5.17.2016

香港公園遊

星期六出外走走,去左好耐冇去嘅香港公園,
呢度泊車唔方便,
附近商場食野買野貴,實在冇咩太多原因吸引我哋走過嚟
不過見好耐未嚟過,就嚟行吓。

原本諗住食麥當當,不過原來已經執左唔知幾多年,
間間都貴冇左food court
求其食咗個車仔麵,不過係貴版嘅車仔麵,
如果食貴野係好食/有裝修/services好…都算,
呢碗車仔麵,兩個普通餸都要$75。啲餸普通到唔普通,仲要自助買飛,
其實同一間快餐店冇咩分別。
唔係啲小朋友要食野,我都情願餓一陣。。。

食完就出發
一到步攪咗咁耐妹妹又開始眼瞓
(又換衫。。出門口。。揸車。。食野。。)
影張相到此一遊又唔肯,大左真係多意見。

有時影呢啲相可以用到學校嘅show and tell,
於是一叫小檬影佢都會好合作

入公園,小檬會先睇地圖

睇吓有咩sign,搵下children playgroud 喺邊。

一行入去,見返N年前嚟過嘅水簾,
我有印象之前嚟係中五,
真係遠古年代。

啲小朋友好開心咁行入去玩。
同小檬入去,未行到已經呱呱叫!
用咗差不多5分鐘時間觀察,講解先肯入

另一個妹妹呢,更加唔肯,仲大喊添~

行喇行喇,勉強冇幸福

是日我同妹妹好襯

爸爸都同我哋襯晒

小檬就笑容襯晒我哋

睇吓魚池

再行終於搵到兒童遊樂場

三點幾,都唔算多人。鞦韆唔使排就玩到。


呢到玩完一層再行上一層,分散吓啲小朋友
1.

2.

3.

4.

一眼睇晒,唔使驚走失咗。



仲有呢個沙池,不過冇準備,所以冇玩喇

跟住我哋就去觀鳥


兩個小朋友見到啲雀仔都好興奮

小檬呢,一見到一隻就要去睇吓叫咩名。

佢應該以為係海洋公園

拍拍手

雀仔可以企喺手上

餵粟米。

妹妹豬已經眼瞓到極點,
係時候回程喇。

約咗表舅父。母食early dinner,
有佢地,終於可以唞吓~

真係唔認老唔得,而家玩一日要唞返一日~    

6 則留言:

  1. 你地玩成日仲可以出去食晚飯,好彩有舅父舅母幫手,嘻~
    依日檬爸檬媽同妹妹豬真係襯到極點,靚 :D

    回覆刪除
    回覆
    1. 如果冇人接手,我都唔諗住有下場。。多兩個照顧一下真係好好多。。
      係喎。。真係襯到極點, 原本唔係著呢套,不過妹妹豬臨行流鼻血,攪到要換衫

      刪除
  2. 檬媽襯衫有一手呀~ 就算唔係一樣款式都覺得成家好襯呀!!!

    我地冇去過香港公園呀, 又係因為唔就腳又唔知泊邊~

    回覆刪除
    回覆
    1. 呢到環境因素真係唔係好夾我哋....

      刪除
  3. 我本來都諗住去香港公園玩,可惜連環病,都未去到,睇嚟下次食完嘢至去,免得食啲貴夾唔飽嘅嘢

    回覆刪除
    回覆
    1. 係呀。。真係要食完先去,我冇做好功課,原來冇咗麥當當。貴又好食都算,貴又懶靚都算,呢到兩樣都唔係,堅唔抵!

      刪除