真係可以話係以日計。
每日都好似有啲唔同,今日月嘅妹妹豬係點呢?

都係差不多,正如之前的愛吃的妹妹真可愛viedo已經說明
佢鍾意筆,唔肯比我地餵!
雖然攪到周圍到係,不過都會盡量比佢自己食。
感恩都係同哥哥一樣鍾意飲水,比哥哥好嘅係仲鍾意食湯!
超級愛食水果,婆婆試過整緊提子比佢,先比一粒佢,
點知唔肯,要成兜自己筆!
食麵包搣細細舊唔鍾意,要大舊大舊自己用牙仔扯開。
自小已經唔同意"小吃多滋味" 呢個道理


 一日一晏教,有時仲要瞓得好少,半個鐘都試過!!
呢方面小檬哥哥就強好多,瞓兩三個鐘是等閒事。

活動能力

跑到兩步,不過唔多穩

認知能力
會要求我地坐喺側邊陪佢,會拍拍地下,示意我地坐。
有次哥哥瞓緊教,問佢哥哥呢,以為佢會申吓兩隻手話冇,
點知佢而家識話哥哥瞓緊教(用手放喺頭到示意)
食完野,會自己攞碗去廚房比姐姐,著完衫,會要入廁所話照鏡。
一意識到我地要出街呢,就自己走去著鞋,
跟住孭袋仔,有時要孭背囊,又時斜孭袋仔。
weekday知我就出門口會攬住我腳唔放,知道我要返工。
(小檬果時話知你,放係婆婆屋企有得玩就得)
女仔真係癡身好多,或者小檬太早獨立!

說話能力

比,係,唔係,唔要,好,bomb(跌落嚟嘅聲音)
點唱peppa pig呀?會自己唱,有音域嘅
自己唱歌,lalala  oh~ (跟迪士尼碟唱)

雖然兩個大部分時間都係和平相處,
不過都有爭吓玩具嘅情況,
或者妹妹想要某一樣野,妹妹好容易一唔比就發脾氣
走去搵張檯拍檯!!!!或者扔毛公仔!!!!
之後就梗係大喊啦!!!!點攪呀????
 邊到學返架???我地通常唔會理佢
連小檬都識講 "唔好理佢~ " 

講完曳野,講吓佢嘅可愛喇。。可能女仔真係天生貪靚,
拎條裙出嚟比佢著,佢一見到會"嘩"一聲
見到我搽護膚品就眼定定,跟住就要嚟攞一支支搽,
求其比樣野打發佢係唔得嘅, 攞咗之後又要開,
用手指點,之後搽!!! 
真係好似識咁。直到現時為止,
已經有一支潤唇糕/一支唇膏報銷!!
見佢咁鍾意,攞個舊嘅樽放啲cream比佢,
佢開心到係咁自己搽



啲朋友話梗係學咗搽,其實我好懶,
買咗body lotion 都冇咩點搽,
不過我諗扮靚嘅野,唔係好使教。

雖然有少少脾氣,不過妹妹豬都係好樂天好開心好可愛嘅BB,
希望大啲喺我指導吓脾氣可以改善吓啦!!


魔鏡~ 魔鏡~ 邊個最靚?? 


和妹妹自拍之自動瘦面功能 ` 美圖瘦瘦

RB粥粥大整蠱,送架吸塵機比我

一日喺屋企就咩袋
或者著鞋

媽媽返工前都會提早同我落去玩吓

同婆婆落街,幫手買餸

返上嚟,又忙住打掃  

my sweetheart 

香車美人

 孖辨妹出場

第二剪髮,媽媽唔敢剪,都係交比妹妹姐姐

食住野,點剪都冇所謂

冇咩變嘅完成圖(其實只係後面修齊)


小檬哥哥病左瞓緊,媽媽就帶我落樓下威



大熱天時飲下水水最消暑


拎返啲裙仔出嚟試吓衫。。我就嘩嘩聲 

仲要孭埋呢個袋。。。妹妹豬應該係除ho縈啲friend
(妹,下次著返對鞋梳吓個頭啦)

不經不覺,已經好似大個女
 

13 則留言:

  1. 妹妹真係好得意好可愛呀... ^^

    回覆刪除
  2. 妹妹真係大個左好多, 亦長高同瘦左

    回覆刪除
  3. HI! 我囡囡好鍾意minnie架~ 請問minnie吸塵機係邊度買?

    回覆刪除
    回覆
    1. 朋友公司啲貨辦嚟架。。我都有見到啲minnie家庭電器玩具喺啲吉吉島到賣。

      刪除
  4. 咁識生架,大極都咁得意!

    想問下,你牆上面認知卡,自己整定買架?

    回覆刪除
    回覆
    1. 認字卡學校派架,我黐個A4 folder 喺牆,放啲咭入去之嘛

      刪除
  5. 真係大個女啦!揹手袋果幅相好白領儷人呀 ^^
    妹妹鐘意自己畢野食又鐘意飲水,真係好難得呀,好乖乖!

    回覆刪除
  6. 鐘意食野既小朋友,係最可愛。

    回覆刪除
  7. 好有靚模FEEL。XD

    回覆刪除
  8. 除ho縈啲friend..好得意, 女仔真係好可愛呀

    回覆刪除
    回覆
    1. 女仔真係天生貪靚,唔使教
      係屋企不停自己咩袋,著鞋,搽cream,見我化妝眼定定

      刪除
  9. 鍾意食野的BB太好湊~仲要咁鬼可愛!

    回覆刪除
    回覆
    1. 木木都好可愛呀。。好想快啲見到佢

      刪除