我們的童夢城

之前見到啲小朋友去童夢城玩角式扮演，
好似好好玩

"童夢城通識學園是一個既新穎又獨特的通識教育學習平台。
學園內所有設施專為兒童而設，讓他們穿上不同職業的制服，
體驗相關行業的真實工作情況。藉着參與職業模擬遊戲，
小朋友不但可擴闊視野，還能建立獨立能力、團隊精神及社交技巧。'"

但小檬果時仲喺細，未識啲職業，制服又未啱著，
於是諗住等小檬大啲先去。
到今年小檬大啲，妹妹又未到歲數玩，
一個玩一個睇住冇得玩又好似好殘忍！
於是又等。。
近來又諗住不如去玩吓。。又見啲comments麻麻
話好似只係studio著完制服影相咁，
大人又要俾錢
明明我只係行行企企 =___=
但呢啲錢又一定要俾，又俾得唔願意
都係考慮下先

呢晚突然興起，不如同佢地自製童夢城～
揀個屋企有道具嘅職業
售貨員~玩賣野！


要去街，首先要搭小巴啦！
小檬哥哥充當小巴司機～(又扮多個職業)


唔該街口有落! 

落左左車妹妹就做顧客，shopping!!!

有請售貨員～小檬先生

同佢地玩咗一次之後就等佢地兩個自由發揮，睇住佢地玩好好笑，
尤其妹妹無啦啦話
"先生，呢個幾多錢呀。。？"
笑到我同婆婆肚痛咁滯，無諗過妹妹識叫人先生！！哈哈

小姐買啲咩呀？？ 
我想買。。。um um um~ melody


好努力攞錢

之前買嘅收銀機有用喇！

找錢俾你呀～

入袋先～

多謝幫襯！！下次再嚟～

兩個都記得程序，買野比錢找錢包裝送客～
不過始終妹妹未識領導都係聽住哥哥支竹笛！
見到佢地自己識玩我就坐埋一邊笑！！

童夢城~ 售貨員

有時自己諗吓啲新玩意，花啲心思
同佢地一齊玩，
唔使好貴嘅玩具
小朋友都會玩得好開心～～