3.21.2016

故事爸媽{2} @K1

又到故事爸媽時間
好在喺食飯時間都唔使請假,
不過就犧牲咗食飯時間,
求其買件三文治就算。

冇同小檬講我去講故事,
不過個呢個小朋友都估到。

今次道具部分手足唔得閒,
於是一個攪掂晒。

雖然都唔係第一次, 又只係對住啲小朋友,
今次有啲緊張。

小檬拖住我入去之後就開始

揀咗屋企呢本
看,脫光光! 

故事由一隻獅子開始。。。

首先問吓小朋友呢隻咩嚟。。。
小朋友答"獅子"

o殊。。。聽吓邊個講野。。
原來有把女人聲叫獅子


"除衫,剝光豬呀!!"


預先copy一份一樣嘅遮住,保持神秘


跟住又叫吓小朋友幫手揭開除衫, 睇吓變咗咩野

原來係一隻熊仔


獅子只係件衫


文字有講小朋友除衫比較容易,著衫就比較難
順勢問下小朋友識唔識著

著咗衫嘅熊bear bear又繼續除衫




再請小朋友幫手揭開

見到冇著衫,又著住底褲仔,笑到佢地碌喺到

除埋襪,最後就係底褲仔啦!


小朋友見打到冇著衫,底褲仔就笑到收唔到聲

以為除到最後最後,點知又扮把女人聲叫熊bear bear除剝光豬。

熊bearbear一除

原來最後係一個小朋友扮嘅

特燈整條底褲仔佢地除,開心啲

小檬幫手除


到最後,講返其實呢隻獅子/熊仔都係呢個小朋友扮,
小朋友到黃昏玩到興高采烈嘅時候往往都唔肯去仲涼同食飯,

教導小朋友有啲事情一定要做嘅,
與其扭計喊唔肯去做,
倒不如開開心心去完成,盡快完成,做完再玩。

最後仲用啲公仔演繹一次小朋友扮熊仔,之後再著衫,再著獅子衫






小朋友扮熊仔

之後再著衫

再著獅子衫

        講完喇。。老師會邀請小朋友同媽咪合照!

喺媽咪講故事時,
笑得最大聲嘅係小檬,舉手最快係小檬!

多謝小檬!!
   

3 則留言:

  1. 小檬永遠係媽咪嘅頭號粉絲,好sweet呀﹗

    回覆刪除
  2. 檬媽你每次都好有心機預備講故事既野, 學校實好開心有你呢位咁幫忙既媽媽~ 同埋呢D機會真係唔係間間學校都有呀~

    回覆刪除
  3. 好好心機呀你!

    回覆刪除