7.20.2016

小檬暑假游泳班~Lesson 3

見妹妹豬差不多上完kindermusik,
於是小檬揀學游水時間都唔理妹妹幾點喇。

第一堂我要陪小檬,於是叫契媽媽陪妹妹上堂,冇問題,可以陪小檬
第二堂游水,諗住上完先飛去,適逢妹妹失控,我又比逼放失約!

妹妹最後一堂,又諗住可以上即刻飛去泳池,
點知。。婆婆星期五晚食飯時哽骨
婆婆初時以為可以用飯吞咗佢點知唔得。。
最後要到醫院,做個小手術,好在第二日冇事出得院,
所以我同妹妹上完堂
又要接婆婆出院!
真係比婆婆嚇C!好在而家冇事~

又據探子回報,小檬都係臨入泳池果時喊。。。
喊兩下就入=__=

今次已經肯將個頭浸落水,吹泡泡。

真係好勇敢呀~~

不過要買過件泳衣呀。。教練話呢件應該太薄
而家肯落水就買咩都冇問題
都好多謝美國隊長氹到小檬肯著住佢落水!

隱約聽到教練話唔怕唔怕小檬就浸頭落去!

勇敢的小檬繼續努力!

8 則留言:

  1. 叻仔,咁快就克服左怕水呢關,勁!

    回覆刪除
    回覆
    1. 係呀。。叫做肯囉

      刪除
  2. 叻叻小檬!好勇敢~

    回覆刪除
  3. 叻仔啊小檬, 己經浸晒個頭落水!!!係個好開始啊~~

    回覆刪除
    回覆
    1. 都唔望佢識游,只係望佢怕水就得

      刪除
  4. 婆婆咁唔小心呀,無事就好!
    小檬叻叻~

    回覆刪除
    回覆
    1. 係呀。。好在冇事,食野真係要小心
      tks! 要繼續努力

      刪除