妹妹豬28M喇 !

妹妹豬28M喇 !!!
@19/06/2016（又遲咗）

食

今個月開始肯試新食物

我以為所有小朋友都鍾意食麵包／餅乾，完來妹妹豬唔鍾意！

早餐要諗吓新主意比佢

種類都算肯試新食物，好鍾意食魚，有日食日本野

自己夾面前條魚食,好好笑

（好在呢條魚冇細骨，如果有佢都好叻咁昧返佢出嚟！

跟住我哋就拆肉俾佢食）

湯／水都好肯鍾意飲。

有時想飲我啲茶，一兩啖，唔太濃我都會俾。

繼續好鍾意食水果

瞓

之前姐姐同佢瞓，而家更換人選，由媽咪當選～

因為媽咪臨瞓前會同佢玩手影，好多動物.....其實都唔識整 wakaka

不過只係一隻狗仔都玩到傻！

突然間會自己講"媽咪我瞓喇"   就拖住媽咪手仔自己瞓～

有時就講吓故事書，唱吓歌仔，媽咪作吓故仔。。。

zzz zzzz

活動能力

繼續未識雙腳跳，遊樂場擒高擒低就叻咗啲。

好鍾意唱歌，成日揸住本書唱，唔知以為佢識認字。

自理能力

除左自理之外，開始理人哋，攞拖鞋俾媽咪，

攞鞋俾哥哥，安排工作

說話能力
已經係一個吱吱喳喳嘅八妹仔

講到一日發生嘅事情

有啲好特別嘅事（幾日之後）會記得同嫲嫲講返

有時玩會話"我唔鍾意爸爸"
到爸爸同佢講 "我車你去街，買玩具比你喎"
佢就話 "咁好啦，我鍾意返你啦"

跟住有一次自己講 
"我唔鍾意爸爸，唔係喎，爸爸車我去街我都係要鍾意爸爸"

哈哈哈

講野越來越越叻。。識駁咀！！

有日我話佢唔肯坐car seat，佢好唔忿氣咁話"我有呀！！！"

其實佢只係有攬seat belt（坐大人位！）

可能mix up 咗car seat 同seat belt兩個字！

爸爸見到佢著住套melody 睡衣，就話"你套hello kitty 睡衣好靚喎"

妹妹豬就話 "你睇清楚啲啦！係melody嚟架！"

情感發展

自己從睇咗"毛毛很善良"之後，就會話去公園我唔會推人，會一齊玩

比媽媽薰陶，好鍾意Rabbit ., 食飯會拎埋沙糖兔一齊食

少咗扭計喊，而家知道自己做錯事會喊

我一話佢，就會話唔鍾意媽媽（走去搵第二個）

兩秒又要返媽咪=____=

我鍾意媽咪~ 一抱佢，就話"我鍾意媽咪"，跟住就自己唱

i love u you love me, we are happy family。。。
媽咪俾佢冧爆

今日著新裙仔呀～ 

媽咪話唔望鏡會似model啲喎

TST妹妹豬 

GG母母嘅新鞋仔～加入vans行列

又有新裙仔慶祝父親節

不經意的擺pose

媽咪發現sanrio bunny系列，多謝爸爸飛撲去買比媽咪！！

（點解妹妹豬孭咗嘅？！）

有個小朋友好好貪靚, 

會鍾意望住我搽cream，會鍾意搽潤唇膏

以為呢件衫係裙（可能有少少荷葉邊）

唔肯著褲

媽咪至愛兔仔裙又出場，開始短！

要狂著, 真係著得一次得一次

超級鍾意Elsa裙，媽咪麻麻哋，所以冇買。。。

（不過契媽媽買=___=）

呢日見佢著住條長裙仔帶頭cool好得意

妹妹豬的第一個首飾箱

（媽咪好鍾意，多謝妹妹豬俾藉口）

第一次在雨中

繼續為食

雪糕 

雞髀  

蟹拑

妹妹豬性格好活潑，好鬼馬，

好多古靈精怪動靜表情令你見到都好開心

妹妹豬好窩心，一放工返黎就會攬住我叫媽咪，

同我講我鍾意媽咪！！

（呢個時候小檬先會喺玩具堆中緩緩跑過來..haha）

繼續做我的甜心妹妹豬！